بنيجي في الهايفة ونتصدر!!!!!

[بنت المنصورة]

السلام عليكم ورحمة الله

ازيكم يا جماعه ايه الاخبار
طبعا كلنا شوفنا موضوع تحديد الانترنت في مصر وكلنا مضايقين
بس انا هتكلم معاكم النهاردة في الموضوع بس بوجهة نظر مختلفة
قاعدة ياخواتي جمب اخويا وهو برضه بيقرا موضوع الانترنت المحدود في مصر في منتدى من المنتدايات وطبعا يعني لحب الاستطلاع بقراه معاه
لقيت اللي كاتب الموضوع واخداه الحماسة قوووووي وكدة مينفعش واحنا لازم نقف وقفة رجالة
مينفعش ياخدوا حقنا ونسكت ياجماعه لازم نتحرك وكأنه قائد من قوات المهد المنتظر اللي هيحرر البلاد
بجد حسيت أد اية احنا شعب بيجي في الهايفة ويتصدر
هو احنا من امتى حقنا بناخده رغيف العيش سعره زاد والدقيق قل في البلد وبيتصدر لنا شحنات فاسده ومسرطنه ومحدش اتكلم بالاسلوب ده
دي ابسط حقوقك عشان تعيش كبني ادم وتبان قدام العالم انك انسان ضايع
ومحدش اتحرك ولا وقفتوا الوقفة دي
لما مصنع المفروض كيماويات يكون عادم الغاز فيه لو طلع لونه ابيض المصنه يتقفل ويطلع لونه بني غامق ومحدش يتكلم مع ان من حق البلد الي هو فيها تقف الوقفة دي واحنا اللي ممكن نتأذي كلنا بالسبب ده ومحدش اتكلم
دا حقك انك تشم هوا نضيف مش لاقيه تشرب مية مش ملوثة مش لاقيه
كل حاجة بتزيد حوالينا وبندفع واحنا ساكتين
بنموت كل يوم وساكتين مروة الشربيني استشهدت كلنا وقفنا معصومي الايدي والسان وساكتين ومفيش حاجة حصلت واحنا برضه ساكتين
لكن لا لما يوصل الموضوع ان النت يتحدد لا دا اللي لايونكن ابدااااااااا
اقفوا واعملوا حملات وخليكوا رجالة واقفوا وقفة رجالةعشان تاخدوا حقكم في النت
بس ياريت نقف الوقفات دي في حاجات تستاهل اكتر
ولا على اية
مانت طول عمرك ياحنفي كلمتك بتنزل الارض اشمعنى المرة دي

[BANOTA COOL]

عندك حق
بس حوة دى نقف وقفة رجالة فاكر نفسة مين احمد عرابى ولا سعد زغلول
والله العظيم
احنا بنيجى فى الهايفة ونتصدر

[بنت المنصورة]

ميرسى اوى بنوته كول على مرورك نورتى

[CuOp!D]

الله ينور ع كلامك

وفعلا زى مابتقولوا ف الهايفه اوى ونتصدر ونعمل فيها خلاص بقى

[نووله]

والله عندك حق احنا فعلا بنعمل كده مرسي على موضوعك الحلو

[بنت المنصورة]

ميرسى يا جماعه على المرور والردود

نورتم

[NERA 31]

والله كلامك صحيح يعنى دلوقتى بس طلع له صوت و عايز يقف وقفة رجالة

والله العظيم احنا فى الهايفة دايما نتصدر

شكرا على موضوعك الجميييييييييييييل

[hussam alex]

أيه تحديد النت ده بجد أول مره أسمع عنه. زي تحديد النسل كده يعني.

بس بجد موضوع هاااااااااااايل

[شاعر الاقصى]

والله عندك حق الشعب كل شويه مش عرف ايه الي بيحصله

ربنا يهدينا بئه

وشكرا

ورمضان كريم

[kitty cat]

عندك حق بنيجي في الهايفه وبنتصدر
لكن تحديد الانترنت دي مش هايفه


برضه أكيد مش بنفس قيمه العيش وحاجات تانيه كتير
لكن مين قال اننا مش بنعمل كده برضه

المشكله ان مفيش حد بيسمع وكل اللي بنقدر نعمله بنتكلم بس

حتي اللي بنعمله دلوقتي كلام وابقي شوفي مين هيسمعه
موضوع رائع وفكره جميله

تسلمي يا قمر