وضع صامت

[Şα3Đ..♥]

عايش علي طول وضعك صامت
وبقيت علي طول مابتتكلمش
سرحان طول وقتك كده ساكت
بتقع و تقوم وما تتعلمش
لونك بقي ليه ديما باهت
مصدوم ليه بس ؟ ماتتعشمش
قوم كمل خليك كده ثابت
الناس و الدنيا ما بترحمش

والميزه في قلبك انه كتوم
و انه كمان برضو بيستحمل
ومعيش روحك ف البدروم
و ﻻ عمرك قولت انا مستتقل
حمل اﻻيام والدنيا ف يوم
مع ان الدنيا بتسبهبل
واملنا بقي اسمه المرحوم
والحاضر دبح المستقبل

و برغم ما فيك ف جراح وانين
لكن عمرك ما بتستسلم
بيبان شكلك من بره حزين
لكن جواك راضي ومسلَم
ربك علي طول موجود بيعين
و الأيام ديما بتعلم
#محمدسعد

[M e s k]

بيبان شكلك من بره حزين
لكن جواك راضي ومسلَم


كلمات بسيطه رقراقه
سلمت والنبض

[Şα3Đ..♥]

اقتباس المشاركة الأصلية كتبت بواسطة m e s k بيبان شكلك من بره حزين لكن جواك راضي ومسلَم كلمات بسيطه رقراقه سلمت والنبض

متشكر جدا لمرورك يا مسك
نورتيني

[☆ شهـــاب ☆]

أأحسـنت أأخي الكريمـ في الكلمات البسيطة المعبـرة

واتمنـالكـ يـاارب راحة البـال ويبعـد عنكـ الحـُزن ، ،

[ساحر الأحزان]

عوده جميله من صاحب القلم الجميل
الذي غاب عنا

بجميل وهمس الكلمات العذبه

نورت مكانك ابوسعد

تحياتي لك

[واد حبيب]

قلم جميل يعود من جديد بإبداع عالي
تسلم يدك ياغالي
في انتظار جديدك

[Aya 7ekaya]

ابداع ماشاء الله
قلم مميز جدا

[Lamees]

حزينه اوي والله
احنا جوانا جروح واحزان
بنحاول نخبيها
لأننا فعلا استسلمنا للجرح

كنت رائع جدا استاذ محمد
أبدعت حقا

[fanaa]

الايام بتعلم فعلا دي حقيقة
عاش افنان

[طبيب الهوى]

أخي الحبيب محمد
عودة جميلة وقوية برائعة واقعية
وصفت حال الجميع أخي بقلمك الرائع المبدع
حمدا لله على سلامتك أخي
والحمد لله انك بخير وسلام
تقييمي البسيط + 5 ***** مع التثبيت
تحياتي لفكرك القيم وقلمك المبدع
أبو عصام