نكت جاااااااااامده جدااااااا

[زهرة الاحلام]

واحد بلدياتنا وقع من الدور العاشر .. جاله صداع


مرة واحد باكستاني قابل واحد باكستالت




واحد بلديتنا رجع بيته لقى مراته فى السرير مع أثنين .. صرخ وهاج مراتى بتخونى ... بسرع رد عليه شاب منهم احنا الكاميرا الخفية لو مش عايز تذيع قول ما تذيعشى ... رد بلديتنا لأ ذيع خللى الناس تنبسط





واحد احول وواحد اهبل فتحوا محل طعمية الاحول بقى يعمل الطعمية و يحطها برة الطاسة ،و الاهبل يقول طشششش !!





قهوجى خلف ولد من غير وش




اثنين سكرانين واحد قال للثانى تعرف بيعملوا اية فى اوروبا لما المطر بيمطر .. قاله لا معرفش .. قال له بيسبوها تمطر





واحد مسطول بيسال صاحبه المسطول ايه اسماء اخواتك الشباب؟ قاله:كلهم محسن الا ادهم اسمه تامر





واحد مسطول دخل مطعم وقال لصاحب المطعم عندك حلقات بصل قاله صاحب المطعم ايوه فقاله ادينى الحلقه الاخيره




اتنين سكرانين ماشيين فى الشارع لقو عمود نور.. واحد قعد يخبط عليه فصاحبه قاله دة باين مافيش حد.. قاله إزاى ده النور منور





سكران ماسك الفرخة بتاعته ..قاعد يضرب فيها يضرب فيها ويقولها: كل يوم بيض بيض مافيش جبنه




واحد سكران فتح التلاجه وبص للجلي ...وجده بيرتعش :قالوه متخفش هاخد عصير





واحد سكران اتصل على مصر للطيران بيسأل الرحله من القاهره للندن هاتخد اد ايه فرد عليه الاستعلامات وقاله ثانيه قاله السكران طب شكرا





مرة واحد حشاش لما قبض مرتبة راح البيت وقعد يقسم المرتب 100 ايجار - 100 مصروف بيت -200 حشيش وفجاة وهو قاعد سمع خبط على الباب فقال مين رد علية اللى برة قالوة بوليس فراح مقطع ال200 جنية حشيش






جماعه صعايده وجماعه فلاحين قاعدين بيحششوا البوليس كبس الفلاحين جريوا والصعايده استخبوا فى البوكس






المدرس بيقول لتلميذه: كان في جيبك خمسة جنيه و وقع منهم تلاتة يبقي في جيبك ايه؟ التلميذ: خرم يا استاز




بلدياتنا الصغير بيسأل أبوه : ليه يابا ربنا خلج لنا الودان فرد الأب : علشان نعرف العمة بتاعتنا ها تجف(هتقف) لحد فين








مرة طفل بلدياتنا راح للبقال فقال لة عمو عندك الشوكلاتة ام ربع جنية قال لة البقال نعم عندى فقال الطفل طيب بكام





مرة استاد سأل طالب في اي فصل يسقط المطر فال له في الفصل اللى مالهوش سقف





التلميذ : بحبك يا أبله و عاوز أجوزك... المدرسه: بس أنا مبحبش الأولاد الصغيرين... التلميذ: وأنا مش مستعجل على الأولاد






مرة ولد بيسأل أمه هو ليه بابا أصلع؟ فقالت له هذا دليل علي الذكاء الشديد فقال إذا فلماذا أنت كثيفة الشعر؟






كلب لولو عض واحد بلدياتنا ودوا الكلب عالمستشفي





مدرس بيسأل تلميذ ما هي انواع الاقمار قال:قمر طبيعي وقمر صناعي وقمر الدين




واحد بيستهبل اتجوز وحده بتستهبل ، خلفو واد ... لما خرج عمل فيها ميت



مرة اثنين ضربو بعض ، بعض زعل منهم جدا




طفل بيسال ابوة بيقولو هيا البيضة بتمشي قالو لا قالو اشمعنا انتا لما تيجي تنادي على ماما تقولها تعاليلي يابيضة






واحدة بتسأل أمها : هو بابا بيعرف يعوم؟؟ فقالتلها:بتسألى ليه ؟؟؟ قالتلها أصلى سمعت بابا بيقول للشغالة أنا غرقان فى حبك)؟؟؟





في ساندوتش لابس بامبرز لييه ؟؟؟؟؟؟؟؟؟؟ وجبة اطفال




اب شاف ابنه قاعد لوحدة سرحان سالوة مالك ياابنى ، فقاله عندي مشكلة كبيرة يابابا ، العيال الي قدّي اللي بلعب معاهم دلقوتى لما يكبروا حالعب مع مين ؟




مرة حشاش دخل سوبر ماركت طلع عمال يضحك يضحك هههههههه بيقولوله انت بتضحك ليه قالهم
اصل ضحكت على صاحب المحل اديته الجنية ومخدتش حاجة




مره واحد غبي جزمتو انقطعت راح خيطها وبعد اسبوع لاقاها سليمه فك الخياطه تاني




مره واحد شحات راح يشحت من بقال حته حلاوه البقال اعطا له حته كبيرة الشحات قاله كل دى ببلاش ياحرامى




مرة واحد غبي حب يطور الطيارة الهليكوبتر فك المروحة وركب بدالها تكييف





واحد بيقول لخطيبته لما ازمرلك انزليلي قالتله:انت جبت عربيه جديده ... قالها:لا جبت زماره ...





مرة ظابط طلع على المعاش فتح محل حلويات سماه التورتة في خدمة الشعب






مرة اتنين مساطيل مذيعة وقفتهو في الشارع سالت الاول ، انت بتحب مصر ؟ قال : اكيد مصر دي امي ..سالت التاني ، انت بتحب مصر ؟ قال : اكيد مش ام صحبي





واحد بلديتنا حب يعمل ارهابى.. خطف ابنه.. محدش سأل عليه قتله








واحد أعمى فتّح ... من الفرحة اتشل






مره واحد صعيدى حلم انه بيحفر فى بير غويييييط.. صحى لقى ايده فى مناخيره





واحد صعيدي دخل الجيش ووقف حراسة على بوابة معسكر... عدى عليه الشاويش "محمد" وقاله:اللواء "فريد" جه؟ قاله : ماجاش يا شاويش "محمد"...

وبعد ساعة رجع له الشاويش محمد وسأله: اللواء "فريد" جه؟ قاله لسه ما جاش...

وبعد ساعة رجع له تانى وسأله اللواء "فريد" جه؟ قال له لسه ما جاش...

وبعد ساعة جه اللواء "فريد"... فقاله العسكرى : أنت فين من بدري الشاويش "محمد" حيخرب بيتك كككككككك









واحد محشش قاعد مع اصحابه و بيحكيلهم : انا مره طلعلى اسد و كان فى ايدى كباية ميه رميته بيها الاسد طلع يجرى... رد عليه واحد من اللى قاعدين قاله صح انا لما قابلت نفس الاسد ضربته بالقلم ايدى اتبلت








مرة واحد بيشتكي من الديدان اللي ف بطنه... داخ عند كل الدكاترة... محدش عرف يعالجه... اخر حاجة قالوله فيه شيخ بيشفي من كل الامراض... راحله واشتكي له حالته... قال له... مشكلتك بسيطة جدا... تروح عند محل بيبيع بطيخ... وتشتري بطيخة حمرة وكبيرة... تقطع راسها وتقعد عليها... بيقوم رئيس الديدان بينزل ويلحس منها شوية... ف هيلاقيها حلوة... هيقول للديدان... شباب انزلوا... قام رايح صاحبنا واشتري اكبر بطيخة حمرا وقعد عليها... نزل رئيس الديدان ولحس منها شوية ولقاها حلوة... قال لهم... شباب طلعوها







مرة اتنين صعايدة ماشيين ف الصحرا... طلع عليهم اسد... راح واحد منهم رمي عليه طوبة وطلع يجرىىىىىى... وبص وراه لقي صاحبه واقف ما بيجريش... قال له مش بتجري ليه؟ قال له واجري ليه؟ هو انا اللي ضربته؟؟؟؟؟





جماعة صعايدة بينضفوا الحيطة بالمية... الكهرباء مسكت في واحد منهم قعدوا يشدوه و يضربوه عشان يبعد عن الحيطة.. وفي الاخر ودوه المستشفى وكانت نتيجة تقرير الطب الشرعى: سبب الوفاة.. ضرب أفضى الى موووووووت









واحد بيسأل صاحبه هو ايه الفرق بين تجارة الحشيش وتجارة عين شمس ؟ قام صاحبه قاله تجارة عين شمس 4 سنين انما تجارة الحشيش أقلها 25 سنة






ابو العربى قابل مذيعة قالت له انا سمعت كتير عن بطولاتك فى الحرب...
قالها طبعا ابو العربى يسد فى كل مكان فى 48 واليمن و56 و67 و73 والعراق... قالت المذيعه طب هأسألك كام سؤال...

- لو انت فى الحرب وطلع عليك دبابتين ومعاك قنبلتين هتعمل ايه؟
-قالها: هادخل عليهم وأفجرهم

-طيب لو خمسه؟؟؟؟؟؟
قالها: هادخل عليهم بالسلاح الأبيض

-طيب لو اربع دبابات... و عشر عساكر... وطيارتين؟

قالها جرى ايه يا وليه هو مفيش حد بيحارب غيرى وللا إيه؟؟؟






واحدة كل يوم تصحي من النوم تلاقي هدومها كلها ميه... خدت راي جارتها... قالتلها اعملي نفسك نايمة وشوفي الميه بتيجي منين... وهي نايمة لقت جوزها قاعد يتفرج علي قناة لبنان... وكل ما يشوف واحدة حلوة... يقول دي حلوة... ودي... اتفوووووو






مرة واحد رخم ضرسه كان بيوجعه... راح للدكتور وقاله اخلعلي كل ضروسي وسيبه لوحده زي الكلب






صعيدي اشتري كمبيوتر... شال ال mouse وحط جاموسة




واحد عند دكتور العيون... فالدكتور بيسأله... تقدر تميز العلامات اللي في اللوحة دي؟؟؟ قاله طبعا.. بس هي فين اللوحة؟؟؟؟؟؟؟؟





بلدياتنا عند دكتور العيون... بيقوله.. داكتور.. كل ما اشرب شاي عيني توجعني!!!

قاله متأكد انك بتطلع المعلقة من الكوباية بعد ما تقلب؟؟؟؟؟





بخيل وهو بيموت قعد يسال علي عياله.. فين محمد؟؟ قال محمد نعم يابا.. وفين محمود؟ رد محمود وهو بيعيط انا هنا يابا.. الاب: ايه ده؟ انتم الاتنين هنا وسايبين نور الصالة قايد




واحد عنده مزرعة فراخ.. دخل المزرعة لقي كل فرخة بايضة بيضة واحدة بس.. مسك فرخة من رجليها ونتف ريشها وقطعها.. وقال للفراخ اللي مش هتجيب بكرة خمس بيضات هقطعها زي الفرخة دي.. تاني يوم لقي كل الفراخ بايضة خمس بيضات ماعدا فرخة بايضة تلات بيضات بس.. فقاللها ايه ده؟؟ قالت له استر عليا ده انا ديييييييييييك




كان فيه خمسة صعايدة سموا نفسهم الشجعان التلاتة


يا رب يكونوا عجبوكوا...

اسمع بقى دعواتكم؟؟؟؟؟؟؟؟:SuN040:

[●•Young Eyes•●]

تسلمىىىىىىىىى

[lolla love the moon (n)]

شكرا جدا علي احلي نكت في الدنيا

[زهرة الاحلام]

مررررسي جداااااااااا على مروركم الرائع
وردودكم العطره
التوبيك زاد نور بمروركم

[đΘόđΘό]

هههههههههههههههههههههههههههههههههههههه
نكت جميله تسلمي

[محمد خطاب]

هههههههههههههههههههههههههههههه


كلها نكت جامده جدا جدا

وننتظر جديدك

تحياااااتى ليكى

[ريام 2009]

ميرسي ويسلموووووووووووووو

[زهرة الاحلام]

مرررررسي جدااااااااا ليكم
بجد انا فرحانه جداااااااااا ان النكت عجبتكم
نووووووووووووورتوووووووووا التوبيك