من اصدق فى الحب الولد ولا البنت(للبنات والولاد)

[aya2009]

ازيكم يا بنات وشباب انا معايا سؤال محيرنى نفسى اعرفة من زمان تفتكروا الاصدق فى الحب او كلمه بحبك الولاد ولا البنات يا ترى انا هستنى الرد على السؤال ممكن؟؟؟

[Mira]

انا واثقه100% انت البنت هى الاصدق فالحب

[قلب صادق]

اختى الفاضله الحب مش مجرد كلمه

اللى يقول بحبك سواء بنت او ولد

مجرد كلمه ملهاش طعم ولا احساس

الحب مش كلمه ..

الحب عطاء لازم اما نحب نعطى بلا

حدود ومننتظرش اى مقابل يكفينا اننا

حبينا واخلصنا واذا كان الطرف الاخر غير مهتم بحبنا

او بخل علينا بالحب يكفينا اننا صح واننا الاحسن

الحب يا غاليتى .. يعنى نتقى الله فى اللى بنحبو

مش مجرد كلمه نقولها علشان نوصل لشئ

والحب مش مقتصر لود او بنت

كتير منا اولاد مجروحين من بنات

وكتير بنات مجروحين من اولاد قالخيانه والغدر

واهدار قيمه ومعنى الحب الحقيقى هى فى نفوس البشر

بنت ولد .. الحب يعنى اشوف الدنيا فى اللى بحبو

اتمنالو كل خير اتمنالو الخير قبل نفسى ادلو على

الطريق الصحيح اشوف اخطائو واعالجهالو بكل هدوء

الحب التفاهم الحب كبير اوى الحب يعنى نهايه سعيده

احترام قلب بيحبنى وبحبو

الحب كبير اوى بس للاسف كتير بيخدوها كلمه

بدون معنى فى انفسهم

قليل اوى اللى يعرف معنى الحب

او بيتقى الله فى حبيبو


موضوع مميز اتمنى اكون اجبت على سؤالك

اتمنالك كل توفيق

تقبلى تقديرى واحترامى غاليتى ايه



حينما نبتعد عن الجرح تلاحقنا الاحزان

وحينما نبتعد عن الحب تلاحقنا ايام الحرمان

عجبا للحب

اخوكى قلب صادق

[aya2009]

Uعندك حق يا قلب صادق كلامك صح اشكرك وشكرا يا mira

[روز]

قلب صادق فعلا عندك حق بس دي حقيقة وواقع مش بأيدكم انتم تقدرو تحبوا واحدة واتنين وتلاتة اما البنات الحب الحقيقي عندهم ميحصلش غير مرة واحدة وممكن يعيشوا ويموتوا وهما متعلقين بالحب ده
تقبلي مروري يا آية وميرسي لطرحك للموضوع

[aya2009]

شكرا ليكم كلكم

[صمت الأنين]

والله ممكن تلاقى بنت مخلصة جداا وممكن تلاقى ولد مخلص جداا ودة مش حاجة ثابتة بس انا اللى اعرفة انو البنات بتدى حب كبيييييييييير جدا من غير مقابل سواء فى البنت اللى بتحب او الام او الزوجة او او او

وممكن تلاقى ولد او شاب بردوو مثل البنات بس مش بنفس الطريقة والمثالية ودة رايى وممكن حد يختلف معايا

ومشكوووووووورة عالتووبيك الحلوووو وموضوع مهم

[عاشقه شيرين]

اكيييييييييييييييييييييييييييد البنت طبعا اصدق من الولد .وكل سنه وانتو طيبين, وكل العشاق عاشقين . هااااي ميراا حابه اتعرف عليكى

[Eng lola hamdy]

انا شايفة مش اى حد ييجى يقول بحبك يكون فعلا صح لكن الحب ده مواقف وتصرفات يعنى لو واحد لو حد ضايقك بيقفلك وميرضاش حد يقول عليكى نصف كلمة وبيحترمك جدا وبيقدرك جدا وهكذا .....
من غير ما ييجى يقول بحبك انتى هتعرفى
لكن نيجى بقى لواحد بيعمل معاكى تصرفات زى الزفت ده بقى لو جاء وقالك بحبك المفروض ياخد قلم على وشه هههههههه
اللى عايزة اوصلهولك ان مفيش حد اصدق من التانى
لكن فيه كويس وفيه وحش وفى مخلص وفى كداب

[Eng lola hamdy]

نسيت اقولك كمان ان الاولاد طبعها انها تحب تتكلم مع بنات كتير لكن اللى فى القلب فى القلب لكن هو ده طبع
ومفيش غير قلة قليلة هما اللى مش بتكلموا