إزى تنكدي على زوجك وطلعى عين أهله

[thebabygirl]

حوار لطيف بين زوج مع زوجته

هو:

حبيبتي أنا حأطلب بيتزا ، عايزة حاجة ؟



هي:

لا يا حبيبي



هو :

اوكي



هي:

ولا اقولك ..؟



هو:

ها ، أطلب لك كمان ؟



هي:

مش عارفة



هو :

مش عارفة اذا كنتي عايزة ؟



هي:

لا



هو:

انتي جعانة ؟



هي:

يعني



هو :

يعني إيه يعني...؟



هي:

يعني مش متأكدة اذا كنت جعانة ولا لأ.



هو:
الواحد لما بيكون جعان بيعرف



هي :

لأ بس يمكن اجوع بعدين



هو:

يعني اطلب لك بيتزا؟



هي:

طيب واذا ما كنتش جعانة وقتها..؟



هو :

ما تاكليش



هي :

بس ده كدة يبقى تبذير



هو:

خلاص ، تبقي تاكليها بكرة



هي:
و اذا ما كانش لي نفس آكل بيتزا بكرة؟



هو :

مش محتاجة نفس ، الواحد عادي ممكن ياكل بيتزا كل يوم



هي:

انا لا .. أنا مش باكل بيتزا الا لما يكون عندي نفس للبيتزا



هو:

طيب بلاش ، أطلب لك حاجة تانية؟



هي:

بس أنا مش عايزة حاجة تانية



هو:

يعني عايزة بيتزا؟



هي :

لا



هو:

يعني مش عايزة حاجة؟



هي:

لأ برضه



هو :

جننتيني ، طب أعمل إيه؟



هي:

اطلب انت لنفسك



هو:

الحمد لله ، اخيرا .. ماشي ..



هي :

بس اطلب بيتزا بالتونة



هو:

نعم ؟ انا مش بحب البيتزا التونة



هي:

بس انا بحبها



هو:
وانتي مالك ؟ هو انا حاطلب ليا ولا ليكي



هي:

ليك طبعا



هو:

طيب أطلبها ليه بأة بالتونة...؟



هي:

يمكن اجوع لما يوصل الاكل



هو :

وبعدين



هي:

يا سلام ، يعني تفتكر آكل حاجة مش عاجباني؟



هو:

ليه هو انتي – أصلاً - عايزة تاكلي؟



هي :

ليه لأ ؟



هو:

يا مثبت العقل .. هو أنا حاطلب بيتزا لي , عشان احتمال انتي تاكليها اذا كنتي جعانة؟؟



هي:

بالضبط



هو:

وأنا بلاش آكل؟



هي:
يمكن وقتها أكون مش جعانة فتاكلها انت







ملاحظة

*******************

محكمة الجنايات قررت تبرئة الزوج من تهمة

"قتل الزوجة مع سبق الإصرار والترصد"

وتحويل التهمة إلى ..

"قتل الزوجة دفاعاً عن النفس"[/COLOR]
:cv27::cv27:

[Transporter]

بسم الله الرحمن الرحيم
السلام عليكم ورحمة الله وبركاته


انا اتخنقت هههههههههههههههههههههه

[Dr.nour]

ههههههههههههههههههانا لو مكانه كنت ارميها من البلكونه واخلص

[ابو ضاهر]

حرااااااااااااااااااااااااااااام

[حفيدالفراعنة]

كدة محدش هيجوزززززز خالص ههههههههه

كرهتينى فى الجواز وسنينة ههههههههههه

كل سنة وانتى طيبة

[حروف مبعثره]

دى شللل اصلا والله لو مكانه كنت ولعت فيهااااااااااااااااااا

[بنت العبد]

يا ساتر استر مش هقول غير كد

[هيا*HYA*]

هههههههههههههههههههه
دى مجنونه رسمى
مش عارفه ترسى على حال
بصراحه ليه حق فى اللى عمله فيها
ربنا معاه
شكرا يا قمر
ربنا يزيدك