الزعل من غير سبب

[M e s k]

السلام عليكم


انا فى حيره من امرى اعمل اى افيدونى


الموضوع هو



اما حد يزعل منك وانت مش عارف ليه


وكمان ياخد جنب كده ولا يكلمك على غير العاده



ومتغير عليك جدا وانت متاثر وزعلان وتضرب اخماس ف اسداس


لانك مش عملت حاجه تزعل



السؤال



ابادر انا بسؤاله عن سبب زعله


وولا اسيب الامر كما هو عليه طالما انى مش عملت حاجه

[*فجر الاسلام*]

هم ممكن يقولولك بادر وشوفه ماله وكده
بس انا عن نفسي بسيب اللي يتقمص يفضل بقمصته لحد مايصالح نفسه
طالما معملتش حاجه فهمني غلط براحته دي مشكلته مش مشكلتي
اصل انا خلقي ضيق حبتين هههه

[واد حبيب]

لو حد غالي عليك اوي ويعز عليك اسئله مالك
لكن لو حد عادي سيبو يولع

[☆ شهـــاب ☆]

انا بشـوف ان فعلا لو انسان غالي عليا ويعـز عليا زعلة

هسألة ولو لـمرة واحدة بس عشان أأكون عملت اللي عليـا

ولو لقيت ان في سبب وخطأ مني اكيد هطيب خاطرة واصالحة يمكن عملت شيء مش انتبـهت لية !!

انما لو مفيش سبب ساعتها هسمعه كلامـ يعاقب علية القانون :d :d :d

[Lamees]

لازم لازم تسألي الشخص ده ايه اللي مزعلني
ماهو لو شخص غريب مش هناخد بالنا اصلا إنه زعلان
ومفيش حد بيزعل من غير سبب

[ابتسام القمة]

انا من رأي انه ابادر بالسؤال واسأل ليه انت زعلان مني لانه الشخص دا غالي على قلبي مش ارضى يزعل مني عشان كدا لا زم اكون شجاعة واسأل ليه الزعل

[M e s k]

اقتباس المشاركة الأصلية كتبت بواسطة *فجر الاسلام* هم ممكن يقولولك بادر وشوفه ماله وكده بس انا عن نفسي بسيب اللي يتقمص يفضل بقمصته لحد مايصالح نفسه طالما معملتش حاجه فهمني غلط براحته دي مشكلته مش مشكلتي اصل انا خلقي ضيق حبتين هههه

انتى عسوله حبتين ههههه
المشكله انى بشغل بالى جدا

واكون متضايقه خالص اما احس انو حد زعلان منى
نورتى فجر

[M e s k]

اقتباس المشاركة الأصلية كتبت بواسطة واد حبيب لو حد غالي عليك اوي ويعز عليك اسئله مالك لكن لو حد عادي سيبو يولع

ههههه مش بعرف اكبر دماغى ف النقطه دى بالذات

ولكن بحاول بالفعل

نورت يا كبير

[M e s k]

اقتباس المشاركة الأصلية كتبت بواسطة ☆ شهـــاب ☆ انا بشـوف ان فعلا لو انسان غالي عليا ويعـز عليا زعلة هسألة ولو لـمرة واحدة بس عشان أأكون عملت اللي عليـا ولو لقيت ان في سبب وخطأ مني اكيد هطيب خاطرة واصالحة يمكن عملت شيء مش انتبـهت لية !! انما لو مفيش سبب ساعتها هسمعه كلامـ يعاقب علية القانون : D :d :d

لو يعز عليك هتساله مره واحده هههههه
فى اى يا شهاب ده انا مش انام الليل واسهر اعيط للصبح

نورت بقن

[M e s k]

اقتباس المشاركة الأصلية كتبت بواسطة lamees لازم لازم تسألي الشخص ده ايه اللي مزعلني ماهو لو شخص غريب مش هناخد بالنا اصلا إنه زعلان ومفيش حد بيزعل من غير سبب

البروبلم عندى فعلا انو مفيش سبب
او يمكن فيه وانا مش واخده بالى

نورتى لميس