طفولتك تحت المجهر .....ادخل بسرررررعة

[أنثـے مًنْ الّخٍـْيـِالْ→♀]

ههههههههههههه

دى اقل حاجة يا بنتى

ال يضربنى ال

هههههههههههه

خلى بالك على نفسك يا مرمر بعد كده

هههههه

[dr.marmar]

هههههههههههههههههههه
لا انا فعلا اخاف علي نفسي منك
بت انا هقفل بابا كفرالشيخ
معندناش جامعات ليكي
احنا مش مستغنين عن الناس الي هنا

[احلى ابتسامة]

0oبسم الله الرحمن الرحيم o0

شكرااااا وتقبلى مرورى

ويسلمو

وبانتظار جديدك

[أنثـے مًنْ الّخٍـْيـِالْ→♀]

يا بنتى اساسا لسه لحد النهاردة بنعمل اى محاولة عشان احول من عندكم

هو انا ناقصة اكلمك ع الميل

و كمان ابقى عندكم

يا ماااااامى

ده انا بدأت اخاف على نفسى

شكلك

هتأجرى 2 او 3 بودى جارد

و تقبلينى بيهم على باب المحافظة

هههههههه

[ميرهام]

ميرسى على توبيك الموضوع روعة بس انتى احلى

[dr.marmar]

وطبعا بما اني لما بدبس حد
بحب ادبسه في كله
فالنهارده معانا
لتاني تدبيسه النهارده
مشرفتنا الجميله
نيفو
كيتي كات
في انتظار الفضايح

[kitty cat]

- ما هي أول كلمة قلتها ؟؟

بابا


2- هل لها مناسبة ؟؟ اذكرها ؟؟

كان مسافر و لما رجع قلتها
هو اللي بيحكي
بيقول كنت حاسس اني أسعد حد في الدنيا
ده كان زمان طبعا

3- هل كنت مشاكس .... مشاغب ؟؟

وانا صغيره أيوه جداااااااااا
انا كنت بعض الناس ومسميني المفتريه
*مش عارفه ليه ^ ظلم

4- اذكر موقف طريف من طفولتك
موقف من أي نوع
بصي كان فيه واحد بيركب معانا الباص كان قلبوظه شويه
في يوم كنت باكل شيبسي والناس كلها كانت مكنتش بتديله حاجه
فقلت أعزم عليه بس هو أخد الكيس كله ومدنيش منه حاجه
انا قعدت أعيط كتير يومها والمشرفه جابتلي واحد تاني
بس من يومها وانا مش بديله حاجه

5- أكثر موقف حصل في طفولتك من المستحيل أن تنساه

يوم ما ضربت واحد في الشارع وطلع ابن المدرس اللي هاخد عنده درس طبعا الولد أول ما شافني عند باباه
قام بالواجب وزياده
وباباه زعقلي جامد
بس والله بعدها بقينا أصحاب



6- هل ضربت أحد علي وجهه في طفولتك ؟؟
ايوه مره واحد صاحب بابا
كان بيسلم عليا
فباسني قمت ضرباه بالقلم
طرااااااااااخ
7- من هو أكثر شخص أحببته ف طفولتك؟؟ ولماذا؟؟

ابن عمي الله يرحمه
كان دايما معايا ومكنش ليا أخوات لسه فكان دايما بيقعد معايا ويلعب معايا
كنت مرتبطه بيه جدا
ربنا يرحمه


8- كنت بتحب مين أكتر بابا أم ماما؟؟
بابا
علشان كان مسافر
فلما كان بيجي
كان بيعمل كل اللي عاوزاه
بس دلوقتي ماما أكتر
9- كم مرة ضربت في طفولتك ؟؟
من بابا ..ولا مره
من ماما ..مش فاكره كل ما أضرب حد هي تضربني * مش عارفه ليه *
من الآخرين ..مره من مدرس الرياضه كنت قارفاه
10- موقف حدث في طفولتك عندما تتذكره الآن تحزن

يوم ما اتاخرت علي الباص
وقررت اني أمشي لوحدي حسيت يومها اني خايفه قوي ولغايه دلوقتي لما بفتكر اليوم ده بخاف
11- من الذي رباك ؟؟

ابويا اللي رباني
وماما كمان
ملكيه مشتركه
12- من أكثر شخص أثر في حياتك الطفولية ؟؟

نينه
كانت طيوبه قوي
وبحس انها طفله مش واحده كبيره
13- كم مرة أحرجت أحد ببراءتك الطفولية ؟؟اذكر مواقف ؟؟

هههههههههههههههههه
مره واحده كانت بتزور ماما وفضلت قاعده كتير قوي
وانا كنت هموت من الجوع ودي مش باين لها قيام

قلت لماما عاوز هأتغدي تقولي طيب ثواني يا حبيبتي
قلتلها لأ مهو متستنيهاش
هي شكلها جايه تتغدي عندنا
بس يومها ماما زعلت مني جامد

14- هل عمرك وإنت طفل أحرجت بابا أو
ماما ببراءتك؟؟ اذكر مواقف؟؟

اللي فات
وبابا حبيبي كنت راكبه معاه العربيع قدام
وعدينا علي واحد صاحبه وكان عاوز يقعد قدام
انا قلتله لأ
هي كانت عربيتكم
بابا كل ما يحكي لي بتكسف من نفسي قوي لأنه هو دلوقتي كل ما يشوفني يوصلني
15- هل تتذكر حاجات كتير من طفولتك ؟؟ ولماذا؟؟


ايوه بس مش عارفه أحكي كل حاجه ...........لأن ماما كل شويه تفكرني
16- هل تحن لأيام طفولتك؟؟
جددااااااااااااااااااااااااااااااا
17- هل تعتبر طفولتك جميلة ؟؟
الحمد لله
18- موقف حصل في طفولتك عندما
تتذكره الآن تحس بالإحراج

مره كنت نايمه جنب بنت عمتي وواضح اني نزلت من علي السرير
ودخلت تحته
ههههههههههه
هما قاموا من النوم يدوروا عليا مليقونيش وقالو البت دي ضاعت
بجد ماما بتحكي بتقول قلبنا عليكي البيت والشارع
بس لقيوني لما قعدت أعيط علشان بخاف من الضلمه

19- موقف حدث في طفولتك عندما تتذكره الآن تفرح
كتير بس أكتر حاجه لما كنت باخد عروسه في أخر السنه من المدرسه
لما بشوف كم العرايس دي بفرح قوي

20- هل تتمني أن يعيش أحد طفوله مثل طفولتك؟؟
لأ
21- ما هو أكثر موقف صنعه أبوك من
أجلك ولا يمكن أن تنساه سواء كان هذا
الموقف يفرحك أو يحزنك

حاجات كتير
أهمها انه بطل يسافر علشان خاطري
كنت دايما بقوله يرجع يا اما يا خدنا معاه

22- عمرك تهت ؟؟؟ وعملت إييه احكي الموقف؟؟
واحكي شعورك كان إيه؟؟

هههههههههههههههه
انا أصلا بخاف من التوهان
كنا في اسكندريه مع ناس قرايبنا
وقضينا اليومين هناك ومشيوا وسابوني انا كنت علي السطح وبابا مشي هو وماما وأخواتي وقالوا اني هرجع مع عمي
وعمي فكر اني روحت معاهم
لما نزلت ملقيتش حد ولا موبايل ولا حاجه
فضلت يجي 3 ساعات لوحدي وهما رجعوا تاني
بس أحلي 3 ساعات أحساس بالضياع




بصي يا مروه كده كفايه عليكي
وميرسي يا قمر علي التدبيسه النار دي
موضوع تحفه

[dr.marmar]

ههههههههههههههههههههه
ياعيني علي الست كيتي
كل حكاياتك عن الأكل
والضرب
باين عليكي ماكنتيش بتعملي حاجه في حياتك
غير انك بتاكلي
او بتضربي الناس
ههههههههههههههه
مفتريه وربنا
انا هخاف علي نفسي منك بعد كده

[kitty cat]

أيوه خافي علي نفسك مني
انتي مفكراني طيبه ولا ايه
ههههههههههههههههههههههههههه

[dr.marmar]

المشاركة الأصلية كتبت بواسطة kitty cat ~

أيوه خافي علي نفسك مني
انتي مفكراني طيبه ولا ايه
ههههههههههههههههههههههههههه

ههههههههههههههههههههههههههههههه
شفتي كنت مفكراكي طيبه
طلعتي ................
ولا بلاش احسن
هههههههههههههه