نهارك سعيد :: مع Ѕad Єyes

[countess]

نبدآ بالأسئلة << بدياتك مع نجمك ونجمنا الي كلنا بنحبه فؤاد المهندس آمتى او انت كان عندك كام سنة لما بديت تهتم بفنة ؟ اممم اظن وانا عندي 10 سنين مثلا كنت مقضي اغلب وقت الفتره دي قصاد التلفزيون وبتفرج دايما علي الافلام والافلام الابيض واسود كانت وقتها هو اللي بيتعرض اكتر ونوعيه الافلام اللي بيقدمها هو واسماعيل يس كانت مسيطرة جدااا وكان طبيعي ان الواحد يهتم بيه ويعشق افلامه الكوميدية دي ع فكره نجمك غير آفلامة الكوميدية لة مسرحيات جميلة وكتير ف لزم بقا تجيبلنا مقاطع ماشي ،،،، ههههه ماشي طيب فؤاد المهندس نجم الكوميديا آول فيلم شوفتة لة ؟ امممم اكيد صعب احدد اول فيلم بالظبط ايه لاني حضرت افلام كتير جداا له ودا كان من فترة كبيرة انا اتفرجت علي افلام كتيرة جداا للاستاذ وفي اي وقت اشوف فيلم له شغال لازم اكمله واحضره بما آنو مسرحياتة كتير آنا لسه شايفه ع موجا كوميدي مسرحية قديمة اوي بس جميلة ف آول مسرحية شوفتها لة إية ؟ برضوة صعب اني احدد اول مسرحية لاني مش فاكر اكيد لكن ممكن اقول اجمد مسرحية عملها واللي تتحط ضمن اجمد المسرحيات الكوميدية علي الاطلاق وهيا " سك علي بناتك " فيلم لسه عالق في ذآكرة ساد لفؤآد المهندس ؟ بدون تردد " ارض النفاق " الفيلم دا علي قد ما هو كوميدي جدا جدا وبيضحك لاخر حاجة الا انه بيوصف الحالة الحقيقية للناس في زمن ماتت فيه الاخلاق ! فيلم حقيقي جبااااااااااااااااار [youtube] هاتلي تلات شخصيات قام بآدئها فؤآد المهندس ؟ امممم انا فاكر شخصيات كتير له نقول مثلا مسعوود ابو السعد من ارض النفاق و شنبووو ومستر اكس و عبدالحفيظ في العتبه جزاز و كله ماشي في خمسة باب آخر فيلم شوفتة لنجمك وكان آمتى وعلى آي قناة ؟ كان ارض النفاق ومش فاكر انهي قناه انا مش بقعد كتير قدام التلفزيون كنت بقلب بالصدفة فلقيته فاكيد اتفرجت عليه فيلم لفؤاد المهندس ك قصة حسيت آنها تشبة او فيها من قصة حياتك؟ امممم قصة من حياتي صعب لكن افلام فؤاد المهندس لها طابع كوميدي دايما بينما حياتي تيراتيجيا ودراما مؤسفه هههههه فمظنش تشبه حاجة من حياتي فيلم طبعآ لنجمك بس تمنيت آنت تكون البطل بدل فؤاد المهندس؟ امممممم ممكن ارض النفاق تجربه غريبه جدااا فكرة الفيلم رائعه جداا والاخلاق فعلا للبيع بس مين يشتري يمكن تمنيت اكون بطل ف فيلم لاحمد الفيشاوي واللي هو كان فيه بيقرا افكار الناس هات ع ذوقك مقطع فيلم بس ب الأسود والأبيض ؟ اكيد بالابيض والاسود لان فؤاد المهندس اغلب افلام بطولته كانت ابيض واسود خدي فيلم كامل اهو كمان العتبه جزاز [youtube] وادي بعض اللقطات من افلام تانية محمووووود حبيبي ههههه [youtube] دي اغنية قبلي يا غاوي سبع قارات [youtube] ودي اغنية الراجل دا هيجنني هجنني مع صباح [youtube] انا مش قصير ازعه انا طويل واهبل هههههههه [youtube] ودي جامدة جدااا حكاية الشنكل [youtube] بحب مسرحيتة سك ع بناتك ههههه بجد كوميدية شوفتها مرتين نفس الضحك وكاني آول مره اشوفها هات بقا من المسرحية دي مقطع بس ع ذوقك ؟ مسرحية جامدة جدااا مفيش كلام ودي من اجمل المسرحيات الكوميدية اللي اتعملت واحلي مسرحياته امممم مقطع واحد طيب نجرب حته علي يدي [youtube] برئيك من الي يمثل الثنائي لنجمنا النهاردة شويكار ؛ مريم فخر الدين ، اكيد طبعا ومن غير كلام شويكار دول اشهر واهم ثنائي في السينما المصرية وقدموا مع بعض افلام ومسرحيات كتير جدااا ومش بس كانو ثنائي قصاد الشاشه كانو خلفها برضوة ثنائي واتجوزوا يمكن اجمل ما في افلامهم المونلوجات اللي بيقدموها مع بعض طماعيين عشان هوله مسرحيات كتير جميلة هلتنا ع ذوقك مسرحية لنجمنا ونجمك فؤآد المهندس ؟ بما ان الكل في باله سك علي بناتك ومش محتاج اجيبها خدو مسرحية جامدة برضوة " علشان خاطر عيونك " مع شريهان [youtube] بنهاية عاوزه نبذة مختصرة جدآآآآ عن حياتة يعني اول فليم قام ببطولته اول مسرحية ،،آمتى كانت ولدتة ،،وفاتة كام عددد آولاده بس كدا ؟ مختصره جداا صعب هنخليها مختصرة بس من غير جدا ههههه فؤاد زكي المهندس او " الاستاذ " او " المهندس " احد كبار الفنانين في مصر ولد في 6 سبتمبر 1924 هو ممثل مسرحى وسينمائي كوميدي مثل في المسرح والسينما والتليفزيون والمذياع بدايته الفنية كانت عن طريق الراديو عبر فرقه ساعه بقلبك مع عبدالمنعم مدبولي و خيريه احمد واللي قدم من خلالها وياهم مجموعه مواقف كوميدية رهيبه ( عندي علي الكمبيوتر ) بعدها مثل في المسرح واللي هو شخصيا رغم تمثيله لعدد كبير من الافلام الا انه كان بيشوف المسرح بيته ومثل في فتره الخمسينات والستنينات العديد من المسرحيات الناجحة "السكرتير الفني" و"سيدتي الجميلة" و"أنا وهو وهي" و"حواء الساعة 12"، . انتقل للسينما ومثل دور بطولة في فيلم اسمه " بنت الجيران " الا انه بعدها بعد عن الادوار الاولي ومثل ادوار ثانوية مساعدة لفتره كبيرة افلام كتير زي : بين الاطلال و ونهر الحب وحب في حب والشموع السوداء والعريس يصل غدا والارض الطبية واميرة العرب وف غيره كتير لحد عائلة زيزي واللي من بعده رجع لدور البطولة مرة تانية في فتره تعتبر الاهم في تاريخه مثل فيها مطاردة غرامية وشنبو في المصيدة وارض النفاق واخطر رجل في العالم قدم برنامج اذاعي اسمه كلمتين وبس وكانت بينقد فيه احوال البلد واستمر سنين طويلة وقدم عدة مسلسلات مثل ارض النفاق وعيون والعصافير ثم قدم عملا قربه اكثر من حبه " الاطفال " من خلال فوازير عمو فؤاد واللي استمر في تقديمه سنين طويلة عدي في السينما في فتره الثمانينيات والتسعينات في ادوار مساعدة للنجم عادل امام اللي بيعتبره ابنه الاكبر ف افلام زي "خلي بالك من جيرانك" و"خمسة باب"، و"زوج تحت الطلب". ورجع قدم مسرحيات أخرى مهما جداا في تاريخة "إنها حقا عائلة محترمة" و"سك على بناتك" أمام شريهان وتوفي الفنان الكبير "فؤاد المهندس" يوم 16 سبتمبر من عام 2006م عن عمر يناهز 82 عاما، وذلك بعد معاناة طويلة مع أمراض الشيخوخة وتعرضه لحالة من الاكتئاب الشديد عقب تعرض منزله الذي كان يقيم لحريق أتى على محتويات غرفته الخاصة وزادت حدة الاكتئاب بعد رحيل صديق عمره الفنان "عبد المنعم مدبولي" فتوفي بعد رحيل مدبولي بشهر واحد فقط بنهاية نشكر نآئبنا ساد على قبول الدعوة في نهارك سعيد انا اللي بشكرك علي الاستضافه الجميلة دي ومعلش اجتهدت علي قد ما اقدر اساسا اليوتيوب مقفول عندي ميرسي جداا ليكي ونهارك سعيد بقي

[ساحر الأحزان]

استضافة جميلة سارة مع محمود

وهو بيحب افلام الكوميديا بتاعت زمان

الايام الحلوة دى

استضافة جميلة سارة

مع محمود

ويومكم سعيد

[countess]

شخصية فوزيه في سك ع بناتك هههههههههه

عمر الشريف هج من البلاد عشان فوزيه رفضتو

بجد مشهد تحفه تشكرات \ ساد

وطلعت بتحب الكوميديا

[العاشق الذى لم يتب]

ماشاء الله عليك اختى سارة
اول مرة اعرف ان حضرتك مذيعة
وكمان ايه مذيعة متمكنة ومتخصصة وناجحة كمان
ولا حتى منى الشاذلى
برنامج جميل جدا وفكرته عظيمة
ماكنتش اعرف بيه غير صدفة لمادخلت صفحة اخويا محمود وشوفت الرابط
وكبيرنا محمود بيه شخصية زى العسل
ودمه خفيف أكتر من خفة دم فؤادالمهندس
اللى حضرته بيحبه خالص وهو عنده عشر سنين
فعلا فؤاد المهندس شخصية رائعة وكومديانى من الطراز الاول
تسلمى اختى سارة وتعيش اخويا محمود
تحياتى وودى
رفعت

[big bốss]

هههههههههههههههههههه

بيحب فؤاد المهندس

لا جامد يا حوده

حلقه جميله يا سارونه

الى داخل مهموم و الى خارج بيضحك

ههههههههههه

[Marwan1337]

محمود اجابتة حلوة اوى

تسلمى ع التوبيك يا كونتس .

[مِسكُ الشَهادة]

والله ونورت الحلقة يا عم فؤاد هههه أقصد محمود
نادرا ً أن تجد من يميل للفن القديم من الشباب
معرفش ليه يمكن بحس كل واحد بحب جيله
مع إعترافي بأنني لا مع الفن الحديث ولا القديم ههههه
لكن حلقة جميلة جدا يا محمود
اجابات خفيفة ومهذبة وواضح انك بتحب الفنان فؤاد المهندس جدا
ربنا يرحمه
مشكورة يا اختي حلقة وبرنامج رائع كحضرتك
دوام التميز والرقي
دمتم بالف خير

[نجم وزهره ومسافات فراق]

استضافة جميلة اختي سارة الراقيه

مع اخي الغالي المبدع محمود


وتوبيك فيه روايح الزمن الجميل
واسمحوا لي ياكرام باضافه بعد اذنكم

مسلسلات تليفزيونية

• عيون (شيرين، يونس شلبي).
• أرض النفاق.
• العصافير.
• متاعب المهنة

الاسم الكامل فؤاد زكى المهندس من مواليد 6 سبتمبر 1924 ولد في القاهرة حي العباسية وترتيبه الطفل الثالث في العائلة بعد أختين هما صفيه ودرية والشقيق الرابع سامى المهندس. توفي في 16 سبتمبرعام 2006

والده هو زكى المهندس العالم اللغوى ولذلك كان منزلهم قلعة للحفاظ على اللغة العربية التي أتقنها من خلال أبيه الذي كان صاحب الفضل الأول في تنمية مواهبه الفنية وقد ورث عنه خفة الدم وحضور البديهة وسرعة الخاطر الذي ميزه في مشواره الفني. واخ للاذاعية العملاقه صفيه المهندس

أهم أفلامه

• العريس يصل غدا مع عمادحمدى ومديحة يسرى
• اعترافات زوج مع يوسف وهبى ومارى منيب وشويكار
• الشموع السوداء مع نجاة وصالح سليم.
• هارب من الزواج مع شويكار
• اقتلني من فضلك.
• جناب السفير مع عمادحمدى والسندريلا
• إجازة بالعافية.
• زوجة من باريس.
• غرام في أغسطس.
• الرجل ده حيجنني.
• اخطر رجل في العالم
• عودة أخطر رجل في العالم.
• مدرسة المراهقين مع شويكار
• أرض النفاق (فيلم)(عن قصة يوسف السباعي)مع شويكار
• مطاردة غرامية.
• المليونير المزيف.
• شنبو في المصيدة مع يوسف وهبى وشويكار
• العتبة جزاز مع شويكار
• انت اللي قتلت بابايا مع شويكار
• ربع دستة أشرار.
• معبودة الجماهير (مع شادية وعبد الحليم حافظ)
• سفاح النساءمع شويكار
• زوج تحت الطلب .
• البيه البواب مع احمد زكي .
• جريمة الاربع مع شويكار
• وكان وكان وكان
• خمسة باب

المسرحيات

• مسرحية سيدتي الجميلة عن قصة بجماليون لـجورج برنارد شو.
• الدنيا ماشيه كدة (من أوائل المسرحيات التي جمعت بينه وبين شويكار).
• حواء الساعة 12.
• أنا وهو وهي.
• السكرتير الفني.
• أنا فين وإنت فين.
• حالة حب.
• أنا وهي وسموه.
• ياما كان في نفسي.
• ليه ليه (مسرحية سياسية ولم تلق نجاحا).
• سك على بناتك.
• إنها حقاً عائلة محترمة.
• هاله حبيبتى (مع دلال عبد العزيز والطفلة رانيا).
• روحية انخطفت.
• علشان خاطر عيونك (مع نجمة الاستعراض شريهان).

مسلسلات تليفزيونية

• عيون (شيرين، يونس شلبي).
• أرض النفاق.
• العصافير.
• متاعب المهنة

دا بالاضافه لفوازير رمضان اللي كنا كلنا بنعشقها

ومحدش ينسى البرنامج الفظيع الرائع

كلمتين وبس

رحم الله العملاق فؤاد المهندس

أحد أهم فرسان الزمان الجميل

واسف اخوتي لاضافتي الكبيره انما جمال موضوعكم خلاني اضيفها

موضوع رائع

مليون شكر اختي الفاضله ساره

مليون شكر اخي المبدع محمود

ومؤكد احلى خمس نجوم

نهاركم سعيد يارب

[countess]

اقتباس ماشاء الله عليك اختى سارة اول مرة اعرف ان حضرتك مذيعة وكمان ايه مذيعة متمكنة ومتخصصة وناجحة كمان ولا حتى منى الشاذلى

هههههههههههه

ربنا يخليك خيو
مذيعه >>>
مش آوي يعني هههههههه

نهارك سعيد نورت <<

[♥..pure]

آكـتر دور بحبه لـ فؤاد المهندس لمآ كـآن في الشموع السودآء
مع ان دورهـ صغيرهـ بس بحبه فيه اوي
منور يـ محمود
استضافه جميله منك ي سآرهـ
ونهاركم سعيد