زواج الامهات

[big bốss]

دلوقتى احنا شباب بنحلل لنفسنا الحب و بنحب و بنقول الحب لا يعرف سن

طيب دلوقتى لو الام مطلقه من الزوج و حبت و حابت تتجوز

بنلاقى رفض تام من الابناء ازاى ؟ و ليه ؟ هتجبينا العار !

طيب مش دى بنى ادمه برضو من حقها تتجوز و تعيش حياتها

و لا فرض عليها انها تربي ابناءها و مش تتجوز ؟ و هل فيهخ شرع يحرم كدا ؟

و ليه المجتمع بينظر نظرة سيئه الى الام التى تتزوج بعد طلاقها او موت زوجها

و يجردوها من ذالك الحق . فهل انت مع ام ضد ذالك ؟

و حتى الاباء ايضآ يستنكرن اولادهم ارتباطهم و زواجهم من جديد بعد وفاة

الزوجه او طلاقها .

فلماذا لا يحق للاباء ان يتزوجوا بعد ان يؤدوا رسالتهم فى تربية اولادهم

و ايصالهم لبر الامان ؟

[Lamees]

عشان احنا يا نور عايشين في مجتمع
بيعتبر العادات والتقاليد عنده احسن من الشرع والدين
وكأن المجتمع هو اللي هيحاسب مش ربنا
مفيش اي شرع ولا دين يمنع المرأة من الزواج مرة اخرى بعد وفاة زوجها
او الطلاق منه وكمان مفيش ما يمنع الرجل من الزواج بعد وفاة زوجته
المجتمع هو اللي بيعمل ممنوعات ومحظورات على كيفه

موضوع جيد نور
دومت مبدع

[big bốss]

اقتباس المشاركة الأصلية كتبت بواسطة ro♥ony عشان احنا يا نور عايشين في مجتمع بيعتبر العادات والتقاليد عنده احسن من الشرع والدين وكأن المجتمع هو اللي هيحاسب مش ربنا مفيش اي شرع ولا دين يمنع المرأة من الزواج مرة اخرى بعد وفاة زوجها او الطلاق منه وكمان مفيش ما يمنع الرجل من الزواج بعد وفاة زوجته المجتمع هو اللي بيعمل ممنوعات ومحظورات على كيفه موضوع جيد نور دومت مبدع

اذا كانت العادات و التقاليد دى مرفوضه ليه بنبقى عليها ؟

ليه مش بنغيرها ؟

ليه متمسكين بالغلط و احنا عارفين ؟

يا ترى مش عندنا الشجاعه ولا عدم اقتناع بالفكر الصحيح ؟

[phalsteen]

مع احترامي الكامل للمنهج الديني
ومسألة المحلل والمحرم
في حاجات مش معني انها محلله تبقي فرض
النظرية مش في كدة
بس لو سهل تتقبل ان حب حياتك يبقي ملك لحد تاني
يبقي سهل انك تتقبل ان اكبر حب هيشاركك في حد تاني غريب عنك

مش عارفه بس من ناحيتي مبفضلش الارتباط مرتين
مهما كان
من ناحية الزوجة او الزوج
في حاجة اسمها وفاء حث عليها برضو الاسلام

بس في احيانا بيكون الزواج حل للمسأل المادية او النفسية

عجبني الموضوع
احترامي

[موري كول]

انا شايفه ان الموضوع عادي يعني
هي بس بتبقي غيره من الابناء علي مامتهم اللي هتتجوز دي
بس طلاما مش هتتشغل عنهم ولا عن تربيتهم خلاص عادي انها تتجوز

[دمعه حائره]

هوا المجتمع مش سايب حد فى حالة سواء متجوزاولا
يعنى دى مسأله شخصيه وبيتحكم فيها امور كتير
اوقات بتجبر المرأة سواءانها تكمل من غير ارتباط تانى او العكس
انا شايفه ان الوفاء لزوج اتوفى ده هدف كتير بيعيشوا عشانه
او انها تربى ولادها وتتفرغ ليهم عشان تبنى مستقبلهم وتكون اب وام ليهم
ده بيغنيها انها ترتبط تانى
يعنى سواء ارتبطت اولا
كل واحده بتشوف هاتلاقى نفسها فين اكتر
ومافى داعى يهتموا الناس هاتقول ايه
وخصوصا ان الدين سمح لها بكده ولنا فى رسول الله اسوة حسنه

[فتحى عيسى]

هذا الموضوع له حساسية مفرطة من الأبناء تجاه والدتهم
ينظرون إليه بعين لا رحمة فيها ولا تعقل أو إيمان
بإن الحلال بين والحرام بين وما تنويه لا يخالف شرع الله
ويتناسون ما فعلتة لهم طوال سنوات عمرها وخدمتها المتفانية
ألا يحق لها أن تهنأ ولو قليلا وأن يعتني بها أحدا لشخصها
أن يراعي الله فيها وهم يعلمون جيدا إن هناك يوما ستترك
لحالها وكلهم ينعمون مع أسرهم وقد يطمعون فيما تملك
ويذهبون بها إلي دار المسنين
من يفعل ذلك يغضب الله
وأكيد سيجئ يوما وسيشربون من
نفس الكأس
أحييك علي هذا الطرح الرائع والفكر المتجدد
مودتي وإحترامي

[كوين ميرو]

الموضوع ده فكرت فيه كتير وكان بيشغل بالى لانى

حواليا امثال كتير كانت بتشغل بالى ممكن وحده تترمل وهى 30 سنه

وترفض الجواز رفض قاطع ولما كنت بسئل ليه مش اتجوزت كل الناس تقولى

عيب ميصحش انتى ازاى تقولى كده واكن الجواز مره تانى جريمه

مجتمع غريب بافكار اغرب المفروض انى الحياه كده خلاص انتهت

انا شايفه انه طبيعى جدا ان حياتنا تكمل وخصوصا المرأه مش عيب ولا حرام تتجوز تانى

اما عن الناس هما كده كده هيتكلمو وكده كده مش بيسيبو حد فى حاله

فاطلما مش بنعمل شئ حرام او غلط خلاص مش ليهم حق يتحكمو فى حياتنا

موضوع مهم وشائك يانور

تسلم ايدك

[big bốss]

اقتباس المشاركة الأصلية كتبت بواسطة nefertiti مع احترامي الكامل للمنهج الديني ومسألة المحلل والمحرم في حاجات مش معني انها محلله تبقي فرض النظرية مش في كدة بس لو سهل تتقبل ان حب حياتك يبقي ملك لحد تاني يبقي سهل انك تتقبل ان اكبر حب هيشاركك في حد تاني غريب عنك مش عارفه بس من ناحيتي مبفضلش الارتباط مرتين مهما كان من ناحية الزوجة او الزوج في حاجة اسمها وفاء حث عليها برضو الاسلام بس في احيانا بيكون الزواج حل للمسأل المادية او النفسية عجبني الموضوع احترامي

فيه حالات كتير بعد فقدان الشريك التانى مش بيتجوز وفاءآ له

و برضو الارتباط بعد الفقدان مش فرض

بس فيه اوقات الزوجه تحب و تريد الارتباط او الاب بعد

فشل زواجه الاول او موت الشريك و بعد تادية رسالته

فلآ ضرر فى ذالك

[big bốss]

اقتباس المشاركة الأصلية كتبت بواسطة موري كول انا شايفه ان الموضوع عادي يعني هي بس بتبقي غيره من الابناء علي مامتهم اللي هتتجوز دي بس طلاما مش هتتشغل عنهم ولا عن تربيتهم خلاص عادي انها تتجوز

هو عادى بس بيكون حساس جدآ بالنسبه الى الابناء

و فيه الى بيرفضه رفض تام

و اكيد مينفعش تهم اولادها علشان ترتبط تانى