احتاج للدعم ! ( نقاش )

[Aya 7ekaya]

صباح / مساء الخير بتوقيتكم ^^

خلق الانسان ليسكن فى مجتمعات ، يحتاج للأُنس
مين فينا يقدر يعيش لوحده من غير اى بشر حواليه
علشان كده دور البشر فى حياة بعض دور عظيم جدا ومهم من غيره كان صعب الحياة تستمر
بس زى ما ممكن يكون للناس دور داعم فى حياتنا ممكن على النقيض يكون دورهم هادم ومؤذى.
السؤال للنقاش

كيف تتغلبون على كلمات الاحباط ؟
بتقدروا ازاي تكملوا يومكم بدون تشجيع وبدون اي وجود لاشخاص مسانده وداعمة ليكم ؟

[واد حبيب]

ساعات كتير بتكون الوحده أفضل بكتير من التعامل مع الناس
الحباط ده بيكون للناس اللي مفيش عندها امل في الحياه فتستسلم لأمر الواقع
بأيمانك بنفسك وبقدراتك تقدر تعمل كل شي
موضوعك جميل
تقبلي تحياتي

[أمير عسكر]

صباح الخير ايه أسعد الله أيامك
إن شاء الله يكون دايما اشخاص داعمين لينا مشجعيين ومحفزيين
أما إذا كان كما تفضلتي على النقيض وهم اشخاص بطبيعة الحياة موجوديين
أما لضغينه في صدورهم أو حسد أو أو
يوجد الدعم الذاتي لأنفسنا ودي طريقه صحية وسليمة ويشجع عليها علماء النفس
والاجتماع ( الرضا عن النفس ) ومع المحفز الذاتي والثقة بالنفس والعمل المتقن
بنجبر اي نقد سلبي للتحول إلى ايجابي وأنا شخصيا بطبق نظريتي الخاصة
( علاجة أهماله ) نظرية نجحه معايه جدا .

لك الشكر ايه على الطرح
خالص ودي مغلفه بتحياتي

[M e s k]

بالفعل كتير من الاحيان بنبقى محتاجين الدعم ده
خاصة اما يكون علين صغوطات كتيره
الله المستعان
تسلمى ع طرحك القيم ايه

[☆ شهـــاب ☆]

الثقة بالنفس والايمان بقوتك هو اللي بيخلي الواحد قادر يكمل لو ما وجد الدعم دة

لكن طبعا الحياة لا تستقيم بالطريقة دي

لازم كل شخص يجد اللي يحبة ويثق فية ويدعمة

تحياتي ليكي ولموضوعك القيم

[ساحر الأحزان]

بقربي من ربنا

بيكون افضل داعم

اوقات كتير بيكون عندي مشاكل

ودماغي بتتشتت

وقتها بقول عونك يارب

وسبحان الله كل شيء بيتحل

فافضل داعم هو قربك من الله

[Lamees]

عارفه سعاده الإنسان تقع على عاتق الإنسان نفسه
بأيدينا سعادتنا مش بأيد حد تاني أيضا لابد
من الاستعانه بالله فقط
مفيش حاجه اسمها انا لوحدي لأن ربنا موجود
ولو كان ضروري فيه الأم والأب لأن حبهم حقيقي
غير كده كله زائف

[*فجر الاسلام*]

بنزوق ف الايام زق واهي بتعدي من غير تشجيع ولا مسانده ربك بيقوي

[دمعه حائره]

زمان كانت كلمه واحده محبطه جدا بالنسبه ليا تقفلني من اليوم كله
حاليا انا في عزله ومبسمحش لحد يتدخل في حياتي وكده احسن