انا مش مزة

[اسكندريلا]

أنا مش "مزة"
صرخة نسائية على المعاني الجنسية




تحمل مجتمعات الشباب كثير من المعاني ، صحيح أن بعضها يوصف بالرعونة والطيش إلا أنها بعضها يحمل معاني ماً يكون لها غاية أو هدف لإصلاح أوضاع خاطئة فى المجتمع ، ومن هنا جاءت فكرة صفحة "شباب الفيس بوك الجديدة" لمشاركة الشباب أفكارهم ، أحلامهم بحلوها ومرها من خلال التنقيب عن أفكار الشباب بموقع "الفيس بوك" الذي يمثل واقع مصغر للمجتمع بكل طبقاته الاجتماعية.

ومن المجموعات اللآفتة للنظر جروب "قل امرأة .. ولا تقل مزة" والتى تهدف إلى شطب الكلمات البذيئة التى تصف بها المرأة وتصنيفها كإنسان له شخصيته وكرامته تماماً مثل الرجل.
تقول مؤسسة الجروب التى تحمل اسم fantasia alam : كلمة مزة بقت سلاح يستخدم ضد المرأة في مصر ، خلاص الجنس الأنثوي كله بقى بيصنف على انه مزة، والكلمة بقت على كل لسان وكل الأعمار والمستويات والطبقات الاجتماعية بتستخدمها.
مزة كلمة مقززة، ليها معنى جنسي، وهدفها اختزال المرأة في جسمها والتحقير من شأنها وفرض مكانة دونية ليها في المجتمع ، مش ممكن نطالب بحقوق مرأة أو ان الست في مصر توصل لمناصب قيادية وهي مجرد مزة! مين هينتخب مزة عشان تمثله في البرلمان؟ مين هيروح لدكتورة مزة عشان تعالجه ؟ مين هيحترم استاذة مزة بتدرسله ؟ ازاي المجتمع هيعاملنا ياحترام وياخدنا بجدية واحنا واقفين نتفرج عليه وهو بيخترعلنا اسم جديد وبيفرضه علينا بكل وسيلة وفي كل مكان؟



لازم كل ست وكل بنت بتحترم آدميتها ترفض ان يتقال عليها مزة ، لازم نقف في وجه المجتمع الذكوري ونمنعه من اختزالنا في مجرد أجساد ، لازم كل واحدة تعلن أنها إنسان نوعها امرأة، مش مزة ، لازم كل واحدة تدافع عن كرامتها وتقول أنا مش مزة
دعوة لشطب هذه الكلمة البذيئة المحقرة من شأن المرأة من قاموسنا العامي المصري, وتصنيفها باعتبارها كلمة بذيئة
نحن نعترض على استخدام هذه الكلمة في الإعلام و الأغاني و الأفلام ، يجب أن تلقى المرأة المصرية الاحترام الذي تستحقه وألا تستسلم لعنف المجتمع وممارساته القمعية ومحاولة إذلالها وامتهانها وتشييئها

شاركونا لنعلنها صريحة : المرأة = إنسان نوعه أنثى
المرأة المصرية ليست مزة
بالبلدي.. أنا مش مزة



منقول

[جبل الخير]

وانا معاكي في رايك بس هو موضوع جرئ

[جبل الخير]

وكل سنه وانتي طيبه

[سوسوذات العيون السوداء]

يسلمو


كلنا معاكي

[عاشق الود]

ان شاء الله يستفيدو من موضوعك
ويعتبرو مخرجين الالقاب
يسلمو

[ARAGON]

موضوع جميل بس المشكلة في ايه ،،

الشباب دلوقتي ÷، ،، ÷÷ ÷ ،،،

فيه حاجات كتير بتتشتتهم ،،،

نفترض إن معاني الكلمات دي هي اللي بتشغل دماغهم في الوقت الحالي،،

ازاي اخترع كلام يخلي الناس تتجاوب معاه بسرعة ،،

الشباب دلوقتي مصطلحاته كترت،،،

يعني احنا والشلة اخدنا مصطلحات في الكلية ،، من المصارعة مثلاً،،

وبدأنا نرددها كطريقة سرية بيننا،،

حاجات كتير زي دي،،

بس المشكلة في تطور الألفاظ النابية بطريقة كبيرة أو بسرعة ،،،

أسرع من أي حاجة هي دي المشكلة،،

انا من رأيي إن لازم يكون فيه توجيه خاصة من البيت،،

لأن كل فرد له أخت وأم ،، وابنه،،

أكيد ها يخاف عليهم،،

[dr.marmar]

ياريت فعلا ياإسلام نقول ستوب
بس مش لكلمه مزه بس
لان مش دي الكلمه الوحيده البزيئه
للأسف فيه كلمات كتيره جدااااااا
إنتشرت بين شبابنا
ليس لها قيمه
وتدل علي قلي الوعي
وعلي تفاهه عقولنا
ياليتنا جميعا نبدأ في رفع شعار
لا للكلمات البذيئه
موضوع جميل
تسلم ايدك نوسي

[ehab 1]

انا ايهاب من القاهره حبيت اشارك برائى المشكله مش فى الكلمه خالص ده فى مصطلحات تانيه طلعت موزه دى بقت كلمه قديمه المشكله فى بعض الشباب مش كلهم طبعا وفى مجتمعنا برضو فى ناس كتير قوى مش متحضرين وعايشين على حياتهم الطبيعيه ومعندهمش وعى بالكلام ده اصلا هى مش حرب عشان نقف امام الشباب مش كل الشباب بيقولو موزه مثلا دى فئه معينه وفى مجتمعات معينه واغلبه اماكن شعبيه وعلى فكره انا من شبرا مش مدينه نصر بس هى بترجع للبيئه المحيطه واحد واقف فى موقف مكروباص هيقول ايه مثلا طب انا هاقولكم على حاجه افتكرته دلوقتى انا كانت خطبتى واحنا ماشين فى الشارع تقولى شوف الموزه دى واقفه ازاى وهى بنت بس زاى ما قولت بترجع للتربيه والبيئه اللى حواليك مش الشباب بس هما اللى بيقولو كده طب ايه رايكم انا كنت اعرف بنات تزعل قوى عشان محدش بيقول عليه موزه هى فى دماغه ان موزه يعنى حلوه ومرغوبه المفروض نخاطب المجتع مش الشباب بس ودى وجهة نظر

[** MiSs EgYpT **]

لفظ مزه

برأيي فيه اهانه لجنس المرأه بشكل عام

لانه يختصر الانثى فى هذا اللفظ ويتناسى عقلها وفكرها

ويتعامل معها من هذا المنطلق

وكأنه خلقت لذلك وطبعا هذا مرفوض لاى انثى حره

لديها من العقل والشخصيه

مايؤهلها لرفض ذلك

اعتقد ان هناك من تسعد حينما يلقبها احد هذا اللقب

ولكن لان مداركها لاتعى مابعد هذه الكلمه

المرأه ليست صوره جميله فى المجتمع

المرأه تكوين ادمى له كيان و فكر وثقافه وعقل

ولاتختصر فى لفظ


موضوع جميل نوسى

تسلمى

همس

[اسكندريلا]

اقتباسالمشاركة الأصلية كتبت بواسطة جبل الخيروانا معاكي في رايك بس هو موضوع جرئ

تسلم على المرور الكريم