دلوقتي أخترت ليه عنـوان؟؟؟؟؟؟؟؟؟؟

[ساحر الأحزان]

السلام عليكم ورحمه الله وبركاته
يمكن أنا داخل الموضوع مش حتكلم بشكل منظم قد يكون الحديث أرتجالي من دون تحضير
للكلام ألي حقوله ...مش حتكلم عن البدايه لما دخلت المنتدي لاء حتكلم في أخر مره
مسكت فيها الأداره لما لمارا غيبها طول ومش عارفين نوصل ليها ونطمن عليها ,,
والمنتدي محتاج لون أحمر يلبي طلبات الأعضاء ويكون وجوده حافز داخل المنتدي..
ويكون عنده درايه سابقه بالتعامل داخل لوحه التحكم ..
يمكن من يوم ما تركت الأداره أول مره وأنا كان عندي نيه بعدم الرجوع ليها مره تانيه ؟
وده كان قرار قطعي عندي عشان الناس التانيه تقدر تاخد فرصتها في درجات الترقي
من الأخوه الأعضاء المنتدي هنا مر بفتره عصيبه من قله تسجيل دخول عضويات جديده
ومن ناحيه أخري عزوف الأعضاء عن الدخول ومن أتجاه أخر حصل مشاكل وخلافات
بين المسؤلين داخل المنتدي ادت في النهايه للحاله الحاليه داخل المنتدي ..
من عزوف وقله دخول للأعضاء وأيضا عدم تواجد أداري ؟
يمكن مفيش أي مكان بيخلو من جو المشاكل وبعدها الأمور بتهدي
والنفوس بتصفي وبنرجع ذي الأول أبناء المكان ..
تواجدي الأخير في الاداره ليس حب منصب وليس حب ظهور ولكن ؟هو حب نابع للمكان
نابع للكيان ألي أنا متواجد فيه حاليا وهو منتدي بنات مصر
أنا أتعرض عليه كتير أرجع الاداره ولكن مش كنت حابب الرجوع ..
لأن الوضع حاليا غني عن التعريف ليس خوفا من ذلك علي أسمي
أو تاريخي داخل المنتدي المربوط بالنشاطات الي متواجده داخل المنتدي..
وأن أنا مش ماسك عصا سحريه ترجع المكان مثل ما كان ؟
أي نشاط كان موجود فهو كان بفضل الله أولا وثانيا بفضل الأخوه الأعضاء
ألي ربنا جعلهم سبب في تنشيط المكان المكان قد يكون الأن
مثل منتديات عريقه أخري قد هجرت من أعضائها
ولكن أحنا هنا عندنا ميزه فيه أداره وفيه رقابه وأشراف ولكن نحتاج دخول الأخوه الأعضاء
مثل ما كان في السابق نحتاج ألي التنشيط ذلك المكان كان سبب مهم في تعارفنا
في تقاربنا في صداقتنا كل الناس الي عرفتها كانت معرفتي بيهم من داخل المنتدي ؟
حاليا لما بكلم أي صديق بقله خش المنتدي معانا وشارك
بيقول حخش لمين المنتدي فاضي طيب يا عم خش وشارك يمكن لما تدخل
المنتدي فيه زوار كانو أعضاء والناس دي أنت غالي وعزيز عليهم
وأول ما تسجل حيدخلو هما كمان ويطمنو عليك
وهكذا العمليه دايره كل لما عضو من الغايبين يخش حيجيب حد معاه
لو عشر أعضاء تدخل أكيد العدد حيزيد مع الايام أن تسجيل عضويات
جديده قل فيكفي علينا الأعضاء المسجلين داخل المنتدي في السابق؟
أنما كل ما تبص علي الاعضاء تمتنع عن الدخول لما تشوف العدد قليل
عضويه الفيس مع الجميع طول اليوم شغاله علي جهازك سجل
دخولك معانا داخل المنتدي لو بموضوع أو مشاركه كحافز ليك ولينا
أنا مش بيخش ليه دخل من وراء المنتدي ؟
ولكن ؟يعز عليه عراقه المكان والمجهود من أبنائه ينسي
ويصبح كماضي حزين ؟
لما بتصفح قسم الأقلام أو النقاش أو الأدبي أو اليوميات بشوف موضوعات
من سنين موجوده بشوف قد أيه كنا جمال جدا وكان عندنا مميزات ومواهب جميله؟
المنتدي جواه أرشيف لكل أعمالنا الجميله كل عضو بيخش جوه ملفه بيقدر
يبحث عن موضوعاته من سنين بعكس أي حاجه تانيه بتجد صعوبه أنك
توصل لعمل عملته من مواضيع كتبتها وذكريات جميله ؟
كلامي اليوم كان فضفضه من القلب وحب للمكان
الي للجميع ذكري داخله

تحياتي للجميع

[فــــــــــرح]

كلام جميل استاذنا الفاضل ومنطقي ومليان حنين وغيرة عالمنتدى والرغبة في ازالة ( خيوط العنكبوت) من زواياه واقسامه
لكن عن نفسي بداية تواجدي في المنتدى غير دلوقتي غير بكره مع العمر وظروف الحياة ووسائل التواصل الاجتماعي اللي
التعامل فيها اسهل واسرع من المنتديات بملايين المرات كل دول عوامل تساهم في قلة او عدم الرغبة في التواجد اما الخلافات
فالايام والسنين انهت كل خلاف او مشاعر سلبية بين اي طرفين متخاصمين في المنتدى .. وعن نفسي متفهمه احساسك جدااااااا
لاني بدخل احيانا على ملفات الاعضاء اللي بفتكرهم وادخل اشوف مواضيعهم عشر سنين ورا حنبن ووجع وفورا ونشاط فعلا
اشبه بالجيش والان المنتدى تحسه بقى وحيد حزين شعره شاب ظهره انحنى محتاج حياة جديده عشان يرجع زي مكان
وربنا يعطيك الف عافيه على المشاعر والثقة اللي انت كل مره بتظهر انك قدها

ويارب يرجع الجميع من خلال دخول موحد عن طريق قروب بنات مصر عالفيس
ونحديد يوم الكل يحاول يدخل فيه والايام حتجر بعضها وننقذ ما يمكن انقاذه في المنتدى

[يحيى الفضلي السودان]

الغالي مكانتك عالية في نفوسنا
شكرا

[Lamees]

انا جيت الغياب والله كان غصب عني
وان شاء الله يتحسن وضع المنتدى
دام انت موجود أمجد أن شاء الله كل الأمور
هتكون طيبه
تحيتي امجد

[أمير عسكر]

عندك حق والله أنا بتصفح في الأقسام اللي أنت قلت عليها
والله مواهب رائعة وناس بتكتب بمنتهي الجمال واسلوب وثقافة
اتمني الجميع يرجع ونستمتع بهذا القدار الوارف من الرقي
دمت سالم أخي الحبيب أمجد لك خالص التقدير
وخالص المودة

[دمعه حائره]

محدش يقدر ينكر مجهودك للنهوض بالمنتدي
وانك رجعت في فتره صعبه وفعلا كان ليك اثر في نشاطه
وان شاء الله نقدر نشارك كلنا زي الاول

[☆ شهـــاب ☆]

الموضوع دة للاسف متكرر في كتير من المنتديات اللي كنت بدخلها زمان

واعتقد ان بيكون في حلول ، اي نعم بتاخد احيانا شوية وقت لكن بيكون ليها نتيجة في الاخر كويسة

اهمها ان يكون في جزء كبير من الاعضاء القدامى متواجدين

لان القدامى بيكونوا اكتر ناس بيهتموا ان المنتدى يرجع زي الاول لانهم هما اللي عاصروا وقت قوة المنتدى

لو قدرت اخي أمجـد مع باقي الاعضاء القدامى المتواجدين انكم تتواصلوا مع بعض وتقدروا تتواصلوا مع غيركم من اصدقاء المنتدى القدامى يمكن يكون دة حل ولو مؤقت

ويمكن لو في ربطـ بين المنتدى والفيس بوك دة يكون بردو خطوة جيدة لان انتشار الفيس بوك قوي جدا

دي افكار بسيطة قلت اقولها يمكن تفيد ولو بشكل بسيط

تقبل تحيـأأتي اخي الكريمـ وتمنياتي بالتوفيقـ دائمـأأأ ، ، ،

[ساحر الأحزان]

اقتباس المشاركة الأصلية كتبت بواسطة فــــــــــرح كلام جميل استاذنا الفاضل ومنطقي ومليان حنين وغيرة عالمنتدى والرغبة في ازالة ( خيوط العنكبوت) من زواياه واقسامه لكن عن نفسي بداية تواجدي في المنتدى غير دلوقتي غير بكره مع العمر وظروف الحياة ووسائل التواصل الاجتماعي اللي التعامل فيها اسهل واسرع من المنتديات بملايين المرات كل دول عوامل تساهم في قلة او عدم الرغبة في التواجد اما الخلافات فالايام والسنين انهت كل خلاف او مشاعر سلبية بين اي طرفين متخاصمين في المنتدى .. وعن نفسي متفهمه احساسك جدااااااا لاني بدخل احيانا على ملفات الاعضاء اللي بفتكرهم وادخل اشوف مواضيعهم عشر سنين ورا حنبن ووجع وفورا ونشاط فعلا اشبه بالجيش والان المنتدى تحسه بقى وحيد حزين شعره شاب ظهره انحنى محتاج حياة جديده عشان يرجع زي مكان وربنا يعطيك الف عافيه على المشاعر والثقة اللي انت كل مره بتظهر انك قدها ويارب يرجع الجميع من خلال دخول موحد عن طريق قروب بنات مصر عالفيس ونحديد يوم الكل يحاول يدخل فيه والايام حتجر بعضها وننقذ ما يمكن انقاذه في المنتدى

تلك ذكريات جميله فرح لان ذلك المكان له قطعه بداخل قلوبنا
فكم ضحكنا بداخله

وكم تسابقنا في كثير من جنباته

وكم عرفنا علي اخوه لم نراهم

ولكن راتهم قلوبنا واحبتهم ولم ولن تنساهم

اشكرك فرح علي طيب وجميل مشاركتك

تقديري وتحياتي لكي

دمتي بخير

[ساحر الأحزان]

اقتباس المشاركة الأصلية كتبت بواسطة يحيى الفضلي السودان الغالي مكانتك عالية في نفوسنا شكرا

اشكرك اخونا الفاضل ابن وادي النيل

يحيي الطيب نسعد بتواجدك

معنا اخي الكريم

تقديري لك مع تحياتي

دمت بخير

[ساحر الأحزان]

اقتباس المشاركة الأصلية كتبت بواسطة lamees انا جيت الغياب والله كان غصب عني وان شاء الله يتحسن وضع المنتدى دام انت موجود أمجد أن شاء الله كل الأمور هتكون طيبه تحيتي امجد

حمد لله علي السلامه لميس
ربنا يعينك

وان شاء الله تكون اخر الغيبات

تقديري وتحياتي لكي

دمتي بخير