والله بنضحكـ على بعض

[dr. faris]

بسم الله الرحمن الرحيم

صباح/مساء الخير على عيون بنات مصر

ودون مقدمات لا طائل منها......

ينظر المرء حوله
يتفقد بعينه ملامح من يحيطون به
يتأمل ويتدبر

هكذا أجمعت الأديان على من يوصف بالعقلانية والتدبر

فيقول المولى جل فى علاه: "وأعتبروا يا أولى الأبصار"
ويقول تجلى أسمه: "فتدبروا يا أولى الألباب"

عزيزى متصفح الموضوع
قف وقفة معى وأنظر حولك
أتركك من كلامى وأنظر فى جوانب من يحيطون بك

فعلى سبيل المثال:

بمناسبة بداية دروس الـ "ثناوية العامة" تجد فى أول حصة من كل مادة المدرس يدخل على حضرك ويقولك التالى:

"الأنسان الكامل يهتم بكل حاجه، يهتم بمذاكرته، وبدينه، وبالرياضه، وأنت فى المرحلة دى مطلوب منك تهتم بدينك ومذاكرتك"

الله الله الله
كلام زى الفل والعسل والسكر كمان
بس حضرتك لابس سلسله؟؟؟
بس حضرتك بين الحصص بتشرب سجاير؟؟؟
طيب حضرتك بتهذر مع البنات وتحطلها الـ "بنبونايه فى بوقها"!!!!!

مثال تانى
أسأل أى بنت كده مواصفات فارس الأحلام الفارس الهمام حامل الريات ومحقق الأمانى والأوهام

أول حاجه يكون محترمـ و متدين
ومش مهم يكون رومانسى أو يكون فيه عيب الغيره

owwwwww
وتيجى البنت تحب
وسمعنى عن التدين والإحترام كده حاجه
ده مش رومانسى
ده بيغير عليه بيخنوقنى
ده بيسالنى فى كل حاجه
ده ده ده ده ده ده

لو غلطان قلولى

وعشان متبقاش تفرقه عنصرية
تعالى أسأل أى شاب محترم وأقوله أنت هيفرق معاك أن حبيبتك اللى حبتها تكون عرفت حد قبلك وهتسمحها
تلاقى اللى يقولك زى ما أنا عرفت قبلها هى عرفت وحبت
وده حب يعنى حاجه مش بالأيد يعنى
وبعدين عفا الله عما سلف يا عم
أنت عاوز تبوظ عليه حبى ولا أيه؟؟؟

يا سلام رد فى الجون
هو ده الرد اللى بتاع الراجل اللى بيفهم ويقدر المرأة

بعد كده بقه
تلاقى مشاكل بالهبل بسبب أن البنت الغلبانه قالتله ده الـ "قبلك" كان بيعمل وبيسوى
المعلم طبعاً المفروض مسامح فى اللى فات
بس أكيد هيتغاظ شوية
هيضايق شويتين
هيتنرفز حبتين تلاته
وممكن يفركش العلاقة

وبرده لو غلطان قولولى

تلاقى العاشقه الولهانه تقول لحببها "أنت أغلى حاجه عندى فى الدنيا"
"أنا مقدرش أعيش من غيرك"
"أنا بحبك أكتر من نفسى"

هو ده الحب يا أخونا
بس هو ممكن سؤال
حضرتك ليه مع أول مشكله بتقفلى موبيلك وتعدى زعلانه
مش كان مينفعش تعدى دقيقه من غير ما تسمعى صوته

طب هو ليه بعد ما تسيبوا بعض لأى ظرف حصل أو أى مشكله
لازم تجرحى فيه وطلعى فيه عِبر الدنيا والأخره
مش كان أغلى حاجه عندك فى الدنيا



كلنا بنقرأ كلمة "كفاءتك فى شغلك خير مفتاح لنجاحك"
مش الوسطه يعنى
طيب خلاص أنا معاك
وأبقى خلى الكفاءه تنفعك


شوفته بقه الكل بيضحك على بعض أزاى

[فــــــــــرح]

تعالى أسأل أى شاب محترم وأقوله أنت هيفرق معاك أن حبيبتك اللى حبتها تكون عرفت حد قبلك وهتسمحها
تلاقى اللى يقولك زى ما أنا عرفت قبلها هى عرفت وحبت
وده حب يعنى حاجه مش بالأيد يعنى
وبعدين عفا الله عما سلف يا عم
أنت عاوز تبوظ عليه حبى ولا أيه؟؟؟

معليش هنا انت غلطان وبقوه كمان
مستحيل يكون في شاب عربي شرقي
حيرضى يرتبط ببنت كانت على علاقه سابقه
بنسبه 99%
واذا قالو لا ففعلا احنا بنضحك على بعض..
الف شكر يا دكتور..

[حفيدالفراعنة]

	كلنا بنقرأ كلمة "كفاءتك فى شغلك خير مفتاح لنجاحك" مش الوسطه يعنى طيب خلاص أنا معاك وأبقى خلى الكفاءه تنفعك مش هيلحق القطر

[dr. faris]

اقتباس
المشاركة الأصلية كتبت بواسطة فــــــــــرح

تعالى أسأل أى شاب محترم وأقوله أنت هيفرق معاك أن حبيبتك اللى حبتها تكون عرفت حد قبلك وهتسمحها
تلاقى اللى يقولك زى ما أنا عرفت قبلها هى عرفت وحبت
وده حب يعنى حاجه مش بالأيد يعنى
وبعدين عفا الله عما سلف يا عم
أنت عاوز تبوظ عليه حبى ولا أيه؟؟؟

معليش هنا انت غلطان وبقوه كمان
مستحيل يكون في شاب عربي شرقي
حيرضى يرتبط ببنت كانت على علاقه سابقه
بنسبه 99%
واذا قالو لا ففعلا احنا بنضحك على بعض..
الف شكر يا دكتور..

أيون مهو ده القصد يا فرح
بس خدى بالك النسبه اللى أنتى قولتيها كبيرة اوى اوى اوى اوى
الموضوع ده تم مناقشته من قبل
وادى لينك الموضوع:
http://forums.msryat.org/showthread.php?t=28487
اتمنى تشاركينا فيه ويتم فتح بابا النقاش فيه

مشكوره ع مرورك
فارسـ

[dr. faris]

اقتباس
المشاركة الأصلية كتبت بواسطة حفيدالفراعنة

	كلنا بنقرأ كلمة "كفاءتك فى شغلك خير مفتاح لنجاحك" مش الوسطه يعنى طيب خلاص أنا معاك وأبقى خلى الكفاءه تنفعك مش هيلحق القطر

ههههههههههههههههه
برده لكل قاعدة ما هو شاذ عنها
فى أوقات كتير الكفاءه بيبقى ليها دور
خلينا واقعيين

مشكور ع مرور

فارسـ

[marwoo]

وااااااااااااااو موضوع رااااااااااااااااااااااائع فعلا ده بيحصل ومعرفش ليه بنعمل فبعض كده
للاسف يعنى احنا اللى بنعذب وبنجرح فبعض

[nooody]

كلنا بنقرأ كلمة "كفاءتك فى شغلك خير مفتاح لنجاحك"
مش الوسطه يعنى
طيب خلاص أنا معاك
وأبقى خلى الكفاءه تنفعك




بصراحه الموضوع دة غايظنى اوووووى

ما فيش حاجه بقت بتمشى الا بالواسطه

وطبعا عارف المثل اللى بيقول اللى مالوش ظهر وكمل انت بقى

والله مصيبه كبيرة وبترتب عليها ظلم كبيرررر

وتعالا بقى لمشكله مرتبطه بالموضوع وهى الرشوة

يعنى لو مثلا عايز تخلص ورق ... فى ثانيه تلاقى الدرج اتفتح وانت وذوقك بقى

يا كدة يا اما ورينا شاطرتك بقى دا ان عرفت تخلص اى حاجه

فلو انا وانت وغيرنا بدانا بنفسنا الموضوع احتمال يتحل

للكن اقول ان ما هو فلان بيعمل كدة هى جت عليا يعنى

يبقى قول على الدنيا السلامه

وانا لله وانا اليه راجعون


د فارس تقديرى لموضوعك

[lolla]

تصدق عند حق يا فارس

دايما بنقول الشىء ونعمل نقيضه

لأن الانسان عنده عقل وعارف كويس اوى الصح والغلط

بس للأسف ماشى على هواه

يعنى لو مدير او مسئول عايز يعين موظفين

اول المواصفات المطلوبة هتكون الكفاءة

لكن عند التنفيذ هتلائيه بيدور على

ابنه وابن اخوه وابن اخته

وانت عارف طبعاااا المعارف كتير

هى الكوسة كترت فى البلد من شوية

بس احنا مش بس بنضحك على بعض

احنا كمان بنضحك على نفسنا ...!!


وطبعااااا الامثلة على موضوعك كتير وانت ذكرت منها

تقبل مرورى

ولوعندى تعليق تانى على موضوعك هابئى آجى

[noona]

اهلا يا دكتور فارس بمواضيعك الجميلة ..


كلامك صحيح فعلا عن التناقضات اللى موجودة فى حياتنا وده اكبر دليل اللى بتحكيه


لكن لو فكرت فى نفسية الاشخاص فى الموقفين المتناقضين ...


حتعرف السر فى التناقض ده ..


فى الاول لما الواحد قال ايه المشكلة ان البنت اللى ارتبط بيها حبت قبل كده زى ما انا حبيت


هو فى الحقيقة ممكن يكون فى نفسه مكنش يتمنى انها تكون حبيت قبل كده ...


لكن حبه ليها ورغبته فى الاستمرار معها باى شكل هو اللى خلاه يتغاضى ويعديها


فهو كده عنده استعداد بقبول اى شئ فى سبيل استمراره معها


لكن الواقع بيقول ان مع اول مشكلة او احتكاك واقعى فى الحياة ولما تبدأ تسلك مسلك جدى

بيسترج الاشياء اللى تهاون فيها وبيبدأ موقفه ياخد اتجاه تانى ..


فمصلحة الشخص بتتحكم هنا فى ردود افعاله تجاه الغير ..


مفيش احسن من الكلام ويقولك المنطق والاصول بتقول كده


لكن التنفيذ بيكون شكل تانى غير الكلام .. وومكن كمان يرجع الاختلاف الى ضغوط ومؤثرات خارجية مختلفة اثرت فى حكم الشخص


او تخيله لما فكر انه ينفذ شئ كان خيالى شوية صعب التنفيذ ..


طبعا احنا بنفتقد واقعيتنا فى احلامنا .. يعنى نعرف ظروف حياتنا والمؤثرات قبل ما نتكلم ونقول حنعمل وحنعمل ..


عشان مش نتصدم لما نواجه الواقع ...


كما انا الامور الصحيحة ظاهرة بمعنى ان مفيش اختلاف على الصح ... لكن اننا نجمل الاخطاء ده ادعى ان التناقض يظهر بعد كده


ببساطة اننا لازم يوم ما نحلم او نخطط لحياتنا .. نكون واقعيين ونراعى مبادئنا واسلوب حياتنا


تسلم دكتور فارس على الموضوع النقاشى الرائع


عودة قوية للقسم .. وفى انتظار تنشيطك بمواضيعك الجميلة مرة اخرى


تحيتى وتقديرى ،،،

[محمد خطاب]

اولا احب ارحب بالعودة لاخى الغالى//dr faris

وتكون العودة حميده ولكم باك اخى الغالى

وبجد بعودتك الحميدة اثريت قسم النقاش والحوار بمواضيع جامده ومثيرة للنقاش المثمر والفعال

ثانيا بشكرك على الدعوه للموضوع

ثالثا نيجى بقى للموضوع



تلاقى العاشقه الولهانه تقول لحببها "أنت أغلى حاجه عندى فى الدنيا"
"أنا مقدرش أعيش من غيرك"
"أنا بحبك أكتر من نفسى"

هو ده الحب يا أخونا
بس هو ممكن سؤال
حضرتك ليه مع أول مشكله بتقفلى موبيلك وتعدى زعلانه
مش كان مينفعش تعدى دقيقه من غير ما تسمعى صوته

طب هو ليه بعد ما تسيبوا بعض لأى ظرف حصل أو أى مشكله
لازم تجرحى فيه وطلعى فيه عِبر الدنيا والأخره
مش كان أغلى حاجه عندك فى الدنيا

بجد هوه ده حال الدنيا فى ثانيه كل الحال بيتغير يعنى واحد يكون بيحبك اوى

تعمل فيه حاجه من غير قصد يبقى عدو ليك

وهكذا الحال بالنسبه للى بيحبوا بعض

عشان فكر صح ولقى ان العلاقه مش هتنفع انها تستمر

خلاص ده بقى وحش وتقلب عليه بقى ويبقى مش مؤدب وتقول كلام مش كويس

ممكن يكون مش موجود فيه وممكن يكون موجود

وهوه لو بنت رفضت انها تمشى معاه

خلاص تبقى اوحش بنت ومش كويسه وبعد ما بيكون يحبها ويتمنى منها كلمه وتكون ااقرب بنت ليه

خلاص لما ترفض تبقى ابعد بنت وتبقى مش كويسه

هوه ده حال الدنيا متغيرة ومتقلبه

وكمان فى شغل الوسطه ده

كل حاجه دلوقتى ما شيه بالوسطه الا من رحم ربى ودول قليلين اوى اللى بيبقى عايز الكفاءة والاجتهاد

بس موجودين بس للاسف مش كتير



وفعلا زى ما انته بتقول كله بيضحك على كله

((((((((((( الا من رحم ربى ))))))))))

وفى الختام احب اشكرك اخى الغالى

وتحيااااتى ليك

ومرة تانيه ولكم بااااااك وعودة حميده