شاركونى بالدعاء والثواب ان شاء الله

[همس ايمان]

بسم الله الرحمن الرحيم


انا حبيت احكى ليكم موقف حصلى من فترة وفهمته امبارح بس

من فترة لاحظت وجود مجموعة من الشباب فى شقة مجاورة لينا بيجوا فى اوقات متاخرة جدا بعد 12 بالليل ولحد صلاة الفجر وكنت بستغرب جدا من وجودهم كان سنهم تقريبا من بين 20 و 23 وشيك جدا وشكلهم كويس وعربية احدث موديل ومعاهم كميات من الاكياس والشنط ومش عارفة فيها ايه وصوتهم بيكون عالى جدا وهما بيكلموا مع بعض ومحدش عارف فيه ايه لحد امبارح عرفت انهم بيجهزوا شنطة رمضان والحاجات اللى معاهم دى كانت السكر والزيت والارز وكل لاوازم رمضان من غير محد يعرف او حتى يشاركهم ولو بالقليل وفى سرية تامة جهزوا كل حاجة استغربت جدا انهم فى السن ده وبيفكروا ده ومتحملين كل التكاليف وقارنت بينهم وبين مجموعة تانية فى نفس الشارع مفيش وراهم غير فلانة ولبسها والسجاير والتريقة على اللى رايح والجاى وبين النماذج السيئة اللى الاعلام بيظهرها وليه شباب كدة مفيش ضوء عليه وتذكرت ان القران بيقول ان الصدقة بتكون سرا افضل من انها تكون جهرا قدام الناس
كنت اتمنى انى اساهم باى شىء لكن للاسف معرفتش فياريت تشاركونى بالدعاء لهم واللى زيهم ان ربنا يجازيهم خيرا على الخير والسعادة اللى بيرسمهم على وجه المحتاج

انا اسفة على لغتى العامية بس عشان اوصل الموقف

ياريت ندعلهم

[شاعر الاقصى]

هما فعلا تفكرهم صح يا همس

عارفه ليه علشان فيه حديث عن الرسول الكريم

بيقول

لو تصدقت باليد اليمنى لم تري يدك اليسر ما تصدقت اليمنى
وشكرا لكي

ورمضان كربم

[nooody]

جزاهم الله خيرا

لفته جميله يا همس

[عصفورة مصر]

بسم الله الرحمن الرحيم
اللهم صلى على سيدنا محمد وعلى اهلة واصحابة أجمعين
السلام عليكم ورحمة الله وبركاته
جزاهم الله كل خير هما وأمثالهم ويارب ربنا يتقبل منهم وفى ميزان حسناتهم أن شاء الله.

[sa7rat el klop]

ربنا يجازيهم كل خير
وانا بدعو كل اعضاء المنتدي انهم يحاولوا يشاركوا في الحاجاي اللي زي ديه

[لوليتا المصريه]

ربنا يجازيهم كل خير يارب

ويجزيكى انتى كمان بكل خير

اختك

[catty girl]

ربنا يبارك فيهم بجد

ولله الواحد حس ان لسه فى شباب كويس فى الدنيا دى

وربنا يجازيهم كل خير

[لجين(loooooloooo)]

اله يجزيهم الف خيييييييييييييير

[dr.marmar]

والله ياريت كلنا نعمل زيهم
لان الرسول عليه الصلاه والسلام كان اجود مايكون في رمضان
وكمان في سريه الاجر اكبر
لفته جميله منك
جزاكي الله خيرا

[NOOR MAKKAH]

ربنا يحفظهم ويحميهم