مدام شكشوك افندى الموسوس

[Mo chahin]

عارفينه
بتشوفوه.....؟؟

رفيع و طويل وعروق رقبته باينه



طول النهار ماشي بعدسه مكبرة




ويلف في الشقة يفتش وممكن يكلمها من الشغل سبع تمن مرات

-أنا وصلت بتعملي إيه؟

-لسه ما صحيتش يا شكشوكي

-شكشوكي! إنت بتدلعيني ليه؟ أكيد بتعملي حاجه من ورايا


-لا والله يا شكشك

-سلام عندي شغل

-سلام يا شكشوك
ويتصل تاني


تررررررررررررن

-مال صوتك

-بآكل

-بتأكلي إيه؟

-طعميه

-ومين جابهالك؟يبقى أكيد مامتك عندك
-لا
-يبقى خرجتي-لا
-أمال إيه
-مرات البواب جابتهالي


وبعد قليل
ترررررن
-انت فين يا هانم ؟
-كنت بأنشر الغسيل
-كل ده؟يبقى أكيد إبن الجيران واقف وحضرتك فرحانه بشبابك
-لا والله
-إقفلي الشباك وأنا على السماعة
-حاضر
طرااااااااااااااخ


*
*
*
*


لو سرحت شويه..ينط فى وشها.
أن..أن..أأأأأأأأ
-إنت ِكنتِ سرحانه
-آه
-طب فى مين... .؟؟
- مش فى حاجه فى شغل البيت
-شغل..؟؟ شغل ايه ما عنديش ستات تخرج للشغل
-أنا بأقول شغل البيت مكنسه وجردل وغسيل يعني
-آااه بأحسب

*
*
*
*


وفي أي جلسه أمام المفسديون فجأة
-هو مين؟
-هو إيه يا شكشوك؟
-إنطقي .اللى انت سرحانه فيه. أنهي ممثل فيهم أكيد مهند
ما هو خلاص الستات إتهبلت


تروح تنام يا عينى. وتحلم وهي نايمه .بالعيال وهم فرحان

فتضحك...وطبعا شكشوك كان مصحصح و شك فيه...
.راحت ناطط نطتين فى الهوا...أن..أن..أأأأأأأ..
وصحاها من النوم
-بتحلمي بمين يا هانم؟
-بالعيال
-عيال..؟؟كذابة هم دول يضحكوا كده.. اعترفي
زهقت وراحت حاطه المخده على راسها ونامت

شكشوك قام وجاب العدسه المكبره وبدأ التفتيش.. .. 17 جنيه...وكان معاها 23 جنيه .يبقى صرفت 6 جنيه
مممممم
بقعه زيت أكيد الطعميه.
ممممم
إيه ده يا ربى
إيه ده
مش معقول..
بونبو نايه..

وكمان بالفراوله..
لا..لاااااااا .
صحاها تاني بس نظرته ما تريحش. وبعدين شعره طاير فى الهوا وعنيه طلعت لبره.. وقال لهاوهو بيبص بطرف عينه

-البونبونايه دى منيييييييين.

-مش فاكره
-يبقى خرجتي
-لا والله

-بتخونيني يا هانم
-لا والله ده إنت حبيبي

وفي النهاية البونبوناية طلعت بريئة
بس هي بدأت تكلم نفسها
وبتسمع صوته وهو مش موجود
وبتخاف من الشبابيك

*
*
*
*






.......





..



فى حياتنا دايما بيقابلنا ناس شكاكين
يا ربى انقذنى منهم

فعلا الانسان الشكاك انسان مؤذى

وبيؤذى نفسه قبل ما يضره غيره

سواء كان الشكاك دة....راجل او ست......


ولد او بنت........


زوج او زوجة.......



بس يا ترى مين مرتاح
شكشوك أفندي..........؟؟؟

واللا الأستاذ هادي المريح باله.........؟؟؟

واللا العاقل اللي واثق من نفسه وواثق في زوجته..............؟؟؟



وشكشوكة دة ....... ايه علاج شكه دة

وليه بيشك أصلا مرض ولا فطرة ولا غتاتة ولا فعلا الطرف التانى لازم نشك فيه...........؟؟a

[sokara]

هههههههههههه موضوع ظريف شكشوك دة
لكن الشك مشكلة وبصراحة مقابلتش حد بيشك الحمد لله
لكن اظن بيكون عدم ثقة فى نفسة اولا ثم فى الاخرين
تقبل مرورى

[مـــــشــمــشـــــة]

ده أهبل خالص ياحول الله علشان البونبونى بيشك فيها ههههههههههههههههههههههههههههههه ياابن الاسعه يسلمووو ايديك وفعلا الشك ده صفه وخصله وحشه جدا وبيبقى اخرها الجنان ــــــــــــــــــــــــ تقبل مرورى

[لوليتا المصريه]

ههههههههه انا اعصابى تعبت من الراجل دة

يا ستار يارب

الشك دة حاجة وحشه اوووى

وللاسف ممكن توصل للكره

واللى بيشك فى كل حاجة دة

بيبقى عنده اصلا قله ثقه فى نفسه

فبيبقى ماعندوش ثقه فى اللى حواليه

لان فاقد الشئ لا يعطيه

موضوع جميل جدا

وطريقه سرد تحفه

منتظرين جديدك

اختك

[متفائل في زمن اليأس]

هههههههههههههههههههههه
موضوع ظريف

[ألاء الرحمن]

السلام عليكم ورحمه الله وبركاته
رغم ان احنا بناخد الموضوع بضحكه وهزار الا ان دى مشكله جامده اوى وساعات بتبقى مرض نفسى فى الشخص نفسه زى الوسواس بالظبط بجد الشك ده بيتعب الشخص نفسه اوى وبيتعب اللى حواليه .. ربنا يشفى الجميع وشكرا لك اخى على الموضوع المميز

[Mo chahin]

شكرا للجميع