مراحـل تـطور طـبق الكـشري (تابع مسابقه المشـاركات الحـصري

[ساحر الأحزان]

بسم الله الرحمن الرحيم

مراحل تطور طبق الكشـري
في فتره الستينات كان طبق الكشري مجهول وما كان معرف
كان مفيش نت ولا سوشيل ميديا ولا أعلانات.
كان طبق الكشري في حاله الكل بياكل منه
ولا كان فيه دقه ولا طبق بالفراخ ولا المفروم..
كان عـامل ذي العيش البلدي والفول والطعـميه .
الكل بياكل منه ,,
عدي علي الوقت ده كتير من الزمن وطبق الكشري كافي خيره شره ..
ألي عاوز ياكله ماشي وألي ما عاوزه ماشي ..

لحد لما وصل طبق الكشري لصاحب الجلاله رئيس مورنجا طويل العمر
الله يطول عمره وكان وقتها طبق الكشري وقع في طريق فريد شوقي ورجاله وحاشيته
في فيلم صاحب الجلاله ...ويومها الشطه تبع الكشري قلبت المحل علي صلصه الكشري
والضرب أشتغل وبعدها زعل طبق الكشري شويه وخد أجازه مؤقته...
لحد لما وصل طبق الكشري لعبدالغفور البرعي في لن أعيش في جلباب ابي ..
يومها عبالغفور قال لفاطمه كشري هوي الرز شويه ومش تسوي المكرونه علي الأخر
فاطمه فكرت في كلام عبده لقيته مظبوط وتمام التمام عملت بيه فاطمه
وكان طبق الكشري وش السعد علي عبدالغفور وفاطمه ..
عبدالغفور كافح بعد ما كان بياكل طبق الكشري من أيد فاطمه
وكان المعلم سردينه مغرم بطبق الكشري من أيد فاطمه أخت سيد كشري ..
كبر عبدالغفور وبقي معلم كبير في الوكاله وبقت فاطمه شريكه كفاحه
وده كان بفضل ربنا والسبب طبق الكشري ألي قرب بين فاطمه وعبده ...
وبعد الحكايه دي ؟؟؟؟
تمر الأيام وتعدي الأيام ويهل علينا فيلم غبي منه فيه مع تطور طبق الكشري ..
بقي منه أشكال وألوان والكل بقي بيتفنن في أذاي يكون مشهور في الكشري ..
وما ننسي الجمله الشهيره بتاعت الفنان حسن حسني رحمه الله عليه
لغبي منه فيه هاني رمزي ..
لو معاك طبق كشري وأكلت منه معلقه حتحس بيه قاله طبعا ..
لو أنت خدت المعلقه أنا حاكل كشري بأيه وده كان التطور الطبيعي
ألي زعل طبق الكشري من هاني رمزي ...
وتمر السنين وتعدي السنين والكشري بقي يعيش أزهي عصره وأوقاته .
لحد لما وصل التحرير
وجه صاحب النصيب وصاحب المحل عامله معامله وحشه
وهنا حصل التحول الكبير في طبق الكشري بعد ما أحمد ولا محمد ألي أكل الطبق
بقي نجم مشهور في الأعلان والبرامج
وكان عنده مواهب مدفونه حيغني مع عصام شعبان عبدالرحيم أغنيه أزقز وأجري .
وبعدها بشويه حيطلع علي قنوات أون سبورت كمحلل رياضي لكأس العالم,,
وبعدها بشويه كنجم سينمائي في فيلم
طبق طبقنا غلب طبقكم )
والسبب طبق كشري
وكمان بقي نجم مجتمع مشهور
وكان السبب طبق كشري التحرير
والناس شغاله دعاوي علي مدير مطعم كشري التحرير
كان أكله كشري حتي ولو علي حسابه
علي شان بقينا عايشين الأيام دي علي حس طبق الكشري

وكأن مفيش شيء مهم غير طبق الكشري ومحل التحرير
ألي هنا وصلنا لأخره مرحله في تحول طبق الكشري ومن عنده أضافه فاليتفضل مشكورا
بأضافه البهارات ألي طبق الكشري

تـحياتي للجـميع

[M e s k]

الله ع الكشرى ومراحل التطور
وعندى اضافه صغنونه من فيلم طباخ الريس
اما الريس سأل متولى بكام طبق الكشرى
قاله ب تلاته جنيه ولو حبيت تزود صلصه ودقه يبقى خمسه جنيه
الريس قاله ياااه
يعنى اسره بسيطه من خمس افراد ياكلو كشرى ب 25 جنيه واستغرب جدا

وبعد اما اكل الكشرى قاله مفيش كماله يا متولى

بجد استمتعت برحلة تطور الكشرى
تسلم استاذنا

[أمير عسكر]

هههههههههههه دا طلع عينه في سلم الصعود للشهرة والمجد
لست من محبيه لكن زاد احترامي ليه بعد موضوعك الشيق
لمراحل تطورة ونضاله العجيب الذي يستحق التقدير

تحية تليق بك أخي العزيز

[العاشق الذى لم يتب]

كل ده مراحل الكشرى
اكيد ياسعادة المدير كنت لاطلشك طبق كشرى دوبل
والله خلتنى اتحوش الكشرى
ربنايوفقك ياعم المدير

[يحيى الفضلي السودان]

ادام الله لنا ثقافة مصر ام الدنيا
متععكك الله صحة وعافية
ونحضر معاك طبق كشري علي الشاطئ

[طبيب الهوى]

أخي الحبيب أمجد
رغم هزليتك وسخريتك في تطور الكشري
إلا أني فهمت أن هناك مشكلة حدثت في محل التحرير
عجبني أسلوبك جدا والتنقل في الأحداث
لهذا قررت أفتح فرع للكشري في موزمبيق
والله المستعان
تحياتي لفكرك القيم وسردك الرائع وقلمك المبدع
أبو عصام

[شاعر الحب الحزين]

رحلة كفاح طبق الكشري
وصلت عند محمد في كشري التحرير
اللي كسب تعاطف كبير من الناس
على إثر طرده من كشري التحرير
ليتحرر بعدها محمد ويطلع في كل خبر
لمدة أسبوعين والآن تم طرده من تصوير
فيلم وشوف الترند هيوصل لفين بقى

طرح قيم وجميل بأسلوب خفيف دم
وتنقل بنا مع طبق الكشري من جيل لجيل
رائع وجميل أنت أخي الغالي أمجد
شكري وتقديري وامتناني ❤️

[الملكة كيلوباترا]

ياسلام على الكشرى وطعمه بجد كان زمان الناس تاكل بمزاج فى الكشرى ولغاية دلوقتى بس اللى ليه مزاج كدة فى الاكل دة ، موضوع رائع تسلم يااستاذ امجد

[زنبقة تناجى ربها]

مافيه ألذ من الكشري بكل حالاته ...

طبق مصري بديع ...

أتمنى لك التوفيق أستاذ ساحر الأحزان ...

[Lamees]

ممكن طبق كشري عشان انا جعانه بقى
تحيتي امجد