لغتنا المحتله

[القطه المشمشيه]

بسم الله ابدا كلامى يعنى مش هقول هاى وباى والحاجات دى


حقيقى ياشباب ده موضوع مهم جدا ومنتشر بين الشباب زى الفيروس

وهو موضوع دخول اللغه الانجليزيه فى معظم كلامنا اليومى

وده منتشر بين طلبه الجامعه جدا مع الرغم من ان لغتنا جميله والله

انا طبعا مش قصدى ان احنا نتكلم الفصحى ولكن على الاقل نحافظ علىى اللغه الدارجه اللى احنا بنتكلمها

والله بجد شكلها حلو بس احنا نحبها

انا عندى بس سؤال واحد وهو ايه الميزه فى ان احنا نتكلم غير لغتنا طول الوقت؟؟؟؟؟

[فراولهـ]

والله هي الحكايه معايا مش كده خالص

انا ممكن لو دخلت كلمه انجلش او فرنش في كلامي

فده لحبي في اللغات دي بس مش اكتر

بس اكيد كلنا بنحب اللغه العربيه

دي لغه القرآن وهي اللغه الوحيده اللي هتفضل موجوده طووول الزمن

شكراً لطرحك الموضوع يا القطه المشمشيه

[محمد الشريف]

لغتنا العربية هى لغة ثرية وهى لغة القرآن الكريم وهى لغة الضاد ،

ولامانع من الثقافة والمعرفة فى اللغات الأخرى ، ولكنا

لاينبغى أن نهمل لغتنا ولا نتراجع عنها والمدهش

أننا هنا فى مصر غالبا مانجد تفضيل اللغات من غير العربية على

أوجهة المحلات التجارية ومما لاحظته فى المنتديات

أن العديد من الأعضاء يكتب اسمه باللغة الانجليزية

بدلا من لغتنا العربية الحبيبة إلى قلوبنا ، وأنا رغم إلمامى باللغة

الإنجليزية لكنى ما فضلت عليها أى لغة بديلة ...

على كل حال فإنى أفضل التمسك بلغتنا العربية مادمنا داخل بلادنا

وأهلنا ومجتمعنا ولنجعل استخدماتنا لمن سواها عند ما تستدعى

الظروف لذلك كالتحدث مع أجانب وبلغتهم التى نجيدها أو بحسب


الظروف التى تستدعى ذلك ومن ثم لايكون ذلك على حساب لغتنا الأم

مع الشكر

[hoba.ng]

لما احنا بنتكلم كام كلمه english or any other ******** ده مش معناه اننا نسينا العربى

[حفيدالفراعنة]

عربيا انا

لماذا تقول هذة الكلمة

مادام لا تتعامل بلغت وطنك

ولغة العروبة اللغة العربية

دعوة للعودة الى لغتنا العربية

كل سنة وانتى طيبة

[أمة الله]

بسم الله الرحمن الرحيم

انا افتخر بأننى أتحدث العربيه ولاأحول ان أدخل عليها اى لغه بديله يكفيها فخره انها

لغة القرأن الكريم ويكفيها عزا ان خاتم النبيين عربيا صلى الله عليه وسلم ولابديل عن لغة القرأن

انما الشباب شيفن انها موضه دلع انه بالطريقه دى يكون عصرى وغير كمان بعض الكلمات الجديده

التى ليس لها معنى من اللى بنسمعو من الشباب فى هذة الايام ومن المفروض

نعود انفسنا واولادنا على التحدث بالغه العربيه وبس
جزاك الله خيرا

[القطه المشمشيه]

اقتباس المشاركة الأصلية كتبت بواسطة القطه المشمشيه بسم الله ابدا كلامى يعنى مش هقول هاى وباى والحاجات دى حقيقى ياشباب ده موضوع مهم جدا ومنتشر بين الشباب زى الفيروس وهو موضوع دخول اللغه الانجليزيه فى معظم كلامنا اليومى وده منتشر بين طلبه الجامعه جدا مع الرغم من ان لغتنا جميله والله انا طبعا مش قصدى ان احنا نتكلم الفصحى ولكن على الاقل نحافظ علىى اللغه الدارجه اللى احنا بنتكلمها والله بجد شكلها حلو بس احنا نحبها انا عندى بس سؤال واحد وهو ايه الميزه فى ان احنا نتكلم غير لغتنا طول الوقت؟؟؟؟؟

وعلى فكره انامش عاوزه حد يزعل منى انا والله طرحت الموضوع ده لانى

لقيته منتشر جدا بين اصحابى واخواتى لدرجه وانا كمان اتاثرت بالموضوع ده بس انا حبيت انا حسيت ان دى

حاجه مش لذيذه فحبيت اسال واشوف انا صح ولا انا مزوداها شويه

[لوليتا المصريه]

لا يا حبيبه قلبى لغتنا مش محتله ولا حاجة

العربى موجود

وان كان فيه كلام بالانجليزى مثلا او اى لغه اجنبيه تانيه

دة بيرجع لان الشخص دة مجاله مقيده بكدة مثلا

او او او او

لكن اكيد العربى موجود وانا من انصاره جدا

انا مش بحب اللغات

لكن كثقافه اكيييييييد اللغه مفيده جدا

والواحد اكيد يحب يرفع من نفسه دايما

ومش معنى كدة انه اتخلى عن لغته العربيه

التى انزل بيها القراءن

موضوع جميل جدا

منتظرين جديدك

اختك

e m

[فراولهـ]

والله !!

يعني ايه الشباب شافينها موضه دلع

من امتى اللي بلغه تانيه مع اللغه الاصليه ده يبئا اسمه دلع !!


والله انا طلعت كده من حبي للانجلش بالذات

ولا دلع ولا كلام فاضي من ده

غير كمان دي ممكن تكون مفيده عشان تقوي اللغه عندك


اللغه التانيه

عشان متنسيهاش وقت ما تحتاجيها

والله انا رأيي ان عاادي لما اتكلم عربي ( العاميه بتاعتنا ) وادخل معاها من لغات تانيه

لكن العربيه الفصحى انا مش بقدر ادخل معاها ولا لغه عشان هي كده مش بتكون حلوه غير وهيا لوحدها





بس والله الأفضل لما نتكلم عربي نتكلم عربي وبس وانجلش انجلش وبس وهكذا

بس هي بتيجي معايا كده اتوماتيكلي

شكراً لطرحك التوبيك تاني

[ابو ضاهر]

ثانكس علي التويبك