ما هو هدفك من الرد ....؟

[خدني بين ايديك]

بصراحه حبيت اطرح عليكو سؤاااال
ما هو هدفك من الرد علي مواضيع الاعضاء ؟

هل انت عايز تزيد عدد مشاركاتك لتحقق اعلى نقاط ..................؟

ياريت تكون الاجابه صريحه

[محمد الشريف]

الرد على الأعضاء هو الإيجابية فى التعاون بين الجميع وهو من أسس المنتديات

إذ أن طارح الموضوع يفترض دائما أنه يخاطب باقى الأعضاء والإيجابية تتطلب

من باقى الأعضاء المخاطبين الرد عليه بما يتلائم ويتوافق مع مايعرضه إما بالرد

المناسب أو بإضافة ما يزيد الموضوع توضيحا أو توهجا فكريا أو مناقشة الفكرة

أما الرد بغرض زيادة النقط للردود فلا أتصور أنها الغاية فالعبرة بالكيف فى

المطروح أو المردود عليه بما يجعل له القيمة والأثر الطيب الفعال فى فكر

وذهن من يقرأ أو يرد ويعم بالفائدة ومن يمر كزائر .

مع أطيب التحايا

[Transporter]

بسم الله الرحمن الرحيم
السلام عليكم ورحمة الله وبركاته


من نظرتي انا الشخصية ودا حالي الطبيعي
ردي بيختلف على حسب

1- اذا كان الموضوع يتطلب مشاركة بالمعلومة او التوضيح وانا عارفها وفاهما برد فيه لافادة الجميع او ازيد على الموضوع ليكتمل موضوع الطارح

2- اذا كان الموضوع جميل جدا ورائع ويستحق الشكر والتقدير والتشجيع للطارح

3- اذا كان الموضوع فيه جهد كبير من الطارح وتاخرت فيه الردود لفترة طويلة ولم يرد احد انا عن نفسي بتحمس للموضوع واضيف عليه من عندي وبالتالي بيظهر من جديد على السطح للاعضاء وبيتحمس الطارح للاستعداد لطرح جديد

4- وبصراحة فيه مواضيع يعني بسيطة جدا للطارح وبيكون له اكتر من موضوع بنفس الريتم ما فيهاش اي حركة او فكر او راي لما انا رديت عليه هابقى بضحك على نفسي وبايده فكره ولو انه مش فيه فكر اصلا فانا بتجنب الموضوع بس بكتفي بمشاهدته علشان اقدر اقيم العضو دا بالضبط

5- اما كون ان ارد علشان ازود مشاركة ليا يعني مش محتاجها انا لان مفيش موضوع شاركت فيه مشاركة عابرة لزيادة رصيد

6- اما اذا كان علشان نرضي صاحب الموضوع فدا من شخصي عمره ما راح يحصل ابدا فانا لا ارضي احدا بموضوع لمجرد الارضاء فقط


وشكرا موضوعك فعلا قيم واذا ما كان قيم وفيه فايدة للجميع ما كنت رديت عليه
كل سنة وانت طيب

[M@HMOUD]

تسلم على الموضوع
بس انا شايف ان فى ناس كده بتزويد عدد المشاركات علشان كده وفى ناس تانى زى ما قال الاخين اللى قبلى

كل سنه وانت طيب

[~~SALWA~~]

هدفى من الرد بيختلف بصراحة من موضوع لموضوع تانى

يعنى فى توبيكات بيبقى عايزة اهو اشارك وازود مشاركات

توبيكات تانية ابقى عايزة اعرض وجهة نظرى فى الموقع

توبيك تانى ببقى حاسة ان حد عامل مجهود وعامل شغل جامد

ببقى عايزة اشكرة

يعنى توبيك دة ردى فية انة توبيك مهم وعايزة اقول وجة نظرى

وكمان عايزة اشكرك

[hoba.ng]

بما انى جديده فى المنتدى فبرد وخلاص لانى مش فاهمه حاجه بس ان شاء الله هفهم ادعولى بقي

[منال ابوالوفا]

متهيقلي الرد ده حاجة عشان الموضوع بيكون كويس ومش معقوله يعني حد يرد غصب عنه وهو مش معجب بالموضوع وحتى لو الرد عشان المشاركات تزيد ايه اللى فيها يعني
تحيااااتي ونقاش جاد ان شاء الله

[حفيدالفراعنة]

	الرد فى حد ذاتة موضوع للرد على موضوع معين لابد من الاتى انا يكون ردك يفيد الموضوع سوء كان ردك ايجبيا اوغير ذالك يعنى توضيح وجهة نظرك ليس لتوضيحها فقط ولكن ؟ للفائدة التى تعم على باقى الاعضاء ام الرد من اجل الرد فقط فلا فائدة مرجوة منة وقلتة احسن والرد على المواضيع الجيدة انا شايف انة واجب كل سنة وانت طيب

[RANEM]

يعنى الرد ليه اكتر من سبب
مثلا لو موضو ع قريته وعجبنى فعلا يبقى لازم اشكر صاحب الموضو ع عليه

لو موضو ع فيه نقاش يبقى عشان اعرض راى واشوف اراء البقيين اكيد حانستفيد من بعض

واكيد الرد بيعمل تواصل مع الاعضاء بس مافيش سبب تانى بالنسبالى

اشكرك على الموضوع الجميل

[محمد الشريف]

ولماذا لانشجع طارح الموضوع ولو لم يعجبنا موضوعه بل هو الأولى بأن نرد عليه

حتى نشجعه ونشعره بوجوده وعلى مر تتابع موضوعاته مؤكد سيصقل بخبرة أزيد

ويستفيد من محاولات تشجيعه ( بصرف النظر ) عن مسألة زيادة عدد المشاركات

فى ردودنا ..فتشجيعنا لأى فكر "مفيد" ولو بقليل القليل سيجعل العضو يقبل على

المشاركات بدلا من العزوف والاكتفاء بالمشاهدة وربما عدمها ... مع الوضع فى

الاعتبار أن الأعضاء غالبا ليسو على قدر ثابت فى العمر وفى الثقافات وفى الخبرات

لذلك لا أؤيد فكرة الرد على مايعجب وعدم الرد على ما لايعجب فكفالة الفكر واجبة

تجاه من ماهو مبتدىء ويحتاج إلى العون كى يصعد درجات سلم الفكر ولن يأتى

ذلك بانصراف الجميع على تشجيعه بزعم أن فكره لايعجب .


وتلك وجهة نظرى

وشكرا