ملك الغموض

[شاعر الحب الحزين]

بتعمل غامض على مين

معلم اللي بتعمله مرفوض

متعرفش انت بتكلم مين

محسوبك ملك الغموض

العب دور أي ناس تانيين

الدور ده يخصني المفروض




اسيبلك ذكرى لو كنت هرجع

ولو مش راجع م اسيبهاش

تذاكر العمر غالية ومين بيدفع

أيامي فاتت م عشتهاش

انا ف الغموض علامة ومرجع

ازاي حبيتها ومحبيتهاش




واضح في مشاعري ليك

باقي المشاعر بداريها

ملكش ف حاجة مش ليك

حاجة تخصني ملكش فيها




بتعمل غامض على مين

فوق ي بروف وصحصح

انا جريمة خفت حكايتها السنين

م شفت زيها دور ف المسرح

م اتصورتش جريمة قلب حزين

أبسط شعور كان بيخليه يفرح

قتلوا طموحه جرحوا روحه وفضل الحنين

والحنين قد م كان حلو قد م بيجرح

انا ف خيالي ملك الغموض بتعمل غامض على مين

اللي انت جاي فيه انا قبلك فيه كنت مروح




الغموض ده شعور صعب

ازاي بتنسب الشر ده لنفسك

الغموض مش بيريح القلب

بيخليك غامض في أملك ويأسك

الغامض يطفيه الغموض والكدب

الكدابين كتير خليك بعيد نجي نفسك



ش . ح

[☆ شهـــاب ☆]

تذاكر العمر غالية ومين بيدفع


زي ما بيقولو دي كلمة فـ الصميم ،

كلمـات جميلة يـ شاعرنـا كالعـادة دوما

بسيطة وسهلة وممتعة وفيها تحـدي جميــــل

تحياتي وتقديري ليك يـ غالي على رقي كلمـاتك وتواجـدك ، ،

[فداااااااااااء]

حلو السطر دا
الحنين قد ما كان حلو قد مايجرح
فعلا صدقت شاعرنا

جميلة كلماتك اخى شاعر
تسلم ايدك ودام قلمك نابض بالابداع

[ساحر الأحزان]

الغموض ده شعور صعب

ازاي بتنسب الشر ده لنفسك

الغموض مش بيريح القلب

بيخليك غامض في أملك ويأسك

الغامض يطفيه الغموض والكدب

الكدابين كتير خليك بعيد نجي نفسك

احسنت شاعرنا الجميل
صاحب جميل القلم

تحياتي لك

[واد حبيب]

الله عليك يا ملك الابداع
تسلم يدك ياغالي

[كريم عاصم]

الغموض له أسبابه

ان كان من طرف واحد

مابالك من طرفين
تحدى صارم ولكت ورائةَ حب
اراك اليوم أخى خالد فى صوره
جديده

الحب عنوانك وعنوان من تحب
ولكن العند بين الطرفين
بالغموض الحائر بينهما
سيجعله أكثر إستطلاعا
لمن بقك رمز الغمض
كلماتك وقلمك دوما مميز

ورائع بكل المفاببس
الف تحيا خالد
كريم