مدمن مش معناة انك (( مجرم ))!!؟؟

[عاشق الود]

مدمن مش معناة انك (( مجرم ))!!؟؟

--------------------------------------------------------------------------------

مدمن مش معناه انك مجرم

جمله لفتت انتباهي في تقرير لبرنامج محطات على قناة العربيه
بيكتبوها مجموعه شباب في لبنان لمساعده الشباب المدمنين
ولتغيير راي الناس في المدمنين

في مجتمعاتنا العربيه فيه نضرة معقدة شويه اتجاه المدمنين
ناس بتمتنع عن التعامل معاهم
وناس تانيه شايفه انهم ملهمش حد يحكمهم
وراي تاني بيقول انهم بعيدين عن الدين وبينجرفوا وراء رغباتهم
وعشان يحققوا متعه مؤقته
دي غير الاراء التانيه

سواء كنا مع واحد من الاراء دي او لينا راي تاني
بس محدش يقدر ينكر ان لازم يبقئ فيه سبب
يخلي الشباب تتجه للادمان
ان كان اوضاع معاشيه صعبه او تفكك اسري
او صدمة في علاقه او اي حاجة تانيه
الاسباب كثير اوي
ومع انها مش مبرر لان الشباب تتجه للادمان
بس برضو في النهايه احنا بشر بنغلط

وفي النهايه دينا بيقول
اننا لازم نكره الغلط بس مش نكره اللي بيغلطوا
وخير الخطائين التوابين

بس
عندنا للاسف ناس كثير بتعامل المدمنين بطريقه سيئه جدا
ودة حتى من ناحيه تعامل الاهل مع اولادهم لو مروا بتجربه الادمان
ومش بيحاولوا انهم يعملوا على احتوائهم ومساعدتهم انهم يتعالجوا
وبلتالي يكونوا منبوذين من قبل الاهل ومن المجتمع كمان
ودة بيخلي المدمنين منطوين على نفسهم ومنفصلين عن الناس العاديه
ومش حيتجهوا للعلاج ابدا
لانهم شايفين نفسهم منبوذين ملهمش مكانة في مجتمعهم ومفيش حد بيوقف جمبهم
ويساعدهم انهم يرجعوا للمسار الصحيح

دلوقتي انا عايزة اعرف رئيك ايه في المدمنين ؟؟
انت من الناس اللي بتتجنب الفئة دي من المجتمع ولا ممكن تتعامل معاهم ؟؟
من وجهه نضرك ايه اللي ممكن يدفع الشباب للادمان ؟؟
هل للاهل دور في اتجاه ولادهم للادمان ؟؟
وايه رئيك في تعامل المجتمع مع المدمنين على انهم مجرمين ؟؟
ليه فيه تفريق في تعامل الاهل مع ولادهم المدمنين ما بين الولد والبنت ؟؟
شايف ازاي تاثير تعامل المتمع على حاله المدمن ؟؟
وازاي ممكن نكون كافراد لينا دور ايجابي في مساعده الناس دي ؟؟


اتمنى ان موضوع ينال اعجابكم0000 منقول للافاده

كل الود

[أنثـے مًنْ الّخٍـْيـِالْ→♀]

اعتقد انا ان مدمن المخدرات مجرم مريض ضحية

مجرم بحق نفسه اذا كان يعلم انه سائر على طريق الإدمان ولا يأبه لنفسه

مريض يحتاج منا الى عنايه خاصة جدا لأنه من السهل اذا لم يعالج تماما ان يعود الى المخدرات

وكذلك ضحية اذا لم يجد من يسأل عنه ويعتني به ثم يقع ضحية للفئة الضالة التي تغري الشباب وتسقطهم في شباكها ليسيروا فيما بعد على طريق الإدمان

موضوع حساس وجميل
شكرا لك اخي

[roty]

شكرا علي الموضوع الرائع