حــــــــــــــــــلوه يا بلـــــــــــدي

[حَرفُُ هجآءّ]

حــــــــــــــــــلوه يا بلـــــــــــدي



بنشوف كتير مواضيع بنضحك عليها واحنا مش فاهمين ان احنا المفروض نعيط عليها

تلاقى واحد جايب قصيدة بيشتم مصر والمصرين
وتلاقى واحد تانى جايبلك شويه صور عشان تضحك عليها برضه على مصر والمصريين

تشويه صورة مصر وشعبها والمستفذ فى الموضوع ان احنا
بنلاقى شباب مصر بيعرضوا الصور بايديهم وبيضحكوا عليها
بيضحك على اخوة وابوة واخته وامه ...عجبى

خلونا نتفق على اتفاق

احنا ضد الفساد والمفسدين

بس مصر فى قلوبنا اكيد عارفين

غلوتها فى قلبى واكيد فى قلوب كل الموجودين

المصري هو اللي لو عمل حاجة حلوة يبعت لجاره طبق يدوقه ..

وهو اللي لو لقى الدنيا بتشتي يجري يخبط عليك يقولك لم الغسيل ..

وهو اللي لو شم عندك حاجة بتتحرق يجري يطمن عليك لا تكون اتخنقت ..

وهو اللي لو سمع صوت زعيق وخناق عندك يجي يصلح ..

وهو اللي لو لقى خناقة في الشارع يقف يحوش مش بس يتفرج ..

وهو اللي لو لقى حد بيغرق يجري ينط في الميه حتى لو هيغرق معاه ..

وهو اللي لو اتفرط منك كيس الجوافة في الشارع يقف يلم معاك ..


المصري هو اللي لو حس انك مزنوق يعملك جمعية مخصوص و يقبضك الأول ..

و هو اللي يقف معاك في الأحزان و الأفراح زي مايكون من بقية اهلك ..

و هو اللي لو لقاك في مواصلة و كان عارفك يحلف ميت يمين ليدفعلك الأجرة

حتى لو مافيش في جيبه غير نص جنيه ..


المصري هو اللي يقعد معاك ع الفطار في رمضان ..

المصري اللي يباركلك لما ابنك يجيب مجموع ويساعدك يجيبله شغلانة ..

طيبة المصري مش ممكن تلاقي زيها فى اي بلد تانية ..

اتحدى اى بلد فى العالم تكون كلها حلوة

ما هو فى كل مكان فى الحلو والوحش

طيب ما تيجوا نشوف حلو بلدنا وانتو تحكموا

ما تيجو نبص ليها بعيون حلوه
يا جماعه مصر بلدنا واللي
قال انها امي وامك
مكذبش
لاننا لو هنلجألها وقت الشده
مش هتخذلنا
تعالو نحط ايدنا في ايد بعض
ونبقي أصدقاء
نبقي اصحاب
نبقي اخوات
نبقي اكتر من كده
ده احنا مصريين يا جماعه
علي فكره
لا يقدر المرء قيمه الشيء الا اذا فقده
او زي ما بيقولو
يعني هتبعد عن مصر
هتعرف ازاي هيا غاليه
واوي كمان

الاول انا كنت زي بعض الناس كده
يفضلو يقولو في السلبيات
بس لقيت نفسي غلط
ليه نقول عنها كده
ولما احنا نقول كده
امال سيبنا ايه للتانيين
لا يا جماعه
تعالو نرجع بالزكريات لورا
نفتكر اسعد لحظتنا
مع جيرانا
اصدقائنا
واخواتنا

نشوف قد ايه احنا مش هنلاقي ده في اي بلد تاين
وعاوزين تعرفو
اساللو مجربين
ولو فضلت احكي واعيد
واقول وازيد
مش هقدر اقول قد ايه مصر غاليه عندي وعندك

انا حبيت بس اقعد شويه واتكلم عنها
وبجد لقيت اني مش هوفي
وسلامي ليكم

[حبرالقمر]

مرسي ليكي وانا بالتاكيد معاكي فكل كلمه التيها لايشعر بقيمة الشئ الا من فقده حقيقي مصر غاليه اوي وفيها حجات حلوه اوي ومحدش يعرف كده غير اللي بعد عنها عارفه بيقولوا ليه بتحبي مصر بقلهم وانتوا ليه بتحبوا امهاتكم مش شرط تكون افضل ام في العالم ومش شرط تكون ملكة جمال كفايه انها امك عشان تحبها وتبقى وفي ليها ومع ذلك مصر م ش بس امنا لا كمان افضل بلد واجمل بلد وحلوه يابلدي ياريت كل واحد ابل مايقول اي عيب فمصر يحاول هوه يغيره بايده لان ديه بلدك ولازم تنميها وتخليها افضل بلد في الدنيا مرسي ليكي تقبلي مروري اختك حبرالقمر

[حَرفُُ هجآءّ]

اقتباس المشاركة الأصلية كتبت بواسطة حبرالقمر مرسي ليكي وانا بالتاكيد معاكي فكل كلمه التيها لايشعر بقيمة الشئ الا من فقده حقيقي مصر غاليه اوي وفيها حجات حلوه اوي ومحدش يعرف كده غير اللي بعد عنها عارفه بيقولوا ليه بتحبي مصر بقلهم وانتوا ليه بتحبوا امهاتكم مش شرط تكون افضل ام في العالم ومش شرط تكون ملكة جمال كفايه انها امك عشان تحبها وتبقى وفي ليها ومع ذلك مصر م ش بس امنا لا كمان افضل بلد واجمل بلد وحلوه يابلدي ياريت كل واحد ابل مايقول اي عيب فمصر يحاول هوه يغيره بايده لان ديه بلدك ولازم تنميها وتخليها افضل بلد في الدنيا مرسي ليكي تقبلي مروري اختك حبرالقمر

حبر القمر نورتى بكلمك ومرورك

[عسوولهـ εïз]

معـآك حق في كلامك لمسـآت
كلمـآت جميلة جدآ .. فيها تذكير لينـآ
ولكل إلى نسيوآ آهل بلدهم ~

بقيمة مصر وبقيمة آهل مصر

في بلآد كتير عندهـآ فلوس وعندهـآ بترول
بس آحنـآ عندنـآ ترابط الشعب ودآ مش عند آي حد

.
.

اقتباس يعني هتبعد عن مصر هتعرف ازاي هيا غاليه واوي كمان

يـآريت كل النـآس كدآ
في نـآس بتبعد بتنسى آنهم كـآنوآ مصريين
,وآنهم في الآصل متربيين من خيرهـآآ ,,


مرسي آوي ليكي يا لمسـآت .. موضوع جميل زيك
تسلم ايديكي يا عسل ~

[أميرالغرام]

مصر لاحرمنا الله من مصر وشعب مصر وحفظها الله من كل سوء
واحنا العرب من غير مصر ولاشي ووالله مش مجملة
انا عن نفسي بموت بمصر
يااغلى اسم في الوجود يامصر
نعيش لمصر ونموت لمصر
تحيا مصر

[ناصرعبده]

---
اسمحوا لى ان اكتب هذا الموضوع بالوان العلم المصرى الاحمر والاسود علم بلادى المرسوم فى قلوبنا جميعا وسيظل على رؤوسنا لاخر الزمان

مصر التى ذكرت فى القرآن وقال عنهاعز وجل :ادخلوا مصر ان شاء الله امنين
مصر التى ذكرت فى سور عديدة من القرآن الكريم فى سورة البقرة (61) وسورة يوسف (21و55و99) وسورةالقصص (6و 20 ) وسورة الزخرف (51)

مصر التى قال عنها سيد المرسلين وخاتم النبيين محمد :اذا فتح الله عليكم مصر فاتخذوا بها جندا كثيفا فذلك الجند خير اجناد الارض قال له سيدنا ابو بكر لم يارسول الله ؟ قال لانهم وازواجهم فى رباط الى يوم القيامة صدقت ياحبيبى محمد

من مصر تزوج ابراهيم الخليل السيدة هاجر ام اسماعيل وتزوج سيدنا يوسف من زليخا ومنها اهدى المقوقس الرسول ماريه القبطية فتزوجها وانجب منها ابراهيم

مصر التى عاش على ارضها الانبياء ابراهيم واسماعيل وادريس ويعقوب ويوسف وولد بها موسى وهارون وكان بها اسية امرأة فرعون وام اسحاق والسيدة مريم ابنة عمران

مصر التى قال عنها الحبيب ايضا :ستفتحون ارضا يذكر فيها القيراط فاستوصوا بأهلها خيرا فان لهم ذمة ورحما عليك الصلاة وازكى السلام

مصر التى قال عنها الشاعر حافظ ابراهيم فى قصيدته (مصر تتحدث عن نفسها )

انا تاج العلا فى مفرق الشرق ودراته فرائد عقدى
ان مجدى فى الاوليات عريق من له مثل اولياتى ومجدى
انا ان قدر الاله مماتى لا ترى الشرق يرفع الراس بعدى

مصر التى قال عنها الشاعر فاروق جويدة :

حملناك يامصر بين الحنايا والضلوع وفوق الجبين
عشقناك صدرا رعانا بدفءوان طال فينا زمان الحنين
فيا مصر صبرا على مارأيت
جفاء الرفاق لشعب امين
سيبقى نشيدك رغم الجراح يضئ الطريق على الحائرين
سيبقى عبيرك بيت الغريب وسيف الضعيف وحلم الحزين
سيبقى شبابك رغم الليالى ضياء يشع على العالمين

والأقوال كثيرة كثيرة فى حب مصر
مصر يا امة ياسفينة مهما كان البحر عاتى
فلاحينك ملاحينك يزعقوا للريح تواتى

ده انتى بلاد طيبة وقريبة وحبيبة
ده انتى امل وحياة
وقت الخطر امى وبتحملى همى
حضنك دفا وامان
مصر ياأرض محفوظ وزويل ويعقوب مصر يابلد الازهر والحسين مصر يابلد المآذن والمساجد مصر ياأم الرجال يابلد الرجال
ترابك زعفران نيلك يروى الظمآن حضارتك قبل الدنيا ماتقوم اسمك مصر اسمك ارض الكنانة
مهما قلت يابلدى لن اوفيك حقك واعلو يامصر واعلو فالشجر المثمر فقط هو مايقذف بالحجارة
واشكرك لمسات علي الطرح الجميل في حب مصر

[حَرفُُ هجآءّ]

عسوله

امير الغرام

ناصر

اشكرك على كلمكم الرائع

[فرولة]

والله فعلا فكرتينا بحاجات كنا قربنا ننساها
وفعلا بنحبك يا مصر
شكرا على موضوعك

[حَرفُُ هجآءّ]

اقتباس المشاركة الأصلية كتبت بواسطة فرولة والله فعلا فكرتينا بحاجات كنا قربنا ننساها وفعلا بنحبك يا مصر شكرا على موضوعك

ميرسى يافروالتى