خلينا نتمنى

[جبل عالي]

خلينا نتمنى...

بعد السنين ماعدت بينا والأحداث شقلبت حياتنا
كتير بنقعد مع حالنا ونفتكر حجات كتير.. كانت ماليه علينا ايامنا
وفجأة راحت... زي اللي راحوا من اهالينا واصحابنا


الكلام هنا عن معاني ... عن عادات ... عن طقوس
سميها زي ماتسميها... كتير بتكون الحجات دي مرتبطة بوجود بشر معينيين
والاكتر بيكون مرتبط بظروف حوالينا ملناش يد فيها...


المهم من كل ده.... اننا بنرجع نتمنى من تاني...


كل واحد جواه حجات عايشه لسه رغم أنها راحت


ياترى انت... وانتى... وانت.... نتمنى ايه نرجع نعيشه من تاني؟؟؟

[*فجر الاسلام*]

ارجع صغيره عشان تعبت من حياه الناس الكبيره دي

[ساحر الأحزان]

أتمني ارجع لمرحله الابتدائي والأعدادي في الدراسه

لأنها مرحله لا تنسي بحياتي

احسنتي جبل وعوده جميله لقلمك المميز

[ويبقى الأثر]

بتمنى يرجع الوفاق بين اخواتى تانى بعد موت ماما كل واحد مع نفسه بتمنى الضحكه الصافيه اللى من القلب ترجع تملا حياتنا
بتمنى قلم جبل وروحها الحلوه ترجع تملا منتدى بنات مصر
حمدالله على السلامه حبيبتى وحشتينا
ربنا يسعد قلبك وكل ايامك

[واد حبيب]

لو كل الأماني ممكن لكل الناس اتمنت كتير
عوز افضل زي ما انا ومش اتغير خالص
في ناس شايفني حلو وناس شايفني وحش
بس عوز افضل زي ما انا وعجب نفسي

[Lamees]

اتمنى ارجع للراحة بالي
وترجع تاني ضحكتي
وروحي المرحه
اللي بقت كئيبه

[جبل عالي]

اقتباس المشاركة الأصلية كتبت بواسطة *فجر الاسلام* ارجع صغيره عشان تعبت من حياه الناس الكبيره دي

فجر الرقيقة... أمنيتك رقيقة زيك
ربي يحفظك من كل شر
ويقويك ع حياة الناس الكبيرة المسؤولة
اللي شايله فوق طاقتها وبنقول يارب

[جبل عالي]

اقتباس المشاركة الأصلية كتبت بواسطة ساحر الأحزان أتمني ارجع لمرحله الابتدائي والأعدادي في الدراسه لأنها مرحله لا تنسي بحياتي احسنتي جبل وعوده جميله لقلمك المميز

ا
وما أحلاها من مرحلة
عندك حق والله

نورتني أمجد ربي يحفظك

[hanady]

اتمنى :

أنسى و أنسى و أنسى

سلمتِ جبل عالي

[فــــــــــرح]

اوقات كتير انا لسى عايشه فماضيها
ودلوقتي بتمنى ارجع لوقت العصر وفرح عندها تقريبا ٩ سنين
بداية سنه دراسيه جديده
راميه كل حاجات المدرسه عالارض وانا فوسطها فرحانه بيها
عقلي شغال وبفكر في مليون حاجه في الدقيقه مش مركزه غير في الي
بين ايديا
فجاءه بابا الله يرحمه دخل واقعد عالارض معايا ومعاه شاي
مقلش ولا كلمه بس بيبص عليا ويبتسم ابتسامه جميله
مكلمتوش مش مركزه معاه فرحانه بكل حاجه حولي

بدايه سنه دراسيه جديده مستحيل انساها