سر حزنى

[حنـــــون]

سر حزنى

لم اكن اعلم ان حبى وتعاملى بمشاعرى سيكون سر حزنى

لم اتخيل فى يوم ان اشعر بكل هذا الحزن وعندما افتش عن السبب لم اجد غير

مشاعرى وتعاطفى مع الاخرين فانا من امنت واحببت والقيت بمشاعرى

فى يد من لايقدرونها بل القوا بها تحت اقدامهم ولم يتالموا يوما لم اشعر به من حزن وجرح

مما فعلوه بى فقد دمروا كل مشاعر طيبه كنت اشعر بها تجاههم فتحولت الى انسانه باكيه دائما لاافعل

غير البكاء والندم على ما فات ومافعلته بنفسى فانا لا الوم احد غيرى انا انا من امنت واحببت والقيت بكل

مشاعرى بين يد من لايقدرونها

واليوم انا لا اطلب شئ ولا اريد منهم اعتذار فانا لن اتغير ولكن سابقى كما انا

وساترك اخلاقى هى من تعاملهم ولن انتظر شئ من احد فيكفينى ان اكون امام نفسى راضيه عنها

تحيااااااااااااااتى للجميع حنون

[noona]

مالك بس يا حنون ليه كل الحزن ده !!

الاول يا حنون بغض النظر عن اللى حصل من الاخرين عايزة اقولك ماتندميش على اى مشاعر طيبة منحتيها ليهم .. او تعامل بقلب صافى حتى لو هم لم يقدروا شعورك تجاههم ...

مش كل الناس بتقدر ومش كل الناس بتتعامل بنفس النوايا ... ومش كده وبس فى ناس بتستغل الطيبة لتحقيق مصالح وغيره ...

فمتتوقعيش دايما انك تلاقى تقدير للجميع انتى ليكى بنفسك انتى وبس ... اهم حاجة شعورك انك مقصرتيش واتعملتى بنية سليمة وصافية ...

واكيد اى شخص لا يقدر ذلك لايستحق البكاء والندم ..

زى ما انتى نهيتى موضوعك ... خلى اخلاقك هى اللى بتعامل مهما الاخرين عملوا ...

وخلى دايما فى حذر من الاخرين بعد كده ... مش معنى انك تغيري من نفسك ... لا زى ما انتى لكن توقعى ردود افعال منهم قد يكون مفيهاش اى تقدير او معاملة طيبة ...

واتمنالك دوما السعادة وراحة البال ...

وربنا يوفقك يا حنون ....

خالصـ تقديرى ،،،

[misho]

شعور قاااااسي جدا يا حنون

صعب اوي انك تدي مشاعرك وحبك وحنانك واهتمامك لاشخاص

وهما للاسف يقابلوا دة بالجحود والنكران

و كل مشاعر جميلة تنداس بكل قسوة

مش هيحس بالاحساس دة غير اللي جربه وعاش فيه

بجد عبرتي بكلمات جميلة جدا عما بداخلي

تسلمي يا حنان

تحيااتي

[nooody]

لا تمنحى مشاعرك لمن لايقدرها

للاسف احنا بننخدع فى الناس دة لو احد من السببين دول :

الاول :يمكن لاننا مش بنختار صح ومش بنفكر قبل الاختيار دة

وننساق دائما وراء مشاعرنا .



التانى : ان ممكن الناس دى عندها قدر كبير من الذكاء اللى يخليهم

يظهروا وكأنهم ملائكه وهم ينسجون لكى خيوط الغدر.


كلماتك جعلتنى ابكى يا حنون

ربنا يسعدك

[DO3AA]

والله يا حنون كل حاجه بتعدى وما غير الانسان بيخسر فرحته وحياته
اى موقف بنتعرض ليه الايام كفيله بأنها تنسيه لينا
فطالما كده كده هننساه..طيب ليه نتعب نفسنا
نستعين بربنا و والله كل حاجه هتبقى كويسه
واللى بيعاملك وحش والله ما يستاهل انك تزعلى ابدا
وبلاش تندمى على اى حاجه عملتيها لان الندم مش هيرجع حاجه
وربنا بيعوضنا باللى احسن لما بنصبر
وزى ما بتقول نونا متتغيريش بس خليكى حذره
ربنا يسعدك يارب
شكرا يا حنون على الموضوع الجميل

[هيا*HYA*]

كلمات رائعه لاخت مبدعه دائما
كلامك نابع من قلب عانى وشاف الاسيه كتيييييير
انا عارفه انك لما بتكونى حسنه النوايا وتلاقى الاحسان بيترد عليه بالغدر
دة شىء محزن جداا ومتعب.. بس فى الاول وفى الاخر البشر مش زى بعضهم
والعقول وطريقه تفكيرها بتختلف من شخص للتانى
وانتى لازم تبقى عارفه دة كويس .. ولازم على قد ما تقدرى تحاولى تفهمى الشخصيه
اللى انتى هتتعاملى معاها علشان متندميش
وبرضه انتى بتعاملى ربنا فى الاول والاخر
وربنا مبينساش الاحسان اللى عملتيه
وفى حكمه قالها شيخ جليل:
انسى حاجتين وافتكر حاجتين فى حياتك
انسى : اسائه الناس ليك .. وانسى احسانك للناس
افتكر : افتكر احسان الناس ليك ... وافتكر اسائتك للناس

وبكدة اكيد مش هتندمى على خير انتى عملتيه
تقبلى مرورى
ربــــــــــنا يزيدك

[لوليتا المصريه]

كلماتك نابعه عن شعورك واحساسك يا حنون

لكن

بلاش ندم ولا حتى دموع

انتى قولتيها لنفسك ناس مابتقدرش المشاعر

حنان يا حبيبه قلبى

ربنا يقويكى و يكرمك بكل خير يارب

خليكى دايما كده مع ربنا

ربنا يسعدك يارب

اختك

[نورالدنيا]

كلمات نابعه من قلب حزين جدا اختى لا تحزنى ولا تدعى الحزن يقتلكى كونى قويه


شكرا جدا حنون على الموضوع الحزين تقبلى مرورى

[Just G!rl]

غدا واليوم وامس ساظل كما انا مها تغيرت معى الناس لن اتغير ولن اعمالهم بافعالهم ولكن ساترك اخلاقى هى من تعاملهم

هو ده الصح يا قمر

وفي الزمن ده تقريبا معظم الناس بس مش كلهم

ميستاهلوش انك تديهم مشاعرك وميستاهلوش تعاطفك

وأكيد انتي لما بتعاملي حد بتعامليه باخلاقك مش بأخلاقه

[SiLver Spectra]

بقالك كام موضوع كدا حزينه يا حنان

إذا كان ربنا ميزك عن غيرك بالطبية فالمفروض تفرحي

ما تستنيش حاجه من حد يا حنان

أعمل الخير و ارميه في البحر زي ما بيقولوا

مش ذنبك انك بتتعاملي بطيبة مع الناس

بس برضو بقولك ما تطلبيش مزايدات من الناس

حالة الحزن الي انتي فيها دي...نتيجة توقعك شيء من الناس

هي أكيد مش كدا و بس أكيد في كلام بيزعلك بتسمعيه

بس يلا...

و الله مافي حاجه تستاهل في دنيتنا دي




موضوع قيم يا حنان

بالتوفيق دايما....