انا بقبض بالدينار ✓ أحولة بنك ® ولا من برة برة ×

[Å Ṁ i ŗ â ® Ṁ ä r Ø]

السلام عليكم ورحمه الله وبركاته جميعاً

تحياتي ليكم جميعاً فرداً فرداً

طول اليوم وانا في شغلي ، وسط كل الموظفين حتى لما بيجيلنا عملاء
مفيش غير السؤال المحير اللي أصبح شاغل كل المصريين بالخارج

هل احول فلوس لبلدي عن طريق البنك الرسمي واساهم في تقدم الجنية ؟

ولا احول الفلوس من برة برة ودي ليها طرق كتير ، واتسبب في انهيار الجنية اكتر واكتر ؟

كتير مع السوق البراني
بحجة أن الفرق تقريبا الضعف

يعني الدينار في البنك ب ١٠٠ جنية

لكن الدينار برة ب ٢٠٠ جنية

يعني الفرق رهيب في سعر الصرف ؟

اعمل اية أفيدوني

[~♥ Queen sozan♥~]

والله معرف انا مش بفهم اوووي في الحاجات دي

بس امشي صح يحتار عدوك فيك

والمضمون عن طريق البنك

[Å Ṁ i ŗ â ® Ṁ ä r Ø]

اقتباس المشاركة الأصلية كتبت بواسطة ~♥ queen sozan♥~ والله معرف انا مش بفهم اوووي في الحاجات دي بس امشي صح يحتار عدوك فيك والمضمون عن طريق البنك

ما هو الصح والمضمون دة يخسرنا كتييييييير اوي
توهونا الله يسامحهم
لا بقينا عارفين نمشي مع الصح
ولا نمشي ورا المصلحة وخلاص

[واد حبيب]

واحد في الميه من المتغربين دلوقتي بيحول عن طريق البنك
الفرق بين البنك والسوق السوده رهيب المتغرب محتاج فارق السعر ده
لو الحكومه عوزه ترجع الناس تحول عن طريق البنك تاني لزم يكون الفرق بسيط مش الفارق ده كله
تحياتي لكي

[☆ شهـــاب ☆]

للأسف حاليا اغلب المصريين فعلا بيحولوا عن الطريق السوق السودا

ودة بسبب ان في فرق كبير جدا ، يكاد يكون الضعف في الاسعار

اكيد دة شيء بيسبب ضرر كبير للبلد ، لكن الناس هتعمل اية ! الفرق صعب اوي

الله يكون في عون البلد من اللي بيحصل دة ، لاننا دخلنا مرحلة انهيار كبيرة جدا

تحياتي ليكي يـ أميـرة ولطرحـك وسؤالك القيـم

[☆ شهـــاب ☆]

ملحوظـة واضافـة :

مش ملاحظ اي تحـرك قوي من الدولة لمحـاربة هذه السوق الموازية اللي مدمرة البلـد

لازم ولابـــــد ان يكون في قرارات ومتابعات قوية

لازم ايضـا يكون في احكـام قضائية ونيابية لهؤلاء التجـار

وحسبـي الله ونعم الوكيـل في كل من اراد بـ بلدنـا سـوء

[ساحر الأحزان]

مهو هو كده طول ما فيه سوق موازيه وشح في الدولار
الاسعار سوف تظل في ارتفاع
هو حيغير اعلي من البنك بره
بس ده حينعكس عليه في الداخل في رفع الاسعار بشكل مبالغ فيه جدا
السوق الموازيه فيه لعيبه كبار من مصلحتها شح الدولار اول باول لان اغلب المنتجات والخامات بنستورها من الخارج
بالدولار
وطول ما الدولار المعروض منه قلبل الاسعار لن تستقر وده حيعمل علي استنزاف قوت الشعب والمضاربه بالدولار
لن يستفيد منها عامه الشعب بشيء بل بالعكس تعتبر مثال سيء لاستغلال الدولار للتجاره والمرابحه منه
بدون النظر لعامه الشعب مطلوب تدخل حاسم من الدوله لوقف المضاربه وكبح جماح سعر الدولار
احسنتي اميره الموضوع

دمتي بخير

[Å Ṁ i ŗ â ® Ṁ ä r Ø]

اقتباس المشاركة الأصلية كتبت بواسطة واد حبيب واحد في الميه من المتغربين دلوقتي بيحول عن طريق البنك الفرق بين البنك والسوق السوده رهيب المتغرب محتاج فارق السعر ده لو الحكومه عوزه ترجع الناس تحول عن طريق البنك تاني لزم يكون الفرق بسيط مش الفارق ده كله تحياتي لكي

ما هو عشان الفرق يبقا بسيط
لازم الناس تبطل تستخدم السوق السودا دي
ياما هيبقا الحال كما هو علية والفرق هيزيد اكتر واكتر
تحياتي ليك ولمرورك العطر

[Å Ṁ i ŗ â ® Ṁ ä r Ø]

اقتباس المشاركة الأصلية كتبت بواسطة ☆ شهـــاب ☆ للأسف حاليا اغلب المصريين فعلا بيحولوا عن الطريق السوق السودا ودة بسبب ان في فرق كبير جدا ، يكاد يكون الضعف في الاسعار اكيد دة شيء بيسبب ضرر كبير للبلد ، لكن الناس هتعمل اية ! الفرق صعب اوي الله يكون في عون البلد من اللي بيحصل دة ، لاننا دخلنا مرحلة انهيار كبيرة جدا تحياتي ليكي يـ أميـرة ولطرحـك وسؤالك القيـم

ما هو الفرق دة احنا اللي بنزودة باننا بنساعد العالم دي في جشعهم
وكل مليم بيتحول بالطريقة دي بيزود البلاء
اشكرك على مرورك وتحياتي ليك

[Å Ṁ i ŗ â ® Ṁ ä r Ø]

اقتباس المشاركة الأصلية كتبت بواسطة ☆ شهـــاب ☆ ملحوظـة واضافـة : مش ملاحظ اي تحـرك قوي من الدولة لمحـاربة هذه السوق الموازية اللي مدمرة البلـد لازم ولابـــــد ان يكون في قرارات ومتابعات قوية لازم ايضـا يكون في احكـام قضائية ونيابية لهؤلاء التجـار وحسبـي الله ونعم الوكيـل في كل من اراد بـ بلدنـا سـوء

ودة اهم سبب في الانفلات اللي البلد أصبحت فية
موافقاك مليوووون المية