منتديات بنات مصر - كبسه وغوزي وبرياني 3 في 1

كبسه وغوزي وبرياني 3 في 1 :

اليوم اقدم لكم غدوه انما ايه ترضي كافة الاذواق دمجت فيها 3خطوات

لطبخ الارز بداية الكبسه ثم الغوزي ثم البرياني يعني ولا اصعب ذووق ما تجيبه ها الطبيخه

المقادير + الطريقه والكميات يحددها عدد الاشخاص حيث ان اللي يتغدون با الاجازه

ان كثرووا خمسه انا طبخت لثلاث اشخاص والباقي رقووود ..

(( الكبسه ))

اول خطوه نجهز لحم وينفع دجاج انا احب اسلق اللحم مدة 10 دقايق دون شي ثم اغسله

قبل التكشيين موسوسه من ها الناحيه واللي ما ودها عادي

نكشن لنا بصل وطماط وفلفل بارد وبهارات صحيحه مثل الكبسه دون صلصلة طماط

بعد ما نحمر البصل و البهارات الصحيحه نزيد اللحم ونقلبه لين ياخذ لون حلو

ونزيد الفلفل البارد والبهارات العاديه ثم نزيد الطماط اما مقطع او مطحوون

ونحط عليه المرق لا غلت المرقه نزيد الملح ونتركه الا ان يستوي وتخف المرقه مانبي

مرقه كثييير بعدين اقولكم ليش ..

http://dawsha23up.com//uploads/image...dccf3a26eb.jpg

http://dawsha23up.com//uploads/image...a2bb1280a2.jpg

http://dawsha23up.com//uploads/image...0641f15051.jpg

(( الغوزي ))

وهذي خطوته نكشن بصله صغيره مقطعه ونزيد عليها رشة فلفل اسود وكمون

ونحط عليها مكرونه اسبكتي مكسره ونحط عليها مويه قليل نبيها نص استواء

ونحط شوية لون الزعفران مثل مكرونة الغوزي ونتركه على جنب ..

(( البرياني ))

نغسل رز وننقعه وسبق ان ذكرت طريقتي في نقع الرز
وثم نسلقه مع قرفه وملح وشوية فلفل ابيض << اختياري ثلاث ارباع السلق

ونجي للتطبيق وهذي خطوة البرياني نحط الرز على اللحم وشوية المرق

ونرش على وجهه شوية موية ورد مذوب فيها زعفران او لون زعفرن

ونحط فوقها المكرونه

ونحط القدر على نار هاديه لمن يكتمل نضج الرز والمكرونه وبس

وهذا هو شكل الطبخة 3 في 1 عند تقديمها ...

http://dawsha23up.com//uploads/image...fc095b7355.jpg

http://dawsha23up.com//uploads/image...4711bc1f1c.jpg

تحياتي لكم....