هذآ هـوُ ح ـآل [ الـمًفآرق ] يوًوًم يطري له ~ الـغُرآم !

[ميريت امون]

ضاق صدري و رحت افضفض قاصد ٍ نفس الرصيف !

شفت نور الحي زايد و آنا خبري به ظلام







و الغريب انه خفوقي زاد نبضه .. مدري كيف !!

كني طفل ٍ .. يبكي .. خايف .. ضايع ٍ وسط الزحام





اثْره كان وراي .. و الضيا ما كان طيف

قبل ما اوقف و اسلّم .. قلبي المشتاق قام





ما طرى في بالي الا (يا بَخَت من لك وليف )

عينه بعيني .. و نظره .. رجعتني كم عام





فجأه شفت اشجار تخضر و هْيَ في عز الخريف

و هذا هو حال المفارِق يوم يطري له الغرام





يبتسم .. يشبه بشوقه .. للنظر شخص ٍ كفيف

الأمل ضايع .. ولكن .. الأماني مو حرام





الثواني تمر و تمضي .. اشهد ان الوقت سيف

فجأه قال ( كيف حالك ) قبل ما ارمي السلام !





كنت احسْب اني قويه .. لين اكتشفت احساسي زيف

ما عرفت انطق بكلمه .. شاعر و خانه الكلام !!!





كيف اقول اني بخير و باين بقلبي النزيف ؟

و الملامح بان فيها عين ما عادت تنام





مرتبك .. واقف .. و ساكت .. انفض غبار الرصيف

بالعجل هزيت راسي ( يعني اخباري تمام )





و انسحبت بْلا تردد لني انسان ٍ ضعيف

و القوي لا شاف موته .. يوم يضعف ما يلام ..!

ميريت امون ..!

[اوتار الحزن]

توقف أيه القلم
فاليوم قرأت اجمل الحروف
رسمة بشكل فريد
امتزجت بمشاعر القلب المشتاق
لوحة اعتصرها الحنين
درة من بحر الحزن
نجمة من بين غيوم ألآهات
لقلمك ابداعه المتميز
تقبلي مروري المتواضع

[ميريت امون]

يسلملي مرورك العطر يااوتار الحزن ...

دمتي بود ...

تقبلي تحياتي ...

ميريت امون ..!