مصر ........egypt........التى لايعرفها العرب

[افروديت]

الـــســـــــــلام عليـكم يا جماعه
بجد فرحانه لان اول موضوع فى المنتدى بيتكلم عن ام الدنيا
انا جديده معاكو فى المنتدى وبعد تصفح المنتدى قررت ان اول اشتراك ليا يكون فى الموضوع ده
اللى بتتكلم عن ام الدنيا وقلب العالم وقلعه الدفاع عن الوطن العربى وسيده العرب
بجد مشكور كاتب الموضوع

[~..~ LaRa lOretA ~..~]

السلام عليكم ورحمة الله وبركاته

موضوعك كتير مشرف للمصريين لان احنا المصريين اللى بلدنا ام الدنيا
بغض النظر ان بعض الدول العربية بتغير مننا لاننا قلب الوطن العربي
واكيد مش هنتكلم عن تاريخنا هنسيب التاريخ هو اللى يحكى
ميرسي ليك وتحياتى

[dr.marmar]

مصر التي في خاطري وفي دمي
احبها من كل روحي ودمي
كلمات اجميله في حب الام الغاليه
تسلم ايدك

[حَرفُُ هجآءّ]

حط بتاع الجوافة
علمك وسط الجوافة
شفته وسألت نفسي
هو بتاع الجوافة
بيحب مصر ليه؟؟؟؟
طب ليه كان دمه فاير
علشان ماتش الجزاير
مع إنه بيبقى ماشي
!!!! وفي جيبه اتنين جنيه
عم بتاع الجوافة
مضايق النهاردة
أصله ماباعشي النهاردة
بس الماتش النهاردة
يبقى هيستني ليه
هيشوف الماتش فين؟؟
أصله ماعندوش ريسيفر
طب ليه هيجيب ريسيفر
والتليفزيون ماجاش
ممكن على قهوة يقعد
بس القعدة بفلوس
ومافيش قهوة ببلاش
عم بتاع الجوافة
وياه اتنين جنيه
و استلف اتنين جنيه
راح في القهوة ودفعهم
وقعد على نص كرسي
وبعلوْ صوته قال
ان شاء الله هنوصل
أملنا ماانتهاش
عم بتاع الجوافة
ماسكتشي لحظة واحدة
وفضل من قلبه يُصــْرُخ
وينادي مصر مصر
عاش منتخبنا عاااااااااش
واتحمس لما شافنا
كل الجماهير علينا
وبنلعب تحت ضغط
ونسيت أقوللكم
عم بتاع الجوافة
كان أصلا عنده ضغط
عم بتاع الجوافة
عديت تاني يوم عليه
في مكانه مالاقيتوش
قلـقـتني أوي الحكاية
وسألت عليه قالولي
ده محجوز في العناية
حودت عليه وشفته
كان راقد في السرير
و معاه قفص جوافته
ولاقيت قفص الجوافة
لسة العلم عليه
ماسألتش عامل ايه
أو حتى جراله ايه
كان عندي سؤال كبير
محتاج جواب عليه
لما انت بتاع جوافة
ومادام مش لاقي تاكل
بتحب مصر ليه؟؟


بتحب مصر ليييييييييييييييييييه؟؟؟





طلـّع قفص الجوافة
إدّاني جوافة منهم

قاللي اسأل الجوافة
هوّ انتي يا جوافة
جواكي بذر ليه؟؟

لو عايز يا ابني تعرف
بنحب مصر ليه
روح إسال القمر
بينور ليلنا ليه
إسال شمس الصباح
بتجيلنا الصبح ليه
روح إسأل الزهور
جواها عطر ليه
روح إسأل كل أم
بتحب وليدها ليه
حب البلد دي يا ابني
شئ مفطورين عليه
احنا بنعشقها عشق
ومادام القلب يعشق
يبقى ما تسألشي ليه
عم بتاع الجوافة
علمني حاجات كتير
علمني يا مصر انك
مش نيل وهرم وسد
علمني يا مصر إنك
ناس بتحبك بجد
علمني …إن علمك
هيعيش يامصر عالي
غصبا ْعن أي حد
مصر قلوب بالمحبة
زرعت في الأرض حبّة
طرحت روحنا اللي حابة
حتى الحزن اللي فيها
مصر في ضلمتنا شمعة


واحنا في ضلمتها شمعة


وبترسم فوق خدودنا


في كل لحظة دمعة


لكن علشان خاطرها


دمعتنا بنداريها
هيعيش يا مصر علمك
هيعيش برغم ألمك
رغم عذابنا وعذابك
هيعيش دايما مرفرف
علشان الدنيا تعرف
اننا عاشقين ترابك
حبك مش ماتش كورة
حبك جوانا صورة
مرسومة بلون دمانا
لو يوم هيحبسوكي
في قفص حزن سابوكي
هترفرفي في سمانا
ارفعي راسك لفوووووق
ارفعي راسك لفوووووق
أرواحنا بتـنـتميلك
دمّها دايب في نيلك
ولا شئ في الدنيا ممكن
يغير انتمائنا
وقت الجوع بـيكي نشبع
وقت العطش انتي مائنا
احنا ببساطة انتي
وانتي ببساطة احنا
وسوء عايشن في عشة
ولا عايشين في قصر
برضو هتفضل قلوبنا
دايما تحب مصر
ارفعي راسك لفوق
حتى في زمن الدموع
حتى في زمن السخافة
ارفع راسي لفوق





وكفاية إن فيكي
انسان بيموت عشانك
انسان عاشق كيانك
زي بتاع الجوافة

اسفه على الاطاله موضوعك فجر جوانا حب واحاسيس ومشاعر لمصر
اشكرك على موضوعك وعلى تفجير مشاعرنا

[A.7.S.A.S]

موضوع رائع وبدون اي مبالغة

يعطيك الف عاافية

[افدى بلدى بدمى]

تسلمى على التوبيك المهم

مصر عند العرب سياحة وبس

تحياتى سندريلا 2009

[جبل الخير]

اخي عبده رائعه كلماتك

ولا بد لكل مصري ان يفخر بمصريته

[جبل الخير]

واحب اشكرك علي الموضوع الجميل

وكل سنه وانت طيب

[عميده في كليه الغرام]

انظروا ........اما عمى الجهل عقولكم
انظروا ........اما الحقد اكل ضمائركم



كلام اكثر من رائع يسلموو خيو

[سمير علي]

لا أحد من العرب ومن المسلمين كافـــــــــــــــــــــــــــــــــــــــــــــــ ـــــــــــــــــــة

ينكر دور مصر المشرّف وفي كافة المجالات إلاّ مجال واحد فقط ؟

لا أحد ينكر دور مصر في الادب والعلم والمعرفة وقرّاء القران الذين مازالت أصواتهم النقية تصدح في بيوتنا

ومساجدنا وحتى في بعض مدارسنا

والكل يعترف بأن مصر هي أم الدنيا

لكنك بموضوعك هذا انتحلت صفة الانانية فألغيت كل البلاد العربية التي من ضمنها مكة والقدس !!!

لماذا لانستطيع ان نتحدث عن مكة بكلمتين ؟؟؟

او عن القدس ؟

او عن بغداد عاصمة الرشيد الذي نشر العلم وطبع الكتب وأسس المدارس

هذا التعصب يجب ان نتركه ... فالأسلام حارب التعصب لأنه من صفات الجاهلية

هل من أجل مباراة كرة قدم نلغي عروبتنا جميعا" ؟؟

والله صدقت من قالت بأن كرة القدم هي الصنم الجديد الذي يعبده الكثير من الناس ؟؟؟؟؟؟؟؟