بكامل قوايا العقلية

[شاعر الحب الحزين]

بكامل قوايا العقلية
وبعلو صوتي بقول
ع مستشفى الأمراض العقلية
خدوني وودوني ع طول
خلصت فصول المسرحية
قدامي الستار مقفول
آخر دور ليا فيها كنت الضحية
وكان الجاني ممثل مجهول



تعبت من كتر العاقلين
ودوني مستشفى المجانين
عايز اعرف صنف جديد
عايز اشوف ناس تانيين
خدوني معاكوا بعيد
لو فضلت هفضل حيران حزين
أهون عليا أعيش وحيد
من إني أعيش مع أحباب خاينين
خدني أنا قربت أنسى أبقى مين



بكامل قوتها الأيام
قطعتلي شهادة ميلادي
خلتني ف حزني بنام
لحد ما بقى شيء عادي
جوايا ألم م يتحكيش بكلام
وقلب مبقاش للحب بينادي
لحد ايمتا هفضل أقول اني تمام
وابان أهدى م المحيط الهادي
إيمتا يا روحي هتلاقي السلام
إيمتا ي عمر هدفع آخر فاتورة ف عدادي



دنيا تجنن العاقل.. ومترجعش المجنون عاقل

وعجبي!!!


ش . ح

[ساحر الأحزان]

بكامل قوتها الأيام
قطعتلي شهادة ميلادي
خلتني ف حزني بنام
لحد ما بقى شيء عادي
جوايا ألم م يتحكيش بكلام
وقلب مبقاش للحب بينادي
لحد ايمتا هفضل أقول اني تمام
وابان أهدى م المحيط الهادي
إيمتا يا روحي هتلاقي السلام
إيمتا ي عمر هدفع آخر فاتورة ف عدادي

اجاده كما تعودنا منك شاعرنا الجميل
في التعبير
وحسن الكلمات
تحياتي وتقديري لك شاعرنا

[Å Ṁ i ŗ â ® Ṁ ä r Ø]

عندك حق والله الايام دي والناس دي توصلنا للمرحلة دي واكتر
كلمات جميلة جدا
برافوو شاعر تحياتي وتقديري ليك

[شاعر الحب الحزين]

اقتباس المشاركة الأصلية كتبت بواسطة ساحر الأحزان بكامل قوتها الأيام قطعتلي شهادة ميلادي خلتني ف حزني بنام لحد ما بقى شيء عادي جوايا ألم م يتحكيش بكلام وقلب مبقاش للحب بينادي لحد ايمتا هفضل أقول اني تمام وابان أهدى م المحيط الهادي إيمتا يا روحي هتلاقي السلام إيمتا ي عمر هدفع آخر فاتورة ف عدادي اجاده كما تعودنا منك شاعرنا الجميل في التعبير وحسن الكلمات تحياتي وتقديري لك شاعرنا

بعض مما عندكم أبو المجد الغالي
أعتز بحضورك وكلماتك الطيبة دائماً
سلمت وسلم نبض قلبك الطيب
أسعدتني حضوراً وقولا أخي الغالي أمجد
شكري وتقديري وامتناني ♥️

[شاعر الحب الحزين]

اقتباس المشاركة الأصلية كتبت بواسطة Å Ṁ i ŗ â ® Ṁ ä r Ø عندك حق والله الايام دي والناس دي توصلنا للمرحلة دي واكتر كلمات جميلة جدا برافوو شاعر تحياتي وتقديري ليك

الله يبعدهم عنك ويحفظك يارب
تسلمي الأجمل حضورك وكلامك
تواجدك وكلامك ثقة كبيرة بالنسبالي
سلمتي والنبض الرقيق الطيب
أسعدتيني حضوراً وقولا سمو الأميرة
شكري وتقديري وامتناني 🌹

[☆ شهـــاب ☆]

احنا فعـلا للأسف وصلنـا للمرحلة دي

اننـا لما بنشـوف حد عاقـل بيقول كـلام صح ، بنكون عايزين نبعـد عنة ونـدور على المجانين

كلمـاتك العامية وتسلسلهـا شيء في منتهى الجمـال والتميـز ،

ابدعـت وتألقـت كالعـادة اخي وصديقي الغـالي شاعرنــا الراقـي

تحيـاتي وتقديـري وتقييمـي الدائـم لكل ما تقدمـة انـاملك المـُبدعة ،

[شاعر الحب الحزين]

اقتباس المشاركة الأصلية كتبت بواسطة ☆ شهـــاب ☆ احنا فعـلا للأسف وصلنـا للمرحلة دي اننـا لما بنشـوف حد عاقـل بيقول كـلام صح ، بنكون عايزين نبعـد عنة ونـدور على المجانين كلمـاتك العامية وتسلسلهـا شيء في منتهى الجمـال والتميـز ، ابدعـت وتألقـت كالعـادة اخي وصديقي الغـالي شاعرنــا الراقـي تحيـاتي وتقديـري وتقييمـي الدائـم لكل ما تقدمـة انـاملك المـُبدعة ،

الله يصلح الحال يارب
أشكرك أخي وصديقي العزيز شهاب
لحسن تفاعلك الرائع وكلماتك الطيبة المشجعة دائماً
سلمت وسلم نبض قلبك الطيب
أسعدتني حضوراً وقولا أخي الغالي شهاب
شكري وتقديري وامتناني ♥️