ظاهرة التوك توك!!!

[توتة الكتكوتة]

بسم الله الرحمن الرحيم


السلام عليكم و رحمة الله و بركاته


بعد السلام :


"ظاهرة التوك توك ؟؟"





انا جاية انهاردة عشان اكلمكم في موضوع التكاتك..


و طبعاً مفيش حد فينا ميعرفش يعني ايه توك توك؟؟


المشكلة ان الظاهرة دي انتشرت جدا في الفترة الاخيرة..


و في اماكن بتبقى التكاتك فيها عاملة زي النمل..


و كل ما تمشي تتكعبل في واحد


طيب :


* هل انتوا شايفيين ان ظاهرة التكاتك دي ظاهرة ايجابية و لا سلبية؟؟


يعني مثلاً انا بلاقي كتيييير جداً اطفال صغيرين ممكن يكونوا 6 او 7 سنين مثلاً سايقين توك توك..


مش ده يعتبر خطر برده؟؟

* هل التوك توك سهل حركة النقل عن الاول ؟؟ و لا بالعكس عمل ازمة ؟؟


* و هل انت كشاب لو اتعرض عليك تشتغل على توك توك مثلاً هتوافق و لا هترفض؟؟ و ليه؟؟


* و هل التوك توك ساعد في تقليل البطالة عند الشباب مثلاً؟؟ لو اعتبارنا ان في شباب كتير اشتغلوا على تكاتك؟؟:cv25:


طيب : اكيد هوه ساعد الناس كبار السن اللي مبيقدروش يمشوا مسافات طويلة على رجهلم

يعني اسهل حاجة يطلبوا توك توك


الكلام في الموضوع يطووووووووول


عشان كدة جيت عشان نقعد قاعدة مع بعض و نتكلم في الظاهرة دي


و تاثيرها علينا كشباب..:hayth3:






ابدأوا المناقشة

[lost]

الموضوع فعلا مهم يا توتة
وكل حاجة في الدنيا ليها ايجابيات وليها سلبيات
بس التوك توك سلبياته أكتر بكتير من ايجابياته
يمكن فعلا هو ساعد الناس الكبيرة علي الحركة وكمان اعطي فرص عمل للشباب لكن في رأيك ايه هو مدي سلامة الناس دي وهمه راكبين التوك توك؟؟؟؟؟؟
معظم سواقين التوك توك من سن 8 الي سن 12 سنة وحتي معظم الكبار فيهم مدمنين بانجو أو حشيش ده بقي غير الكاسيت اللي شغال بصوت عالي جدا وغير سرعتهم الزاييدة والزحمة اللي زودوها ........................الخ
بصراحة أنا شايفة انه ليترخص ليتلغي لأن البلد مش ناقصة حوااااااااااااااااااااااادث

[H&H]

انا شايفه انو مهم وجوده

بس ميسوقوش ولد صغير لان ده جنان

لكن بجد لما يبقى معاك حد كبير في السن

مش قادر يمشي او حد تعبان

بجد وجوده ضروري

[شاعر الاقصى]

والله بجد اول حاجه كرهتها في مصر بجد ومخنننوووووووووووووق منها كمان خالص

عامله زحمه وبحصل فيها بلاوي كتييييييييييييييييير والحاجه الي ييجي منها بلاوي اكتر منها منتفعاتها بلاش منها صح

بس
ويارب استر بئه

وشكرا على الموضوع فعلا الهادف

[عيون فلسطينية]

بسم الله والصلاة والسلام علي رسول الله
والله الظاهرة ما انتشرت عندنا بس اكيد له ايجابيات
بس حرام اطفال يكونو السواقين دا ممكن يعرضهم للخطر

[توتة الكتكوتة]

هوا هيكون لية منفعة لما يكون السواقين كبار وعاقلين عشان يسوقو بتأنى

لكن حاليا اللى بشوفة عقل الاطفال كأنهم سايقين عربيات فى ملاهى ويعمل سباق مع صحبة اللى سايق جمبة واحنا راكبين

لحد ما يجى اى حاجة قدامة يروح لازق فية طبعا دة اللى بشوفة من سواقة الصغايرين

وتسلم على ردودكم ونورتو التوبيك

[محمد الشريف]

ظاهرة التوك توك فعلا مؤرقة فى الوقت الحالى للسلبيات التى لازمت المشروع من بدايته

واستمرت بتتابع حتى وصل الأمر لظاهرة أقل ماتوصف بأنها تهريج وبؤر إجرامية

وسلوكيات غاية الخطورة .

- لم يخطط جيدا قبل البدء فى تنفيذ المشروع .

- معظم سائق التوك توك هم أنفسهم سائق الميكروباصات .

- ترك الحبل على الغارب لمن يقود التوك توك من الصبية التى لم تتعدى اعمارهم

العاشرة سنوات مادام ليس هناك ضابط ولا رابط إذ بمجرد وقوع حادث

يهرب السائق الطفل ويختفى ويبدأ مسلسل البحث عن صاحب التوك توك

وعن الصبى وتضيع الأرواح ويخصب الأسفلت بدماء الأبرياء .

- غالبا مايستخدم التوك توك فى المساهمة فى تسهيل ارتكاب الجرائم سواء

فى نقل جثث من متحصلات جرائم قتل أو نقل متحصلات سرقات وذلك لعدم

وضعه تحت المتابعة والمراقية الأمنية الصارمة .

وغير ذلك من مظاهر السلبية ... لذلك فالاندفاع الرسمى لبدء أى مشروع

يجب أن يسبقه دراسات متأنية وشاملة ولا تقتصر تلك الدراسات على جهة

محددة بل يشارك فيها كل ذوى الشأن بدلا من القرارات المتسرعة تحت

شعارات تشغيل الشباب العاطلين ... وبعدها نجنى مساوىء وخطورة

تلك القرارات .

مع الشكر

[Transporter]

بسم الله الرحمن الرحيم
السلام عليكم ورحمة الله وبركاته


اولا موضوعك جميل جدا بس للي يفهمه صح
ظاهرة التوكتوك مش وحشة ولا سيئة مننساش ان الصين واليابان كلها دراجات واساسها الدراجات في كل بيت ومنساش ان الهند حياتها قائمة على التوكتوك بكل اشكاله من البداية الى النهاية

من وجهة نظري انه مفيد جدا جدا جدا لانه حل مشكلة الموصلات اللي كانت شايعة وخصوصا في المدن الصغيرة اللي مش منتشرة فيها وسائل المواصلات بصفة مستمرة

يمكن هو اريح من العربية واسرع من الاجرة والاتوبيس مش مهم الحجم المهم اننا نوصل بسرعة

هو عامل ازمة فعلا بس مع سواقينت الاتوبيس والعربيات الكبيرة اللي زاحمه الدنيا لانها بقت كتير اوي واي شاب مش لاقي شغل بيشتري توكتوك ويشغله وخلاص

هو خفف شوية من البطالة اه وربنا يكتر من التكاتك يا رب بس هي محتاجة نظرة لاعادة التشغيل والترتيب يعني نظام وقوانين خاصة بيها غير المرور نهائيا

المشكلة بقى لو التوكتوك حجمه كبر هاتركبو ايه هههههههههه علشان كده يا ريت التوكتوت يستمر بس بحجمه الصغير

[توتة الكتكوتة]

عندك حق والله يا محمد

بس بردة العيب فى مين من الدولة ؟؟؟؟

ونورت التوبيك

[توتة الكتكوتة]

هههههههههههههههه فعلا يا ترنسبورتر هوا سهل الحركة

بس حوادثة كتير جدا

وشكرا على وجهة نظرك للموضوع

ونورت التوبيك