طيب فؤاد المهندس نجم الكوميديا آول فيلم شوفتة لة ؟

امممم اكيد صعب احدد اول فيلم بالظبط ايه لاني حضرت افلام كتير جداا له ودا كان من فترة كبيرة
انا اتفرجت علي افلام كتيرة جداا للاستاذ
وفي اي وقت اشوف فيلم له شغال لازم اكمله واحضره



بما آنو مسرحياتة كتير آنا لسه شايفه ع موجا كوميدي مسرحية قديمة اوي بس جميلة
ف آول مسرحية شوفتها لة إية ؟

برضوة صعب اني احدد اول مسرحية لاني مش فاكر اكيد
لكن ممكن اقول اجمد مسرحية عملها
واللي تتحط ضمن اجمد المسرحيات الكوميدية علي الاطلاق وهيا " سك علي بناتك "



فيلم لسه عالق في ذآكرة ساد لفؤآد المهندس ؟

بدون تردد " ارض النفاق "
الفيلم دا علي قد ما هو كوميدي جدا جدا وبيضحك لاخر حاجة
الا انه بيوصف الحالة الحقيقية للناس في زمن ماتت فيه الاخلاق !
فيلم حقيقي جبااااااااااااااااار
[youtube]www.youtube.com/watch?v=UBqXoyK8BB0[/youtube]



هاتلي تلات شخصيات قام بآدئها فؤآد المهندس ؟

امممم انا فاكر شخصيات كتير له
نقول مثلا مسعوود ابو السعد من ارض النفاق
و شنبووو ومستر اكس
و عبدالحفيظ في العتبه جزاز
و كله ماشي في خمسة باب


آخر فيلم شوفتة لنجمك وكان آمتى وعلى آي قناة ؟

كان ارض النفاق
ومش فاكر انهي قناه انا مش بقعد كتير قدام التلفزيون
كنت بقلب بالصدفة فلقيته فاكيد اتفرجت عليه


فيلم لفؤاد المهندس ك قصة حسيت آنها تشبة او فيها من قصة حياتك؟

امممم قصة من حياتي صعب
لكن افلام فؤاد المهندس لها طابع كوميدي دايما
بينما حياتي تيراتيجيا ودراما مؤسفه هههههه :18:
فمظنش تشبه حاجة من حياتي



فيلم طبعآ لنجمك بس تمنيت آنت تكون البطل بدل فؤاد المهندس؟

امممممم ممكن ارض النفاق تجربه غريبه جدااا
فكرة الفيلم رائعه جداا
والاخلاق فعلا للبيع بس مين يشتري
يمكن تمنيت اكون بطل ف فيلم لاحمد الفيشاوي
واللي هو كان فيه بيقرا افكار الناس

هات ع ذوقك مقطع فيلم بس ب الأسود والأبيض ؟

اكيد بالابيض والاسود لان فؤاد المهندس
اغلب افلام بطولته كانت ابيض واسود
خدي فيلم كامل اهو كمان
العتبه جزاز
[youtube]www.youtube.com/watch?v=XaASMrCCSJk[/youtube]


وادي بعض اللقطات من افلام تانية


محمووووود حبيبي ههههه
[youtube]www.youtube.com/watch?v=Y98BLgNuj3A[/youtube]

دي اغنية قبلي يا غاوي سبع قارات
[youtube]www.youtube.com/watch?v=Ch1ML8RZlnM[/youtube]

ودي اغنية الراجل دا هيجنني هجنني مع صباح
[youtube]www.youtube.com/watch?v=nAwf623KvJA[/youtube]

انا مش قصير ازعه انا طويل واهبل هههههههه
[youtube]www.youtube.com/watch?v=kf5weqlTKHw[/youtube]



ودي جامدة جدااا حكاية الشنكل :24:
[youtube]www.youtube.com/watch?v=ljo4f059srI[/youtube]


بحب مسرحيتة سك ع بناتك ههههه بجد كوميدية شوفتها مرتين نفس الضحك وكاني آول مره اشوفها
هات بقا من المسرحية دي مقطع بس ع ذوقك ؟

مسرحية جامدة جدااا مفيش كلام ودي من اجمل المسرحيات الكوميدية اللي اتعملت واحلي مسرحياته
امممم مقطع واحد طيب نجرب حته علي يدي
[youtube]www.youtube.com/watch?v=67otUz6WwtY[/youtube]



برئيك من الي يمثل الثنائي لنجمنا النهاردة
شويكار ؛ مريم فخر الدين ،

اكيد طبعا ومن غير كلام شويكار دول اشهر واهم ثنائي في السينما المصرية
وقدموا مع بعض افلام ومسرحيات كتير جدااا
ومش بس كانو ثنائي قصاد الشاشه كانو خلفها برضوة ثنائي واتجوزوا
يمكن اجمل ما في افلامهم المونلوجات اللي بيقدموها مع بعض


طماعيين عشان هوله مسرحيات كتير جميلة هلتنا ع ذوقك مسرحية
لنجمنا ونجمك فؤآد المهندس ؟

بما ان الكل في باله سك علي بناتك ومش محتاج اجيبها
خدو مسرحية جامدة برضوة " علشان خاطر عيونك " مع شريهان
[youtube]www.youtube.com/watch?v=x1ghc18D6jk[/youtube]


بنهاية عاوزه نبذة مختصرة جدآآآآ عن حياتة يعني اول فليم قام ببطولته
اول مسرحية ،،آمتى كانت ولدتة ،،وفاتة كام عددد آولاده بس كدا ؟

مختصره جداا صعب هنخليها مختصرة بس من غير جدا ههههه :04:
فؤاد زكي المهندس او " الاستاذ " او " المهندس " احد كبار الفنانين في مصر
ولد في 6 سبتمبر 1924
هو ممثل مسرحى وسينمائي كوميدي مثل في المسرح والسينما والتليفزيون والمذياع
بدايته الفنية كانت عن طريق الراديو عبر فرقه ساعه بقلبك مع عبدالمنعم مدبولي و خيريه احمد
واللي قدم من خلالها وياهم مجموعه مواقف كوميدية رهيبه ( عندي علي الكمبيوتر )
بعدها مثل في المسرح واللي هو شخصيا رغم تمثيله لعدد كبير من الافلام الا انه كان بيشوف المسرح بيته
ومثل في فتره الخمسينات والستنينات العديد من المسرحيات الناجحة
"السكرتير الفني" و"سيدتي الجميلة" و"أنا وهو وهي" و"حواء الساعة 12"،
.
انتقل للسينما ومثل دور بطولة في فيلم اسمه " بنت الجيران "
الا انه بعدها بعد عن الادوار الاولي ومثل ادوار ثانوية مساعدة لفتره كبيرة
افلام كتير زي : بين الاطلال و ونهر الحب وحب في حب والشموع السوداء
والعريس يصل غدا والارض الطبية واميرة العرب
وف غيره كتير لحد عائلة زيزي واللي من بعده رجع لدور البطولة مرة تانية
في فتره تعتبر الاهم في تاريخه
مثل فيها مطاردة غرامية وشنبو في المصيدة وارض النفاق واخطر رجل في العالم

قدم برنامج اذاعي اسمه كلمتين وبس وكانت بينقد فيه احوال البلد واستمر سنين طويلة
وقدم عدة مسلسلات مثل ارض النفاق وعيون والعصافير
ثم قدم عملا قربه اكثر من حبه " الاطفال " من خلال فوازير عمو فؤاد واللي استمر في تقديمه سنين طويلة
عدي في السينما في فتره الثمانينيات والتسعينات في ادوار مساعدة للنجم عادل امام اللي بيعتبره ابنه الاكبر
ف افلام زي
"خلي بالك من جيرانك" و"خمسة باب"، و"زوج تحت الطلب".
ورجع قدم مسرحيات أخرى مهما جداا في تاريخة "إنها حقا عائلة محترمة" و"سك على بناتك" أمام شريهان
وتوفي الفنان الكبير "فؤاد المهندس" يوم 16 سبتمبر من عام 2006م عن عمر يناهز 82 عاما،
وذلك بعد معاناة طويلة مع أمراض الشيخوخة وتعرضه لحالة من الاكتئاب الشديد
عقب تعرض منزله الذي كان يقيم لحريق أتى على محتويات غرفته الخاصة
وزادت حدة الاكتئاب بعد رحيل صديق عمره الفنان "عبد المنعم مدبولي"
فتوفي بعد رحيل مدبولي بشهر واحد فقط :(







بنهاية نشكر نآئبنا ساد على قبول الدعوة في نهارك سعيد

انا اللي بشكرك علي الاستضافه الجميلة دي
ومعلش اجتهدت علي قد ما اقدر اساسا اليوتيوب مقفول عندي :04:
ميرسي جداا ليكي ونهارك سعيد بقي :)