ايه القسوه ده؟

[thelostlove]

علمتني ازاى احب وماعلمتنيش ازاي انسى
يابحر ضايع فيه..... الشط والمرسى
عملتنى ازاى احن ونسيت تعلمنى ازاى اقسى

انا عارفة انك هتنساني,,, وتنسى اني
فى يوم وهبتك نبض وجدانى

وهتاخدك موجة تانية
وتنسى رمل شطآني

وهتعيش حياتك عادي
وعمرك ماهتفكر في أحزاني

بس ياترى هتعترف
انك كنت فى يوم بتهواني؟

كنت بالنسبالي النسمة
اللي بتعزف للناس ألحانى

كنت البسمة اللي بتهدي نيران بركاني

ولما بيسألوني وطنك ايه
باقول حبك كل أوطاني

فاكرني ممكن انساك؟
دى كانت حنايا القلب تنساني
انا لو تهت مالدنيا كلها
في حضنك بلاقي عنوانى

أنساك ازاى فهمنى
علمني وماتكونش أناني

وخليك بعيد لو دة يرضيك
بس قبل ماتبعد تعالى
تعالى امسح دموعي وروح تاني

[احلى وهم]

جميييييييييييييييييييلة تسلم ايديك
منتهى الاحساس كلمات مليانة الم