القايمه والجواز في حياة الانسان [ حياتي الاسريه السعيده]

[واد حبيب]

السلام عليكم ورحمة الله وبركاته
اهلا بمل أعضاء المنتدي الغالي
منورين منتدي بنات مصر للعلوم والمعرفه الجميله
هنا كلنا اخوات واصداقاء مع بعض يارب ندوم هنا دايما ومجمعين في الخير
من فتره بسيطه كده كنت بتكلم انا ومديره المكتب علي الجواز والتكليف العاليه في الجواز للعريس والعروسة وسألتني العريس في مصر بيجيب اي علشان يجوز قولتلها الدهب والشقه وغرفه النوم والأطفال والركنيه مع حاجات بسيطه اخري استغربت وقالت بس كده يعني قولتلها اه والعروسة بتجيب الباقي
قالت كده مش صح لزم العريس يجيب كل حاجه والعروسة تروح بهدومها بس
قولتلها مش تستعجلي عمو السيسي عمل كده
قالتلي كده صح علشان العريس لما يدفع دمه قلبه علشان يجوز يحترم مراتو ومش يتكبر عليها ويحافظ عليها بكل ما يملك
انا رديت قولتلها طيب ما هنا العريس بيجيب كل حاجه وبيدفع دم قلبه ونص بنات الكو يت مطلقه يغني مش ده السبب ولزم الاحترام والأخلاق قبل كل شي
اللي شاري حد بحافظ عليه حتي لو مش جايب حاجه خالص
هنا انا عوز رايكم في كل ده
هل القرار ده صح علشان يقدر يحافظ عليها ولا دي كلها كلام علي الفاضي
احنا في مجتمع يحلو في الكلام لكن الفعل ينقصه التنفيذ
وهل إلغاء القايمه ده شي كويس واجابي ولا له تدعيات مستقبليه
عوز رايكم في الموضوع ده
تقبلو تحياتي

[طبيب الهوى]

في مثل عندنا في الصعيد بيقول
اللي يجي بالساهل يروح بالساهل
يعني لازم العريس والعروسة معا
يشعرون بمشقة تجهيزات الزواج
لهذا يستمر الزواج بينهم الباقي من عمرهم
أما بخصوص حالات الانفصال بتكون لأسباب أخرى
أهمها عدم تربية الأهل لأبناءهم وتعليمهم كيف يحافظون
على أزواجهم وزوجاتهن
ان قام الأب والأم معا بتعليم أبنائهم وبناتهن
ماذا يعني زواج من مسؤولية وتكوين أسرة
ودور كلا من الزوج والزوجة بما عليه أو عليها
من واجبات وتنفيذها قبل ما يطالبون بحقوق كلا منهم عند الأخر
لما سمعنا عن حالات الانفصال
أخي الحبيب محمد
فكرة نقاش قيمة جدا وواقعية اسعدني وجودي فيها
بالتوفيق إن شاء الله
أبو عصام

[ساحر الأحزان]

فكره موضوعك جميله محمد

القايمه كحفظ حق الزوجه كما شرع ليها المهر

وده بيتكتب كحفظ حق في ورق

والورق ده بيتعان صوابعك مش ذي بعضها في أزواج بتصون الزوجات وبتكون علي قدر المسئوليه
وفيه أزواج بتتزوج بالساهل يعني حالتهم الماديه عاليه فده بيتجوز بسهوله
غير ألي شقي وتعب

وبرضه فيه بنات بدها تعيش وتبني أسره وبرضه فيه بنات ليست علي قدر المسئوليه
في الحياه الزوجيه الي عاوز يفارق مش حتفرق معاه قايمه وخلافه حتي لو أيه ؟
أنما المهم نعرف ان الزواج شراكه بين الطرفين الزوج والزوجه
والأسره هما الركزتين الاساسيتين داخلهم
أحسنت حبيب الموضوع

تحياتي لك

[Fatma eissa]

في مثل يقول
بنشتري راجل
الراجل هنا ملزم
انه يثبت انه شاريها
ولاهل اكيد
عاوزين يأمنون مستقبلها
ويطمنو عليها

ودي اقل حاجه


موضوع في غاية الاهميه
تسلم ايدك

[يحيى الفضلي السودان]

مثل
الغالي بي غلاتو تشوف حلاتو
والرخيص بي رخصته تذوق مغسته

[العاشق الذى لم يتب]

السلام عليكم
واهلا بيكم سلامات
جميل ابواياد
والموضوع فعلا حيوى ومهم
وكتيردارت حواليه نقاشات متعددة
فى حوارات وبرامج مرئيةومسموعةومقروءة
وايضا مابين جلوس المصاطب والمنتديات
ولكل واحد منهم آراءه ووجهة نظره
ونشبت خلافات وتباين كبير
بين المتحاورين وايضا أراء علماءالدين
ومن وجهة نظرى المتواضعة
أرى أن مابعد عن الشريعة الاسلامية
والقوانين الربانية
يكون تحت الفحص والتمحيص
نعم شرع لنا ديننا القويم
أن الزوجة لها حقوق واجبة النفاذ
على الزوج ومن اهمها هو مهرها
والمهر حق اصيل للزوجة
وسواء كان مكتوبا كما هو مستحدث فى ايامنا هذه
او كان منطوقا كما كان فى العصور الاولى
وفى عهد النبوة المحمدية
ومابعدها بسنين طويلة
اذن خلاصةالقول ان مهر المرأة
حق اصيل وهذا يسجل فى قسمة الزواج المشهورة حاليا
ومن حق الزوجة ايضا ان يكون زوجها هو المسئول عن تجهيز عش الزوجية كاملة
اما عن المستحدثات والتى اشتهرت بكل
بلادنا العربية

ان تلتزم الزوجة بالمشاركة فى تجهيز
بيت الزوجية وان يكتب لها قائمة
هذان ليسا فى الشرع من شيئ
اذن نستخلص من هذا الحوار
انه لايوجد فى الشريعة قائمة ولااشتراط
ان تلزم الزوجة بالمشاركة فى تجهيز بيت الزوجية
ونعم لايمنع ديننا الحنيف ان تساهم الزوجة وتساعد زوجها وهذا ليس امراوجبرا
إنما برضاها ووالديها
ولكن ضاعت الشريعة الاسلامية
وظهرت شرائع الشياطين
ومن ثم ظهرت وكثرت المشاكل
الزوجية وارتفعت نسبة الطلاق
اكتفى
والسلام عليكم ورحمة الله

[Aya 7ekaya]

للاسف الواقع اللى شوفته بعينى من تجارب قريبة منى فعلا أنه الراجل لو ماتعبش ف بناء بيته وسعيه للزواج عمره مايحس بقيمه أسرته وزوجته
وفى بنات لان أهلها تساهلو مع الزوج من باب يسروا و لا تعسروا أزواجهم عايروهم من اول مشكلة أن اهلهم ما صدقوا جوزوهم وتساهلو فى طلبات الزواج
لكن دى مش قاعدة عامة رغم أنها موجودة وبكثرة الأصل اكيد التيسير من أهل الزوجه والتقدير من الزوج
لكن المرعب ان فى شباب اصلا مش بيعملوا اعتبار للقايمة من الأساس لانه عنده القدرة حسب اعتقاده أنه وقت الانفصال لو حصل يجبر زوجته عن التنازل عن القايمة من الأساس
علشان كده انا شايفة أنه سواء فى قايمة أو لأ
العبرة ب اللى بخاف ربنا أنه يظلم أو يفسد
موضوع مهم وقيم ي محمد احسنت الاختيار

[دمعه حائره]

كلامك صح يامحمد وبعدين مش القايمه اللي هتخليه يحافظ عليها
اللي بايع مش بيبقا علي حاجه
وللاسف النفوس الضعيفه بتستغل القايمه ويرفعو قواضي
الزواج موده ورحمه وتفاهم مش وصلات امانه وورق ومحاكم

[M e s k]

من رأيى لازم القايمه طبعا
الراجل مش هيمه حاجه
انما ضمان للزوجه
على الاقل اما تطلق تلاقى حاجه تسند عليها
موضوع قيم

[جالس لحالي]

من العادات المتخلفة فى مجتمعنا ان الى مقبل على الزواج وداخل يتكلم على بناء اسرة بيتكلموا معاه على هدم الاسرة

انا يا عمي طالب بنتك ويشرفني انها تكون زوجتي
- تمام يا ابني نتكلم بقى فى القايمة عشان لو طلقتها نضمن حقوقها !!!

الناس الى شايفة ان القايمة حفاظ على حق البنت طيب فين حق الزوج لو الى اتجوزها طلعت متخلفة وفيها من الصفات الى يخليه يطلقها ب ال 33

وصل الحال ان الناس مستحملة بعضها فى جوازات عشان ورقة ؟!!

طيب بالمناسبة وكلمتين للشباب ان القايمة دي حماية للزوجة وضرر للزوج لان ممكن وهي فى بيتك تترفع عليك قضية ان سارق العفش واكبر كدبة بنكدبها على بعض ان القايمة عشان لو طلقت لا والله ممكن تدخل السجن بمجرد ما كتبت الكتاب ومضيت على القايمة وقبل الفرح كمان

لان عزيزي الشاب القايمة تتبع محكمة الجنح واسمها جنحة تبديد زيها زي ايصال الامانة بالظبط

فمتبنوش بيوت على ورقة وتخلوها خنجر فى ظهر الزوج لان زي ما فيها رجالة مش تمام في ستات نفس القصة وفى الاخر بنت الاصول الى بتقع مع حد مش محترم بتشتري نفسها ولا بيهما قايمة ولا نايمة