ياجماعة انا لسة جديد فى المنتدى بس جايبلوكم نكت جميلة جدا خش وشوف بنفسك

[عميد كلية الحب]

حسنين بيقول لصاحبه : والله ماعرفتش طعم النوم في القطر امبارح
صاحبه : ليه ؟
حسنين : عشان كنت نايم في السرير الفوقاني
صاحبه: وماعرفتش تبدل
حسنين : لأ، ماكانش فيه حد في السرير التحتاني عشان ابدل معاه

***************************

تحطمت طائرة صغيرة تتسع لراكبين فقط فوق احد المقابر بالصعيد
اخوانا الصعايدة انتشلوا 500 جثة وما زال الحفر مستمراً

******************************
ياعوضين بنتك ماتت
قام الصعيدى وبسرعة رمى نفسه من الطابق العاشر
لما وصل الطابق الثامن تذكر انه ما عندوش بنت
لما وصل السادس تذكر انه مش متجوز
لما وصل للرابع تذكر انه مش عوضين ولكنه حسنين
لما وقع عالارض ماحصلش حاجة

****************************

صعيدي بالغلط دخل متحف للفن الحديث
توقف عند احد اللوحات وسأل أحد المنظمين جنبه
ايه الشكل المرعب ده، هو ده الفن اللي بتسموه حديث؟
رد المنظم : دى مراية يا أستاذ

****************************************

لية الصعيدي الصغير أذكي من الصعيدي الكبير .؟؟؟؟؟ لأنة مابقالوش كتير صعيدي.
__________________________

كيف تعرف البواب الصعيدي ....؟؟؟؟؟ يقوم بتنظيف المصعد في كل دور
__________________________

صعيدي سألوة أية رأيك في الزواج المبكر...؟؟؟؟ قال لهم في أي ساعة
__________________________

أية هو المكتوب علي قاع زجاجة المياه الغازيه في الصعيد...؟؟؟؟ مكتوب : الفتح
من الناحية الأخري.
__________________________

صعيدي لغي موعده مع الدكتور لأنة مريض
__________________________

مره واحد بلديتنا طوبه جت في صدره بص وراه
__________________________
واحد بلدياتنا عمل 2 إيميل، واحد دوت كوم للشتاء وواحد نص كوم للصيف
_______________________
مره واحد بلديتنا كان بيدق مسمار فى الحائط فالمسمار وقع منه فقال له :تعالى
فلم يجي, فقال له: تعالي فلم يجى. فراح بلديتنا رامي على المسمار شوية مسمامير
وقال: هاتوه.
_____________________
اربعه بلدياتنا بيلعبو علي الطريق السريع الي العربيه تخبطه مرتين يطلع بره
________________________
عشرين واحد من بلدياتنا غرقوا في غواصه ليه؟؟ سمكه خبطت عليهم!!
_______________________
واحد بلدياتنا عازم صحابه على السطح ليه؟ أصدقاء سطحيين
___________________
واحد بلدياتنا رجع من امريكا قاعد بيحكي لأبوه وأمه الحاجات الغريبة اللى
شافها .
- دانا شفت هناك واحد وقع من فوق عمارة طويييلة.. قعد ثلاث ايام لحد ما وصل
الأرض.
أمه سألته: طيب مات ؟؟
ابوه رد عليها: ثلاث أيام لا يأكل ولا يشرب .. أكيد يموت
_______________________
واحد بلدياتنا عنده ارق ومش عارف ينام....قال له صاحبه عندي لك طريقة للنوم
مؤكدة...عد من واحد الى خمس ميه... بلدياتنا مكدبش خبر... وأول ما الدنيا ليلت
راح للسرير وبدا يعد .. واحد .. اثنين .. ولما وصـل الى ميه وتسعة وتسعين ...
جـاه النوم … قـام غـسـل وشه ورجــع للـسـريـر يـكـمـل الـعـد
____________________
بلدياتنا تاجروا في الموز خسروا علشان
بيرمو الموز المعوج
______________________
واحد بلدياتنا في مسابقة من سيربح المليون اتصل بصديق وقال له الو محمدين
معانا 30 ثانية رايك احذف اجابتين ولا استخدم الجمهور!
________________________
بلدياتنا مبيعرفشى يعوم وقع فى البحر مات محروق
____________________
واحد بلدياتنا وقع في خلاط الأسمنت طلع منه قال يخرب بيت الملاهي.
______________________
مرة طفل بلدياتنا راح للبقال فقال لة عمو عندك الشوكلاتة ام ربع جنية قال لة
البقال نعم عندى فقال الطفل طيب بكام
_____________________
واحد بلدياتنا رجع من السفر لقى الشقة مليانه صراصير.. غير قفل الباب
_____________________
واحد بلدياتنا اشتري كمبيوتر... شال الماوس وحط جاموسة
___________________
بلدياتنا أول مرة يشوف واحد فلبيني قال يا بخته ده شبعان نوم
______________________
واحد بلدياتنا راح يتمشى جابوه من على الحدود
______________________
مرة واحد بلدياتنا عرف ان الجلد موضة مشى عريان
___________________
جماعة بلدياتنا عملوا أتوبيس بالعرض عشان يركبون كلهم قدام
____________
اتنين بلدياتنا عاوزين يشربو سجاير ومش معاهم قالو ندخل ميتم بيوزعو سجاير
هناك ، دخلو قعدو جمب واحد فى الصوان بيدخن قال الاول : انفاس معدودة وقال
التانى : كلنا لها رد الراجل : محدش واخد منها حاجة
___________________
مره واحد بلدياتنا ركب دماغه عمل حادثه
_______________
مرة واحد بلدياتنا نزل في محطة الرمل رجلة غرزت
________________
واحد بلديتنا اتعزم على حفلة تنكرية بعت اخوه
___________________
واحد بلدياتنا دخل جنينة الحيوانات ودخل راسه في قفص الاسد، الحارس جري عليه
قاله انت بتعمل ايه، قاله ايه يابا يعني هناكله.
___________________
واحد بلديتنا كبر دماغه معرفش يخرجها من التيشرت
_______________________________________________


صعيدي بيقول لصاحبه الساعه كام معاك ؟؟

فقاله الساعه اتنين وعشرة

فقاله طب ما تقول 12 لازم تعمل ناصح ؟؟؟

ـــــــــ

بيقلك مرة واحد صعيدي امتحن لوحده طلع التاني

ـــــــــ

صعيدي سافر البحرين أخذ معاه مايوهين

ـــــــــ

واحد صعيدي نزل يستحما في الترعه البلهارسيا طلعت تحلل

ـــــــــ

كلب بوليسي عض واحد صعيدي ... نقلو الكلب ع المستشفى

ـــــــــ

واحد صعيدي دخلت في بؤه دبانه وهو بيشرب الشاي ... الدبانه خرجت تتف

ـــــــــ

اتنين صعايدة بيلعبو شطرنج ... الاتنين خسروا

ـــــــــ

بيقلك مرة واحد صعيدي كان (( بيشخ )) ادام القطر

فالقطر بيقوله تووووت تووووت

قاله استنى أما أعمل ألووووط

ـــــــــ

صعيدي قلع (( العمة )) فقد الذاكرة

ـــــــــ

مرة 8 صعايدة ماشيين ورا بعض وقعوا في بلاعه

ـــــــــ

واحد صعيدي بيقول لصاحبه لو قلتلي ايه اللي جوة القفص ده هديلك منه مانجيتين ؟

قاله : جوافه ؟؟؟؟

ـــــــــ

واحد صعيدي راكب القطر وملطع ايده برة الشباك

فجه قطر تاني وشال ايده

قال يابوي الساعه راحت

ـــــــــ

واحد متقدم يطلب ايد بنت واحد صعيدي

فالصعيدي بيسأله انت بتشتغل ايه يابني ؟

فقاله دكتور أطفال يا عمي

فقاله مكملتش ليه يابني ؟؟؟

ـــــــــ

مرة 8 صعايدة بيهظروا مع بعض مات 4 فواحد من الباقيين بيقلهم كفاية كده بئى أحسن تقلب بغم

ـــــــــ

مرة البوليس كبس على 7 صعايدة بيشموا أسمنت أبيض

ـــــــــ

واحد صعيدي لقى خاتم سليمان ... جه يفركه ... فعص العفريت

ـــــــــ

واحد صعيدي رجع من السفر ... فأول ما دخل البيت سمع أصوات جاية من أودة النوم وسمع صوت صريخ مراته اللي لابسه قميص النوم بتاعها وبتقول قلبي قلبي ... إحقني يا عوضين جاتلي أزمة قلبية إطلبلي الإسعاف ... قالها ولا إسعاف ولا حاجة هجيبلك الدوا بتاع أمي اللي في الدولاب اللي بيشفي كل الأمراض ... راح فتح الدولاب لقى ابن عمه جوه الدولاب ... فشده من قفاه وقاله يا خاين يا جبان يا خسيس ... كده تسيب مراتي عندها أزمة قلبية وتقعد تلعب استغماية ؟؟؟

ـــــــــ

واحدة ست شايلة ابنها الصغير وراكبة أتوبيس ... فجه المحصل بيقولها تذاكر ... وأثناء ماهي بتطلع الفلوس بص لابنها الصغير وقالها يااااه ايه الواد المعفن ده ؟؟؟ الواد ده شكله وحش أوي هو عامل كده ليه ؟؟

فالست قعدة زعلانة وتعيط بحرقة ... وركب واحد الاتوبيس وقعد جمبها وقالها بتعيطي ليه يا مادام ؟؟؟ فقالتله الكمسري قل أدبه عليا

فقالها ازاي تسكتي عليه ؟؟ قومي هزأيه وبهدليه ولو فتح بؤه بأي كلمه هنخرشمه

فقالتله عندك حق انا لازم أروح أمسح بكرامته الأرض

فقالها عداكي العيب ... بس سيبي النسناس بتاعك ده هنا عشان تعرفي تتخانقي براحتك

ـــــــــ

اتنين صعايدة راحو يصيفوا في اسكندرية ... فاتراهنوا وهما في المية اللي هيطلع دماغه من المية الأول يدفع للتاني جنيه

الاتنين مطلعوووش

ــــــــــ

واحد صعيدي مسافر بلاد بره وبيتصل بأهله بالتليفون فرد عليه الواد الصغير وقاله مين ؟؟؟

قاله ازيك يا حبيبي أنا بابا وحشتني أوي ... فقاله وانت كمان يا بابا وحشتني أوي

قاله امال فين ماما ؟؟؟ فقاله ماما في أودة النوم مع أونكل صادق

فقاله ايه ؟؟؟ نايمه في أودة النوم مع أونكل صادق ؟؟؟ وانت ساكت لهم ؟؟؟

فرد الواد يعني اعمل ايه يعني ؟؟؟ ما هو كل ما ييجي هنا بينام معاها في أودة النوم

فقاله يا واد ده شرفك وشرف أبوك لازم تصونه ... انت لازم تقتله فورا

فقاله انا فعلا من زمان نفسي اعمل كده لانه دايما بيهزأني وبيضربني وعامل فيها أبويا

فالواد اختفى دقيقتين ورجه لابوه على التليفون وهو بينهج فقاله خلاص يا بابا خلصت عليه

فقاله راجل وابن راجل طول عمرك يا واد ... وأمك عملت ايه ؟؟؟

قالتلي يا نهار أسود ... أنت قتلت خالك صادق ليه يا ابراهيم ؟؟؟

فالصعيدي قال ابراهيم ؟؟؟ وخالك صادق ؟؟؟؟

هو التليفون ده مش نمرته 8053274 برضه ؟؟؟:



ياجماعة الصعايدة فى خطر وشكرا كان معكم عميد كلية الحب

محمد حافظ وشكرا

[me moo]

ههههههههههههههههههههههههههه مشكورة يا قمر

[dodo cat]

ههههههههههه
تسلم ايدك

[عميد كلية الحب]

شكرا ياجماعة على الردود الحلوة دية

[عايشها كده!]

هههههههه
يسلمووووووووووووووووووووا
على النمت الروعه دى با جميل

[●•Young Eyes•●]

بس مش لازم تكتب انا جديد فى المنتدى فى العنوان اكتبوا جوه الموضوع عموما ثانكيووووز