الغتاته في اعلانات الشحاته

[بحر القمر]

كمواطن مصري مسلم عمري ما كنت ضد اعمال الخير بكافة انواعها
ولكن
لما احس ان الامور اصبحت مبالغ فيها
واعلانات الشحاته شغاله 24 ساعه على القنوات المصريه
هنا الامر مستفز ومستفز جدا
وتحضر عندي شوية اساله


ياترى تمن الاعلان ده كام ؟
وهل مش حق الاعلان كان حل المشكله المشحوت عليها بالاعلان ؟
وازاي تدار الاعلانات دي ؟


ووووووو


المنظر اصبح سخيف للغايه ومستفز للغايه وغير منطقي
طوال الاربه وعشرين ساعه استفزاز وشحاته اصبحت مفروضه واعلانات بمنتهى الامانه اقل ما اوصفها انها اهدار للوقت واستخفاف بالعقول لدرجة اني بقفل الصوت لو في امر مهم على قناه معينه


ياساده ارتقوا
الناس ظروفهم زفت اصلا
عايزين تفرضوا الشحاته على ناس مطحونين اصلا



ارحمونا بقا


بحر القمر

[أزهار]

الناس صاروا يستسهلون سؤال الغير والمذلة عند الناس
ولا يهمهم كرامتهم ولا ذهاب ماء الوجه بسؤال الناس بدون حاجة
حتى اصبح التيك توك منصبة للشحاتة وبمختلف الجنسيات
ويقولون بلا حياء نحن نترزق الله وفي سبيل ذلك يدفعون كرامتهم واخلاقهم وكشف سترهم ثمنا لذلك
وليس من فقر وانما فقط كسب المزيد من الاموال بلا تعب ولا جهد
و لا حول ولا قوة ألا بالله

[☆ شهـــاب ☆]

المشكلة الاكبر كمان بتكون في شهر رمضان

شهر المغفرة والرحمة

اعلانات من النوعيات دي كتير كدة

بتيجي وسط مسلسلات كل ممثل فيهم واخد ملايين الملايين

يعني ازاي اعلان زي كدة يكون وسط مسلسل لمحمد رمضان اللي بياخد 40 ولا 50 مليون في المسلسل

ما تلمو شوية من البهوات دول

اعملو ضريبة على الممثلين بتوع الشهر دة وطلعوها لله

وحسبي الله ونعم الوكيل

موضوع مهم جدا يـ استاذي العزيز ويطوول جدا الكلام فية

تحياتي وتقديري ليك ولاختيارك مثل هذا الموضوع القيــم ، ،

[~♥ Queen sozan♥~]

انا اسمع ان اعلانات مجاني

وبعدين يقولو لاء بفلوس

معرفش فعلا لو بفلوس ليه ميوفروها
احسن بكتير

موضوعك قيم وكلامك صح

[واد حبيب]

بسمع اعللانات علشان المستشفيات اتبرع لو بجنيه

وبعدها علطول اعلان فيلاه او شقه بملايين

احترص انت في مصر ام الدنيا

[كريم عاصم]

تعرف يابحر موضوعك ده مفيد جدا
انا قرأت ردين عجبونى رأى شهاب ورأى سوما
أوقات لما بكون بتفرج على التلفاز

الاقى مثلا إستضافة عن حد مديون عايز يسد دينه
وبكاء ويطلع علينا الاعلامى بقول لأصحاب القلوب الرحيمه
والكلام الكتير ده

احنا فى دوله المفروض فيها حقوق إنسان

اجابتى علىب مين المسئول عن الناس ده
بدل مايطلعوهم والفضيحه قدام الناس
هل تعلم ان الناس ده ليها حقول

ومتخلنيش أتكلم أكتر من كده عشان متودنيش فى داهية ؟؟
تانى حاجة الاعلانات اللى بتيجى في رمضان

التبرع للمستشقيات على رقم حساب كذا

أنا أيه يضمنلى إن الفلوس ده بتروح للمرضى

طبعا الخير موجود فينا الحمد لله
بس لما اروح انا بنفسى الاماكن ده واتبرع ليها للمرضى

يدا بيد أفضل من انى أتبرع بيها على كشف حساب
عموما لما بتيجى الاعلانات ده بغير القناه على طول
أو أقل التليفاز لانى مش مقتنع بيها للأسباب اللى ذكرتها أعلاه
تحياتى ليك أخى الحبيب
كريم

[بحر القمر]

شكرا لحضراتكم على المرور الكريم
كل تقديري وامتناني