قراءات خاصه (( 9 ))

[قلم بلا حبر]

بسم الله الرحمن الرحيم

السلام عليكم

اهلا بكم فى قراءات خاصه (( 9 )) وهى الاولى فى رمضان 2010

نبدأ باليوميات

يوميات القراءات اليوم ستكون عن الاستاذ (( مصرى )) الذى دابت والدته ان توقظه من النوم على صوت مطرب الشعب (( سيد درويش )) حينما يصدح بصوته الجميل (( قوم يا مصرى مصر دايما بتناديك ,, خد بنصرى ,, نصرى دين واجب عليك ))

ولا يخلو يوم من التجاذب بالكلمات بين مصرى ووالدته

مصرى فى سريره يتمايل بجسده يمينا ويسارا ملوحا بزراعيه الى اليمين تارة والى اليسار تارة اخرى ,,, يحاول ان يتعمق فى هذا الحلم الجميل الذى يجمعه بحبيبة قلبه (( حلاوتهم )) يبدو ان الحلم يستعد لاستقبال قبله على خده الايمن منبعثه من شفاه ساحرته وملهمته (( حلاوتهم )) ومعه بدأ يظهر على وجه مصرى بعض علامات السعاده رغم ثباته العميق ونومه المستفيض الى ان فمه يكاد يتحرك وكأن القبله فعلا فى الحقيقه وليست فى الحلم

قوم يا مصرى ,, مصر دايما بتناديك ,, ........................................

انطلق المذياع بجانبه بصوت سيد درويش ليهدم كل ما ال اليه مصرى فى حلمه ,,\\

مصرى متمتا وقد التحم حاجباه من الضيق : شكل البوسه دى مش حتكمل ,, كل يوم على ده الحال ,, وانتى يا حلاوتهم مش قادره تبدرى شويه لازم يعنى البوسه تبئى 6 بالظبط ,,,,

ام مصرى وقد اعتلت البسمه وجنتها :: ايه يا مصرى يا حبيبى انت اتهبلت ,, خير اللهم جعله خير بتكلم روحك يا حبيبى

مصرى فى سره :: اكلم نفسى احسن ما اكلم مباحث الكهربا عن اللى انتى بتعمليه فى العداد

ام مصرى :: بتقول حاجه يا مصرى

مصرى وقد تلعثم لسانه :: لالالالا ده انا بحاول افتكر حلاوتهم كانت قالتلى حتقابلنى امتى

ام مصرى : انت معزمتهاش هى واهلها على الفطار النهاره

مصرى وهو يتجه للحمام :: حعزمهم بكره حتى اكون اشتريت لمبة الجاز اللى حنفطر عليها

ام مصرى : اى والنبى يا ابنى دى النيله الكهربا دى بئت قرف الواحده ولا عارفه تشوف تمسيليه ولا حتى تشغل مروحه وقال ايه يقولولك وفروا فى الكهربا , ههههههههههههه, يا اخى جتهم نصيبه هو حنا حيلتنا حاجه علشان نزود الفواتير وتجيلنا بالشئ الفلانى

مصرى وقد هم بخلع ملابسه ولايزال يتكلم بصوت منخفض :: ايوه ايوه على اساس انك بتكلمى ابنك اللى جاى من الهند ,,, امال السلك اللى ورا العداد ده بيعمل ايه

وهكذا يبدأ يوم الاستاذ مصرى كالمعتاد نقاش وجدال ورعب دائم من الحاجه ,, فزواجه من حلاوتهم على الابواب واى تطور فى العلاقه بين مصرى ووالدته ليس فى صالحه ولا سيما وان حلاوتهم ستحل ضيفه على شقة ام مصرى ,, اذن فالعقل يحدثه دائما ان ام مصرى دائما على صواب


فى الآخير ينتهى كل شئ على ما يرام ويتجه الاستاذ مصرى الى باب الشقه ليلقى تحية كل يوم على والدته الست ام مصرى ثم يغادر الشقه ,,, وفى الغالب يتصادم بالصباح الذى يلقيه عليه (( حوده توتر)) الشاب الجامعى الذى يسكن فى الطابق السفلى من شقة مصرى ,,, ومولع بالشبكه العنكبوتيه ,, ويقال انه احد المشتركين فى منتدى بنات مصر ,,, :france-flag:

حوده توتر::: يا صباح الصباح على عم المنطقه وعم مصر كلها انت قومت يعنى يا مصرى , بس حتجيب النصر النهارده ههههههههههه,,,

مصرى :: ايه يا واد خفة الدم اللى جاتلك فجأه كده ,, قريتها فى منتدى والا اخدتها كوبى من الفيس بوك

حوده توتر وقد بدت عليه ملامح التوتر ::: لا يا مصرى هو صحيح انا مش بسيب النت لا ليل ولا نهار بس ده لهدف نبيل

مصرى ::: نبيل هه ,,, نبيل اخوك عامل ايه

حوده توتر ::: انت بتتريق ,, اهو متلقح نايم جوه جه متاخر امبارح وابوه كيفه من الضرب

مصرى :: طيب حتعوز حاجه يا صاحب الهدف النبيل

حوده توتر :: انت لسه برده مش عايز تشترك معانا فى جروب ((حنغير اكلتنا )) ده الجروب عدى 50000 ويا عم متخفشى حخليك حد ليه وزنه فى الجروب ,,

مصرى ::: ياض جروب ايه وهو اللى عايز يغير حاجه ,, حيقعد فى بيتهم ويضغط على الزرار قوم تتغير على طول

حوده توتر وقد بات متوترا جدا :: مين قال كده احنا بنظم مسيرات واحتجاجات ومظاهرات انت مش بتسمع عننا ولا بتشوفنا ,,,

مصرى ::: اشوفك فى مظاهره والا فى مسيره ازاى وانت مبتخرجشى من البيت ,,, انتوا عارفين انتم عاملين زى ايه

حوده توتر وقد تلعثم واحمر وجهه ::: زى مين

مصرى :: شفت الدكتور فيصل القاسم ,, اهو يفضل يسخن الضيوف والمشاهدين وهو قاعد على الكرسى (( شغلته كده )) ولا تعرف هو مين ضد مين والا ايه رأيه ,,,, انتوا بالفيس هباب بتاعكم ده بئيتم 50000 فيصل القاسم ,,,, يلا سلااااام

حوده توتر ,,, :: احنا برده فيصل القاسم امال انت ايه ؟

مصرى :: انا لا قلت حعمل والا قلت لحد اعمل ,,, وسيبنى بئى علشان اتأخرت على حلاوتهم بدل ما اقولها انك انت اللى اخرتنى

حوده توتر ::: ابوس على ايدك انسانى ,,, ثم انصرف الى داخل الشقه واغلق الباب محدثا ضجه خلفه

ــــــــــــــــــــــــــــــــــــــــــــــــــ ـــــــ

عند ميدان شهير بوسط العاصمه


اتأخرت ليه بقالى ساعه واقفه مستنيه اتهريت معاكسات

مصرى : ومين اللى اتعمى ده

حلاوتهم : نعم

مصرى : قصدى مين الكلب اللى عمل ده وريهولى هو مش عارف انت مخطوبه لمين

حلاوتهم فى دلال وانثويه : لا خلاص يا روحى انا لهفته بالجزمه فى وشه والظاهر ان فردة عينه الشمال ضربت

مصرى متمتما وهو يكتم ضحكاته : جابه لنفسه هههههههههه

حلاوتهم : هه حننزل نشوف الدهب والا حنروح نشوف اوضة النوم والسفره ,, والا حتيجى نبص بصه على الهدوم الداخليه اهو قريبه من هنا ,, والا اقولك ايه رايك نروح معرض الاجهزه الكهربائيه اللى على الناصيه

مصرى وقد تصبب عرقا : يا حبيبتى ليه ده كله ,, هو مش احنا اتفقنا حاجه حاجه

حلاوتهم :: نعم يا سى مصرى ,, انت مش اتفقت مع ابويا انك حتجيب الفرش والاجهزه الكهربائيه وب 15000 جنيه شبكه والهدوم الداخليه والنجف والسجاد والموكيت ,,, وكام شهر بعد ما ندبس مع امك فى شقتها تكون رتبت نفسك وجبت شقه

مصرى وهو يجفف عرقه : ايوه يا حبيبتى حصل بس ربنا عرفوه بالعقل انا بشتغل ايه ومرتبى كام علشان اجيب ده كله مره واحده ,, وبعدين فى حاجات ممكن نصبر عليها زى الشبكه نبئى نجيبهابعد الجواز لما ربنا يفرجها علينا

حلاوتهم : نعم نعم

مصرى وهو يلتفت يمينا ويسارا : حلاوتهم احنا فى الشارع

حلاوتهم وهى تصفق بيديها : انت عايز ترجع فى اتفاقك ,, والنعمه لاقول لابويا ,, وروح بئى شوف مين اللى حترضى بيك


مصرى فى سره كاظما غيظه :: يعنى لو اعرف مين سرق زهرة الخشخاش كنت رحت قسمت معاه

حلاوتهم بصوت حاد :: خشخاش ايه يا ابو خشخاش انت حتلف سيجارتين فى الشارع

مصرى متلعثما :: وانتى تعرفى عنى كده يا حبيبتى ,, ده انا قصدى على اللوحه اللى اتسرقت من المتحف بيقولك تعملها 55 مليون دولار ,, احنا كفايه قوى 5 واحده ومش عايزينها بالمليون كفايه قوى بالالف ,,,

حلاوتهم :: كلنى فى الكلام كلنى ,, اصل فى ورقه ب 55 مليون بولار ,,,

مصرى : يا حبيبتى دولار دولار بالدال ,,, والله هم بيقولوا كده وانا مالى ,,, وبعدين لو مش متأكده تعالى نروح نسرق واحده من متحف تانى ونبيعها وانتى تشوفى ,, اهو بيقولك ان متاحف مصر كلها من غير تأمين ضد الحرايق حتى

حلاوتهم :: يالله اخيبك راجل ,, انا مش قلتلك ان السرقه دى كانت بتاعت جدى انما ابويا الحمد لله بياكلها بعرق جبينه

مصرى متمتا :: ما هو بيعرق برده وهو بيضرب اختام

حلاوتهم :: ههههههههههههههههه تلاقى الواد هيمه واخوه المتختخ فطين هربوها فى فستان البت حنون مراة هيما وطاروا بيها على تايلاند ههههههههههههههه

مصرى فى سره ::: بتضحكى تلاقيكى شريكه فى العمليه دى

حلاوتهم :::: بتقول حاجه يا مصرى

مصرى : لآ يا حبيبتى ده انا كنت بشوف حنركب ايه واحنا مروحين

حلاوتهم مصفقة بكلتا يديها :: ليه ان شاء الله انت كنت جايبنى علشان تتسامر معايا ,,, امال حنشوف الفرش امتى

مصرى :: عيب يا حلاوتهم احنا فى الشارع ,,,ده انا مصرى حبيبك ,,, ده انا بهزر معاكى طب اقولك تعالى نشرب اتنين عرق سوس من الراجل اللى هناك ده علشان تهدى اعصابك ,,, هو انا اقدر على زعلك يا روحى

حلاوتهم : اهدى اعصابى ليه بئى ان شاء الله شايفنى بشد فى شعرى والا باكل فى العيال الصغيره

مصرى ::: لا يا روحى بس شايف مودك مش متظبط حبتين

حلاوتهم :: ما انت السبب كل شويه ترفع ضغط دمى بكلامك

مصرى ::: خلاص يا روحى تعالى حعزمك على اتنين عرق سوس يرجعوا ضغطك لمكانه ومعدشى يطلع تانى

اضطرت حلاوتهم امام هذا الزخم العاطفى ان تنساق خلف مصرى الى (( العرق سوس ))

وعند رجل العرق السوس ..........................


مصرى : اتنين عرق سوس والنبى يا عم

رجل العرق سوس : مصرى والا صشينى يا استاذ

مصرى وهو يبتسم وينظر خلفه نحو حلاوتهم : هو العرق سوس بئى فيه مصرى وصينى

رجل العرق سوس : ايوه يا استاذ امال ايه ,,,,, اللى خلى بئى فى عروسه صينى مش حيبئى فى عرق سوس صشينى

مصرى : ما هو عادى يا عم الحاج طول عمرنا فى عرايس بلاستيك كتير ,, عادى يعنى لما يكون فى عروسه صينى

رجل العرق سوس :: بلاستيك ايه يا سى الافندى ,,, عروسه ,, عروسه لحم ودم ,,,, بنى ادمه يعنى

ضحك مصرى ساخرا ونظر الى حلاوتهم : قال بيقولك عروسه صينى ,,,,, ودم وبنى ادمه

مصرى : ودى بئى بالضمان والا من غير

رجل العرق سوس : وضمان ليه يا استاذ وانت مبتدفعشى غير 1500 جنيه بس لمكتب الجواز وبتكتب كتابك عليها وبتيجى تكنس وتغسل وتلبس وبتعيش معاك ان شا الله فى عشه ولما العيال تكبر تزاكرلهم ,, اصلهم ولامؤاخذه متعلمين تعليم عالى من بتاع الصشين

مصرى ملوحا براسه للخلق قليلا ورافعا حاجباه : 1500 جنيه ,, وتكنس وتمسح وتغسل وكمان فى عشه ,,,, وتعليم عالى من بتاع الصين ,, طب والشبكه ؟

حلاوتهم : ايه يا مصرى انت حتقعد ترغى مع الراجل اللى شكله بيخرف ده ,,, معدشى الا الصينيين كمان

رجل العرقسوس : الله يستر اصلك يا مدام ,,, بس اللى انا بقوله ده حقيقى وابنى كمان متجوز صشينيه وعايشين اخر السطه

مصرى :: ابنك متجوزصينيه ,, طب بيفهمها ازاى

رجل العرق سوس وهو يضحك بصوت عالى : يا استاذ دول بيعرفوا يعملوا اى حاجه ,,,, يبئى مش حيتكلموا عربى ,,وبعدين الشهاده لله البت بتعمل كل حاجه من غير ما حد يقولها ,, وايه بئى مقولكشى الواد ابنى يا سى الافندى اول ما يرجع من الشغل ,, جرى تقلعه الجزمه وتجيبله مايه بملح وفوطه

مصرى ساخرا : ليه هى امينه

رجل العرق سوس :: اكتر والله يا استاذ هى تقدر تنام قبل ما تطمن انه راح فى النوم ,, والا يصحى هو من النوم ويلاقيها لسه نايمه ,, يا استاذ ده بيصحى يلاقى الفطار على السفره وساخن والشبشب لامؤاخذه تحت رجليه والحمام جاهز ,, على النعمه امه ما بتعمل كده معايا

مصرى : والحمام جاهر ؟!!!!!!!!!!!!!!!!!

مصرى وقد رفع شفتيه وحاجبيه وارتسمت السعاده على وجهه ::: حلاوتهم

ايوه يا روحى

طيرى انتى :Sh_077::cv25:


ــــــــــــــــــــــــــــــــــــــــــــــــــ ـــــــــــ


كنت اود ان اسرد قراءاتى كامله لكنى اثرت ان اضمنها للقصه السابقه وهى على الترتيب

القراءه الاولى

الانتماء ... هل يكون بمجرد انشوده او اغنيه كانت لها تأثيرها فى الماضى ,, ام اننا بحاجه الى استراتيجيه جديده للانتماء يترسخ منها مبدأ الكفاح المشترك لكل فئات الشعب ؟

القراءه الثانيه

ازمة الكهرباء ,, وهل المشكله فقط نتيجة اهمال حكومى ام هنالك مشاركه فى الخطأ من جانب المواطنين ؟

القراءه الثالثه

شباب الفيس بوك ,, بين المعارضه الوهميه وقضاء وقت الفراغ ؟

القراءه الرابعه

سرقة لوحه زهرة الخشخاش من متحف محمود خليل ,,, هل يبرهن على ان هنالك فوضى قد تطال كنوز البلد ,, ان ان الامر محض الصدفه البحته ننتيجة تقصير او اهمال ؟

القراءه الخامسه

الزوج الصينيه ,, هل ستكون بديلا لارتفاع نفقات الزواج المبالغ فيها من قبل الاسر المصريه ,, وعزوف الكثير من الشباب عن فكرة الزواج نتيجة ضيق ذات اليد ,,,؟؟؟؟!!!!!

اما القراءه السادسه ,, فهى للمنتدى

لا عيب فى ان تتبادل الفائده ولكن كل العيب ان تنكر حق صاحبها

(( لان صاحبة الخط هذا من الكتابه او رائدته هى المشرفه المتميزه رحيق الجنه وانا استعنت باسلوبها فى الكتابه لكتابة قراءات (( 9 )) ,,,, الذى هو عباره عن سرد ما تود قوله فى شكل قصه او خاطره ))

القراءه السابعه (( كما اعتدنا بدون تغيير ))

غرور المراه دليل على انعدام ثقتها بنفسها ,,, وهى للزواج فى اخر الصف




شاكر للمتابعه

خالص تقديرى

تحياااااااااااااااااااااااااااااتى"""""""""""

[FarEdah]

رااااااااااائعة القراءات

متابعة

[أنثـے مًنْ الّخٍـْيـِالْ→♀]

اقتباس القراءه الاولى الانتماء ... هل يكون بمجرد انشوده او اغنيه كانت لها تأثيرها فى الماضى ,, ام اننا بحاجه الى استراتيجيه جديده للانتماء يترسخ منها مبدأ الكفاح المشترك لكل فئات الشعب ؟

مفيش اكتر من الاغانى فى البلد دى

بس كام واحد عنده انتماء ؟؟ >> اكيد كتير بس مش الكل

ده معناه ان الاغانى مش هى المؤثر الوحيد على الشعب

اقتباس القراءه الثانيه ازمة الكهرباء ,, وهل المشكله فقط نتيجة اهمال حكومى ام هنالك مشاركه فى الخطأ من جانب المواطنين ؟

اكيد الخطأ مشترك

الحكومة عشان واجبها انها توفر الكهربا للشعب اللى اساسا بيدفع حقها

و اكيد الغلط من الشعب انه بيفرط فى استخدامها !! >> كل حاجة دلوقت بقت بالكهربا

و اكيد ده نتيجة للتواكب مع العصر

اقتباس القراءه الثالثه شباب الفيس بوك ,, بين المعارضه الوهميه وقضاء وقت الفراغ ؟

احيانا بيبقى لهم مواقف كويسة و الله و مش بتبقى وهمية ولا حاجة

بس كما رويت فى القصة الشاب اللى بيولع الدنيا و هو مش بيخرج من بيته ده

فالله يكون فى عونا منه و من امثاله لانه عامل زى اللى بيقتل القتيل و يمشى فى جنازته

لان الاقوال مش بتكتمل الا بالافعال

اقتباس القراءه الرابعه سرقة لوحه زهرة الخشخاش من متحف محمود خليل ,,, هل يبرهن على ان هنالك فوضى قد تطال كنوز البلد ,, ان ان الامر محض الصدفه البحته ننتيجة تقصير او اهمال ؟

هم يضحك و هم يبكى

الللوحة دة اتسرقت من متحف تانى من عقود بنفس السبب

بس الظاهر الزمن مكنش له تأثير فىالمسؤوليين فى كونهم يأمنوا المتاحف المصرية

اقتباس القراءه الخامسه الزوج الصينيه ,, هل ستكون بديلا لارتفاع نفقات الزواج المبالغ فيها من قبل الاسر المصريه ,, وعزوف الكثير من الشباب عن فكرة الزواج نتيجة ضيق ذات اليد ,,,؟؟؟؟!!!!!

هههههه

هم مينفعش ينزلوا شباب صينى

و ينزل الشاب بشقته

هههههه

اقتباس اما القراءه السادسه ,, فهى للمنتدى لا عيب فى ان تتبادل الفائده ولكن كل العيب ان تنكر حق صاحبها (( لان صاحبة الخط هذا من الكتابه او رائدته هى المشرفه المتميزه رحيق الجنه وانا استعنت باسلوبها فى الكتابه لكتابة قراءات (( 9 )) ,,,, الذى هو عباره عن سرد ما تود قوله فى شكل قصه او خاطره ))

عندك حق مليون فى المية !

اقتباس القراءه السابعه (( كما اعتدنا بدون تغيير )) غرور المراه دليل على انعدام ثقتها بنفسها ,,, وهى للزواج فى اخر الصف

تشكر يا استاذ سيد على الموضوع

و جميل اوى اوى انك تربط القراءات دى بقصة

[العراق الحر]

القراءه الاولى

الانتماء ... هل يكون بمجرد انشوده او اغنيه كانت لها تأثيرها فى الماضى ,, ام اننا بحاجه الى استراتيجيه جديده للانتماء يترسخ منها مبدأ الكفاح المشترك لكل فئات الشعب ...


.......................

الانتماء ليس بالانشودة او بالاغنية الحماسية
وانما الانتماء
يكون بالفعل والقول انا اتكلم عن تجربة مررنا بها هاهنا في العراق
فنجد الشخص يتكلم بوطنية وحماس ثوري ويلعن الاحتلال
وعند اول فرصة له يصبج المحتل عنده شيء معظم ومقدس بمجرد الحصول على منافع شخصية
ونجد العكس عند اناس ببساطتهم ولكنهم يتفجرون وطنية وحمية على البلد في ابسط موقف
وهناك اعلام خلدهم التاريخ وخلدتهم ذاكرة كل عراقي شريف


..................................

ازمة الكهرباء ,, وهل المشكله فقط نتيجة اهمال حكومى ام هنالك مشاركه فى الخطأ من جانب المواطنين ؟





انا اقول ان الكهرباء اداة تعذيب واذلال تمارسه الحكومات على شعبها
وجهة نظري هذة تنطبق على واقع الشعب العراقي

الذي عانى من الكهرباء وعانى من تنازع الحكم
وعاني من القتل وانتهاك الحرمات
وانتهاك الحريات

.........................................




واخيرا تحياتي لكاتب الموضوع

الاخ المبدع والرائع


اخوك الاستاذ وليد

العراق الحر

[حَرفُُ هجآءّ]

القراءه الاولى

الانتماء ... هل يكون بمجرد انشوده او اغنيه كانت لها تأثيرها فى الماضى ,, ام اننا بحاجه الى استراتيجيه جديده للانتماء يترسخ منها مبدأ الكفاح المشترك لكل فئات الشعب ؟

الانتماء الان اصبح كلمه نرددها بالافواه ليس الا وايضا هى شعار نعلقه على صدورنا

ولا نفقهه معناه

الانتماء اصبح بالنسبه لنا ماتش كورة

الذى نحتاجه لاعاده الانتماء او الوطنيه

اننا فى داخلنا نتأكد اننا تابعيين للبلد وليس النظام

القراءه الثانيه

ازمة الكهرباء ,, وهل المشكله فقط نتيجة اهمال حكومى ام هنالك مشاركه فى الخطأ من جانب المواطنين ؟

ااااااااااااااااه دى بالذات تعبتنى شخصيا

الكهربا دلوقتى بقيت ازمه زيها زى العيش

لما الكهربا تقطع فى مناطق بالساعات ده يبقى ايه

عشان لمااحنا نصدر الطاقه لازم يجى يوم مش نلاقى كهربا فى بلدنا

القراءه الثالثه

شباب الفيس بوك ,, بين المعارضه الوهميه وقضاء وقت الفراغ ؟

انا معنديش اكونت على الفيس بوك

بس اكيد الفيس بوك موقع مش سىء السىء هو الاستخدام

القراءه الرابعه

سرقة لوحه زهرة الخشخاش من متحف محمود خليل ,,, هل يبرهن على ان هنالك فوضى قد تطال كنوز البلد ,, ان ان الامر محض الصدفه البحته ننتيجة تقصير او اهمال ؟

هقولك رد بسيط اوى

سفينه بلا قبطان

هتغرق

القراءه الخامسه

الزوج الصينيه ,, هل ستكون بديلا لارتفاع نفقات الزواج المبالغ فيها من قبل الاسر المصريه ,, وعزوف الكثير من الشباب عن فكرة الزواج نتيجة ضيق ذات اليد ,,,؟؟؟؟!!!!!

ممكن بقى لو واحد معاه 3000 جنيه يتجوز اتنين ومعاهم شاحن هديه

هههههههههههههههههه

الموضوع كده هيكبر اوى

والعنوسه هتزيد هنا

اكيد هيبقى فى اقبال كبير اوى على الجواز ده

بس اقولك حاجه

اللى بيجى رخيص هيروح رخيص

اما القراءه السادسه ,, فهى للمنتدى

لا عيب فى ان تتبادل الفائده ولكن كل العيب ان تنكر حق صاحبها

(( لان صاحبة الخط هذا من الكتابه او رائدته هى المشرفه المتميزه رحيق الجنه وانا استعنت باسلوبها فى الكتابه لكتابة قراءات (( 9 )) ,,,, الذى هو عباره عن سرد ما تود قوله فى شكل قصه او خاطره ))

رحيق من الشخصيات اللى اسلوبها فى منتهى الجمال والرقه

ومش عيب اننا نتبادل الاساليب

القراءه السابعه (( كما اعتدنا بدون تغيير ))

غرور المراه دليل على انعدام ثقتها بنفسها ,,, وهى للزواج فى اخر الصف

فعلا غرور المرأة انعدام الثقه

وهو دور تمثيلى تلعبه المرأة

لكى تثبت العكس وهو ناتج عن عقده نفسيه

قلم بلا حبر

كم هو جميل نضوج عقلك

ونظرتك البعيد للمستقبل والمجتمع

اشكرك كل الشكر على قرأتك

المعبرة الواقعيه

[الفتى الرومانسى5]

ثانكس على التوبيك الجميل ده

[رحيق الجنه]

اخير تم نزول هذه القرأة فقد غابت كثيرا
تحياتى لك قلم بلا حب على هذا السرد الرائع
فقد شرحت حال بلد لمن لا يعرفه وان كنت شعرت به وانا لا عرفه
فبالتالى انه لمبدع لمن يعرفه
ساقول لك وجهة نظرى فى قراءتك وان كانت وجهة نظر ضعيفة لانها قد تكون بعيده عن واقع بلد لا عيشه

القرآءة الاولى :الانتماء
الانتماء لا يمكن ان يكون لقب او يكون بانشودة او كلمات لكن الانتماء يبدأ اولا من البلد
ما الذى تفعله الدول حتى يقول ابناءها انا كذا معتز ومفتخر بها ومنتمى اليها مهما كانت
ومن الناحيه الاخرى ما الذى تفعله البلد حتى يبحث اهلها عن اى جنسيه اخرى حتى لو اتت عن طريق هدر الكرامه
هذا ما نسال عنه وليس كيف يكون الانتماء؟ فانا لا انتمى ابدا لبلد ترفض وجودى فيها
ورفض الوجد او التواجد فيها معناه عدم توفير ابسط سبل العيش

القرآءة الثانية :ازمة الكهرباء
لا عرف عنها الكثير لكن عامه اى ازمة تمر بها البلاد هى عبارة عن معادله ذو طرفين مواطنين +حكومة
لا يمكن ان نلقى اللوم على مواطنين فقط او على حكومه فقط
فللوم الاول على حكومات البلاد لانها هى التى تملك احصائيات وابعاد الازمة فتقوم بالتوعية وليس بالتجاهل وانتظار الكارثة ثم المواطنين استيعاب المشكله وتنسيق حلها
هكذا يتم التعامل مع اى ازمة

القرآءة الثالثة : شباب الفيس بوك
الانترنت عامة عن الاغلبية هو قضاء وقت فراغ
مثل الفيس بوك مثل اى موقع يتم فيه النقاش لكنه اخذ سلطه اكبروانتشار اوسع
المعارضه قد تكون الاجل المعارضه وقد تكون عن اقتناع لا تستطيع التحديد

القرأة الرابعة :سرقه الآثار
انا عممت لان تحديد زهرة الخشخاش ليس كل المشكله فمن قديم الازل نسمع ونرى وانا بنفسى زرت متاحف فى فرنسا وايطاليا بها اثار مصرية فاين الدوله هذا ان دل يدل على وجود خلل كبير سواء امنى سواء شخصى سواء كيانى هناك خلل

القراءة الخامسه: الزواج بمصر
سمعت عنه الكثير ممن يعيشون هنا حتى انه فعلا سيتم استبدال الزوجات المصريات باخريات من الغرب سواء صينيات ام اوروبيات فالزواج اصبح علاقة تجارية ايهما سيفيدنى سامشى فى طريقه

القرآءة السادسة : للمنتدى
تفاجأت كثيرا بوجود اسمى فلك كل الشكر
المنتدى ماهو الا تبادل افكار واساليب واعطاء كل ذى حق حقه
سرد المراد عن طريق قصه اسلوب طفولى نتعلمه فى تربية الاطفال هذا ليس عيبا بل طريقه سهله للاستيعاب
انا هنا تعلمت من اسلوب الكثير فى الفكر والسرد

القرأة السابعة :غرور المرأة
جمال المرأة فى انكسارها وقوتها فى ضعفها وحياتها فى كبريائها
انها المرأة المتكامله تعرف متى تستعمل كبريائها ومتى تستعمل ضعفها

تحياتى لك سيد
ولك خالص التحية والود والتقدير