ضروررررررررررررررررى الرد

[medomado]

شباب وبنات يا ترى


فى مجتمعاتنا العربيه


ايه الفرق بين حريه الولاد والبنات



وياترى البنات شايفه انها مظلومه وان الولاد واخدين حقهم



وهما مهضوم حقه




طيب ياترى لو شايفه ان فى ظلم واقع عليكى تحبى تعملى ايه



بحريه من غير ما حد يسالك دا ليه

[Eng lola hamdy]

انا شايفة ان احنا واخدين حقنا والاولاد واخدين اكتر من حقهم
يعنى البنت المفروض متتاخرش برة البيت وده الصح والمفروض متتكلمش مع اولاد وده بردو صح لكن الولد بيتاخر براحتوا وده طبعا غلط وبيعملا اللى هو عايزه
يعنى واخد حريته على الاخر
وعلى فكرة انا واخدة حريتى لكن فى حدود للحرية دى

موضوع جميل جدا
شكرا

[أمة الله]

كل ده والبنات مش اخده حقها اعتقد اننا اصبحنا الان متعاديلين

البنات زى الاولاد مافيش فرق البنت بتشتغل وبتخرج بحريه وبتدخل النت اصبحت المسائل عاديه

صحيح مش كل الاسر كده بس نسبه كبيره جدا من البنات اخدم حقهم وزياده كمان

شكرا على طرح الموضوع

[فـراشـεïз]

المشكله ان فيه ناس فاهمه الحريه غلط
هاهمه ان الحريه انها تتاخر بره البيت
انها تصاحب اللي هيا عيزاه
تعمل اللي هيا عيزاه
تقول رايها حتي لو كان جارح او غير محترم
وحجات من دي كتير

وفيه بنات يقولو ان الشباب واخدين حريتهم واحنه لا
انا اخالفهم لان الطبيعي ان البنت جوهره مكنونه غاليه جدا مش رخيصه
لازم يكون ليها حدود في كل حاجه وبرضه يكون ليها الحريه
وحريه البنت انها ليها الحق في التعليم واختيار المجال الي هيا عايزها
ليها الحق في ابداء رايها في كل حاجه ولاكن باحترام
ليها الحق في اختيار شريك حياتها ومحدش يغصب عليها

لاكن لما تقول انا عايزه حريه زي الولد
اقولها لا انتي كدا بترخصي نفسك جدا
يعني عايزه تخرجي وتسهري وتصاحبي والكلام ده
ولو جالها واحد يتقدملها ومايكونش لافف وداير تقول ده عبيط
سوري يعني علي كلامي بس بجد فيه بنات كدا كتير

لما انت شايفه الولد اخد فوق حقه وعايزاه يبقي زي البنت
وتكونو متساويين في كل حاجه
يبقي ماتجيش تشتكي لو جالك واحد مش عارف اي حاجه في اي حاجه
لان من طبيعه الولد انو يلف ويدور بحثا علي شغل والمفرود انو يكون لع علاقات
كويسه مع كل الناس لانه هيفيده في شغله وحياته
لاكن البنت غير كدا اه طبعا لازم يكون ليها حريه بس مش زي الولد
فيه فرق كبير بين حريه الولد والبنت


اسفه علي الاطاله
بس حبيت اقول وجهه نظري في بعض اراء البنات عن مفهومها الغلط في الحريه


شكرا جدا ليك علي الموضوع الجميل

[اية الله]

فعلا معاكى حق يا Barbie البنت ليها حرية لاكن الولد طبيعته غير البنت
البنت بتتعلم زى الولد بالظبط و البنت لها حقوق مثل الولد
و لكن البنت لا تستغل حريتها على حساب الناس و الولد ايضا
شكرا على هذا الموضوع الرائع

[ناصرعبده]

تحرير المرأة ليس شىء خارج عن الإسلام ،بل إن تحرير المرأة من أولويات الحقوق فى ديننا الحنيف ومن يرى غير ذلك فهو ضعيف البصر والبصيرة

إن الإسلام قد حرر المرأة منذ أكثر من أربعة عشر قرناً فقد حررها أولا ًمن عبودية غيرالله -وكفى بها حرية-

ثم حررها من سلطة الأب والأخ والزوج فى مالها الخاص أو فى الإرث
وهل يخفى على أحد أن الإسلام قد أعطاها غاية ما يتمناه أى إنسان ألا وهو (الحياة)؟؟؟!!!!
ألم يأتي الإسلام ليحرم وأد البنات ودفنهن أحياء خوفا من العار والسبة أبد الدهر
ألم يغير الإسلام هذا المفهوم الجاهلي إلى أن إكرامهن وحسن تربيتهن سبب فى دخول الجنة
ومما لا يدع مجالاً للشك أن الأمر بالتستر والعفاف هوقمة الحرية ،حتى أنها كانت الحرة تعرف عن الأمة بالحجاب

هذا هو المفهوم الصحيح الذى وضعه الشارع الحكيم ،أما ما يطلقون عليه هذه الأيام (حرية المراة )فهذا سوق واسع للنخاسة تعرض فيه المرأة بلا ثمن فقد توقعوا أن يجنوا منها ولو ثمناً بخساً.

[حَرفُُ هجآءّ]

طبعا اللى هيقراء كلمى ممكن يقول عليا متخلفه
انا مش مع تحرير المرأة والله دى حاجه جت وغزت الاسلام باسم الحريه كان ملها الست زمان ربه بيت وام وزوجه وبطيع ربنا على اكمل وجه
لكن دلوقتى تبص تلاقى لو البنت كويسه ومحترمه اوى لكن اكيد بخروجها من البيت بتفقد حاجه
والله بجد البنت والست ملهاش غير بتها اكيد برده مش تعد فى البيت كده ايه المشكله اثقف نفسى واطلع على الدنيا بعنيه من خلال وسائل كتير وبرده يكون ليا رأى جوه بيتى وبرده المفروض احترام رأيى
ربنا خلق الراجل راجل والست ست

[hema elngm]

اقتباس المشاركة الأصلية كتبت بواسطة لمسات مثيرة طبعا اللى هيقراء كلمى ممكن يقول عليا متخلفه انا مش مع تحرير المرأة والله دى حاجه جت وغزت الاسلام باسم الحريه كان ملها الست زمان ربه بيت وام وزوجه وبطيع ربنا على اكمل وجه لكن دلوقتى تبص تلاقى لو البنت كويسه ومحترمه اوى لكن اكيد بخروجها من البيت بتفقد حاجه والله بجد البنت والست ملهاش غير بتها اكيد برده مش تعد فى البيت كده ايه المشكله اثقف نفسى واطلع على الدنيا بعنيه من خلال وسائل كتير وبرده يكون ليا رأى جوه بيتى وبرده المفروض احترام رأيى ربنا خلق الراجل راجل والست ست

طيب ما انا عندى فكرة يا لمسات انتى بكلمك دة بتحجمى دور الست فى المجتمع


اوك ضرورى تحافظ على بيتها جداا ولازم تتفاعل جوا وبرة انا معاكى فى نقطة تانية برضة


ان الست ممكن تكون ضعيفة الشخصية عن الراجل .... عواطفها اكتر واكبر من الراجل


كل دة هياثر على تفاعلها بس فى نفس الوقت ممكن يكون عندها مواهب كتيرر


مش عند الراجل وممكن تستفيد وتفيد منهاا دا فى العلم والشغل وكدة


ولو قصدك موضوع المعاكسات وكدة اظن لازم نغير اسلوبنا فى النقاش ولازم هنغير حاجات

كتيرة فى حياتنا


يا رب اكون قدرت اضيف حاجة

[محمد الشريف]

الحمد لله البنات الآن تتاح لها كافة الفرص فى ممارسة حياتها مثلها مثل الشاب

فى التعليم وفى ممارسة أنشطة حياتها الاجتماعية والثقافية والرياضية ومختلف

مناحى الحياةالطبيعية ... ولكن طبيعة المجتمعات العربية تكون أشد حرصا على

البنات باعتبارهن لآلىء مكنونة واجبة الصون والحفاظ عليهن من غدر الغادرين

ولا أتصور مثلا إذا كان الشاب تتاح له مساحة من الحرية أكثر من البنت أنه

أفضل منها أو طليق الحرية فلربما تكون المقارنة ظالمة وفى غير محلها عندما

تتاح للبنت السهر خارج المنزل مع الأصدقاء فليس ذلك مما يقبله مجتمعتا وعاداتنا

العربية فقد يكون فى منظور البنت أنه تفرقة بين الجنسين لكن فى رأيى أنه فى

باطنه الرحمة والصون والعفاف للبنت .

مع تقديرى

[7w0r al gana]

البنت واخده الحرايه كافيه
لاكن مفعلش مينفعش اقارن بين الولد و البنت بعد ما شافو ما يسمونه العولمه
احنا بنتكلم كا مسلمين
البنت واخده حريتها اوى عايزه تشتغل بتشتغل
عايزه تتاخر بتتاخر
لو لغايت 11 بليل من غير محرم فى الشارع مش عاجب البنات
انا كده ضد اى بنت بطالب بالى حق زياده
لان ان الولد لما يتاخر لغايت 2 بليل محدش هيخطفه و محدش هيعملو حاجه
لو اى بنت عايزه تنزل و تفضل فى الشارع لغايت 2 بليل
انزلى يا بنت الناس بس لو حصل حاجه خدى حقك بدراعك
عشان الولاد اللى بتقعد لغايت 2 بليل فى الشوارع بيخدوا حقهم بدراعهم
ماهو برده لازم الولاد يطلبو بالمساوه