هل أنا كذلك

[ساحر الأحزان]

هل انا في المكان الخطاء

أختيارك كان خطاء

تجربتك كانت خطاء

تقييمك كان خطاء

أنك تعطي أشخاص أكثر من قيمتهم كان خطاء

أنك تسأل وتهتم كان خطاء

أن طيبتك الزياده كانت خطاء ؟

موضوعي يمكن مكانه قد يكون في قسم غير الخواطر ولكن؟لأني بحب الخواطر حتكلم كخاطره ؟

مقياس التجارب هو الدروس ومقياس الدروس مثل الكابوس ..

أنت كقيمتك بتكون غاليه علي نفسك ولكن ؟ أحنا كفطرتنا بتتغير من أنسان لأنسان قد تكون فيه ميول

لأشخاص من أول نظره تحس براحه نفسيه ولما تعاملهم يتعكر مزاجك ...

وفيه ناس أول ما تشوفهم تتعكر ولكن لما تتعامل معاهم تحس براحه نفسيه يبقي أكبر خطاء ان حكمك

ومقياسك من دون التعامل الشخصي مع الأشخاص عشان تقدر تحكم بشكل صحيح ..

فيه أوقات أنت بتبذل مجهود لأسعاد الغير وبرغم أنك جواك بتكون محتاج حتي لو مجرد كلمه تخفف عنك

من شخص عزيز عليك وقتها أنت بتكون في منتهي السعاده لأن الشخص الي أنت معطيه قيمه

قدرك ولو بقدر بسيط من المسانده

الي بتعطيك طاقه قويه بتكون أنت محتاج ليها ...

وفيه مواقف أنت بتكون محبط فيها ومحتاج دافع نفسي قبل ما يكون بدني مع أن عزيمتك بتكون نازله

ولكن قد يسوق لك الله شيء ولو بسيط يقدر يصحي فيه عزيمه كبيره وجه وقتها في الوقت المحدد

ليها لأنها بتكون أسباب...

هو الموضوع قد يكون أرتجالي مني

ولكن ده الكلام ألي جه في بالي حاليا

كتبته قبل ما يروح مني

دمتم سالمين

[شاعر الحب الحزين]

الطيبة ليست عيبا ليست ذنباً
العيب على من يستغلون هذه الطيبة
لإرضاء غرورهم ولإكمال نقصهم

أما عن الحكم على الناس
فغالبية الناس مثاليين قبل معاشرتهم
وبعد معاشرتهم ومعرفتهم يكون الحكم

نحن عالم بأكمله لمن أحببناهم
ولا نريد منهم سوى الوفاء

أنت مثال يقتدى به في النقاء والصفاء
طيب القلب جميل الخلق لين ورحيم في تعاملك
جميل أنت أخي الحبيب أمجد
شكري وتقديري وامتناني ❤️

[fanaa]

مش كل مرة بتكون أحكامنا صحيحة
ساعات بنحكم على حد بطريقة هو ميستهلهاش سواء سلب أو إيجاب

[ويبقى الأثر]

عمر الطيبه ماكانت عيب او غلط
تقديرك لناس وتعاملك معاهم بحسن نيه وسؤالك عنهم واهتمامك بيهم ده من طيب اصلك وبيدل قد ايه انك انسان راقى ومتربى وقلبك نضيف سواء هما عاملوك نفس معاملتك او شوفت منهم جحود رغم انك بتعاملهم كويس
بتعامل ربنا بتمشى على نهج رسولنا
الا من اتى الله بقلب سليم ياامجد
لافيه حقد او غل او كره لحد
واكيد كل واحد فينا بيحتاج حد يطبطب عليه ولو بكلمه حلوه
بس صدقنى كل ده هتلاقيه وربنا بيعوض
متزعلش من حد بيعاملك وحش ومش بيقدر طيبتك معاه
على الاقل انت بيكون قلبك صافى سليم نقى وده اللى بيحبه ربنا

حروفك عبرت كتير عن كلام جوا كتير مننا
ربنا يفرحك ويفضل قلبك بنقاءه

[Handsome Man]

كلمات جميلة رغم ما فيها من شجن
لكن كن طيبا كما أنت لا تغير نفسك فالطيبة ميزة لكن حتى لا يصدمك الواقع لا تنتظر من الآخرين دائماً المعاملة الطيبة وفي الوقت ذاته تميز أنت عنهم بطيبتك و تأكد أن الطيبة جواز المرور إلى قلوب الآخرين وسيضع الله في طريقك الكثير من الطيبين

[العاشق الذى لم يتب]

كلام جميل وكلام معقول مااقدرش اقول حاجة عنه
مافيش احسن من اللى يكون فى البال وفى الحال
كلام جميل
ياسعادة المدير
ومنور الدنيا كلها

[دمعه حائره]

هو انت مش غلط بس المكان والناس اللي غلط
ولو استمريت كده هتتعب
لازم اللي يقدرك تقدره والا تبقا بتفرط في حقوقك
والطيبه مش غلط بردو ومش لازم تلاقي مردودها من الناس
الافضل بتتردلك من عند ربنا في حاجات انت بتحبها
احسن الف مره من الناس
ربنا يحفظك

[فــــــــــرح]

ممكن تكون غلطتك من البداية انك متوقع ردة فعل لكل خير وحب وسلام بتقدمه للاطراف التانيه
مع جهلك احيانا بخلفيات ظروفهم ..
وتبدا الدراما الشيطانيه بإنك تعطي بلا مقابل
تزهر طاقة ايجابية ،، وتنثر من طيبتك قطرات تنقذ بها العالم
وماهي الا وساوس او حديث نفس ..

انت طيب وفلان الشرير يوجد به شيء من الطيبة
عشماوي .. !! قد يكون من احن الناس

خلاصة القول لا تعطي الاخرين اكثر من استحقاقهم
وكن على يقين بضرورة وجود خطوط حمراء ممنوع المرور عليها
والمهم هو دع خطوة للخلف بينك وبين البادرات الطيبة التي تصدر منك

[واد حبيب]

مفيش وقت للندم في وقت لاستكمال الحياه
تسلم علي كلامك الجميل

[فداااااااااااء]

حتى لو اخطأت في اعطاء قيمة زائدة لاشخاص لا يستحقون

فالتجربة تجعلك تتعلم وتحسن الاختيار فيما بعد
ليس عيبا ان تكون بقلب طيب ومعطاء ولكن العيب ان تقبل بالاستغلال وتظل ساذجا
الحكم المسبق على الاشخاص هو خطأ كبير لانه لا يجوز الحكم على احد دون رؤية سلوكه وفكره
احسنت البوح ساحر
اسعدك الله