قبل ما اختار عنواني

[شاعر الحب الحزين]

قبل إنشاء موضوع جديد
قبل ما اختار عنواني
كنت رايح في الفكر بعيد
شيء قاللي
هتروح ومش هترجع تاني
هتفضل طول عمرك وحيد
تكتب في كلام وتسمع أغاني
هيبان عليك إنك حد سعيد
مش هتحسس حد إنك بتعاني
مش بتحب تفضل تقول وتعيد
مش من طبعك إنك تكون أناني
ودي أسباب ممكن تخليك وحيد
قافل عليك بابك بتقول كاني وماني



خلاني أنسى كنت عايز أكتب إيه
خلاني في حيرة بين عنوانين
واللي خلاني افتكر الكلام اللي قاللي عليه
إنه حقيقي بحس بيه كل دقيقتين
قاللي هو اللي زيك انت يكتب ليه
وانت أسير الصمت بتتكلم كل فين وفين
بكتب عشان دوايا ف الكتابة بلاقيه
تماماً زي ما بتكلمني ومعرفش انت مين
انا اللي عمرك ما افتكرته ف كلام بتحكيه
سبته يعيش بحزنه ورحت تكتب لناس تانيين



اسيبك تختار عنوانك بقى
عيش في وهم دور جديد
بإيديك اخترت العذاب والشقى
بس غصب عنك بقيت وحيد



ش . ح

[ساحر الأحزان]

اسيبك تختار عنوانك بقى
عيش في وهم دور جديد
بإيديك اخترت العذاب والشقى
بس غصب عنك بقيت وحيد

احسنت شاعرنا الجميل

تحياتي لك ولقلمك الجميل

دمت بخير

[واد حبيب]

مفيش حد بيعرف يختار
الكل ماشي في الضياع
كلمات جميله منك ياغالي
تسلم يدك

[دمعه حائره]

دوام الحال من المحال
كلمات رائعة تسلم اخي وربنا يحفظك ويسعدك يارب

[كريم عاصم]

فى مرحلة معينة
كلنا مجرد عقاب فى حياة البعض
فهل أتت تلك المرحلة
هناك من يرى الحب حياة
وهناك من يراه أكذوبة
كلاهما صادق
فالأول ألتفي بروحه

والثانى فقدها

أنت من فيهم فهذا جوابك

الف تحية شاعر على من أوحاك
والهمك أن تسطر وتبوح
وتعبر لنا بخزائن شعرك

دوامى لك بالسعاده وراحة البال

كريم

[☆ شهـــاب ☆]

كلمـات جميلة وراقية من شاعرنـا المميز ، ،

تحيـاتي وتقديري ليك أخي الكريمـ على جميل ما قدمـت ، ،

[فــــــــــرح]

اسهل حاجه ان الانسان يختار الحزن والوجع ليه عنوان
وحلو ان الواحد يدور على شخصه الجديد بين نفسه القديمة
حد ما بيشبهوش لا في الوجع ولا فالطباع حد اقوى بكتير
ما بيقبلش الهزيمه ولا الضعف ..


كلمات جميلة ممكن تكون اجمل بالتغير والتجاهل ومحاولة نسيان اوجاع الماضي

[~♥ Queen sozan♥~]

هي الحياه كده
دائره منلف فيها وتيهيين

كلمات مميزه منك

[فداااااااااااء]

مسير القلب يلاقي ونيس يسعده
ويقضي علي الوحدة والعنوان يكون ساعتها السعادة
كتير بنتحاور مع نفسنا وكتير بنكون قاسين في الوقت اللي بنبقي فيه محتاجين للرفق
ماتبطلش كتابة وابدع عسي ان تلون الحروف بالسعادة
يسعدك ربي اخى شاعر ويدوم ابداعك

[Aya 7ekaya]

كلمات معبرة جدا
تسلم ايدك شاعر