يا فاشــــــــــــل يا فاشــــــــــــــــل ....>> يــــــــــا فاشل

[Dr.nour]

بسم الله الرحمن الرحيم
*******************

ايـام منا ضاعت وعليها بنبكى
وسنين منا راحت ولوحدنا بنشكى
وضعفنا واتهزمنا وضعنا لوحدنا
ايام لونها اسود ف عيونا تجرنا
ومشينا ف سكه صعبه مليانه شوك والم


.............لحظات ضعف وضياع وازمات جميعا نمر بها
ولابد منها فى حياتنا حتى نتذوق طعم الحياه الحقيقيه
فلا نسير على درب السعاده دوما ولا الشقاء دوما
ولكن نحن من نصنع دروبنا بأيدينا
نصنع الشقاء والتعاسه ونصنع السعاده والفرحه



.........مش معنى انك اكسرت مره يبقى خلاص هموت
الانسان الضعيف هو الى هيفكر كده وهيحس بالعجز
بس خلونا نبص للنص المليان من الكوبايه
نتفائل مش نتشائم
ما احنا لو اتشائمنا يبقى مش هنعيش يبقى خلاص احنا كده موتنا

تعالو بقى ناخد مثال بسيط اوى جدا ::


*رب البيت مثلا لما يعرف ان كيلو الطماطم وصل 16 جنيه
ييأس بقى ويقول انا مش هتشتغل ولا هصرف على عيالى
اصل الطماطم ب 16 جنيه كده كده مش هقدر اجيبها عشان هى غاليه
(طب يا عم الحاج هو انت الى بتقدر الارزاق اخرج لشغلك وربنا هيكرمك )

*الطالب الفاشل الى هو زى حالاتنا كده
:053:
يقول هذاكر ليه بس مانا اقعد ع النت بقى
ما اصل المذاكره كده كده صعبه
هههههههههههههه
هو ده الفشل الزريع
^_^

(طيب مانا اذاكر واعمل الى عليه واجتهد )

...............بجد كلام موجه لاى حد
انت مهما قعدت ع النت وعملت انجازات عظيمه
وبقيت مشرف وماسك قسم وفرحان بيه وعايش عليه ليل ونهار تنظم وتظبط
ولا حتى بقيت ادارى ماسك فى الى رايح والى جاى (تعالى هنا يالا انت داخل بعضويتين ليه وزروووووووو حظر )

ها بتقوم من ع الجهاز وانت مرتاح نفسيا وحاسس انك انجزت شئ
اكيد لاء طبعا
بس تعالى هنا كده انت اما بتصلى ركعتين وتقرأ ايه ف المصحف وتقوم تذاكر
هتلاقى نفسك حاسس بوجودك ف الدنيا دى
بتحس انك عايش عشان حاجه
يـــــــــــاريت معنى كلامى يكون وصل




*******************************

[Fire Heart]

والله عندك حق ف كل كلمة قولتيها
تسلمى على الموضوع الراااااااائع
وربنا يزيدك ويكرمك ويبارك فيكى يارب
و.....................

إلى الأمام دائما

[Dr.nour]

اقتباسالمشاركة الأصلية كتبت بواسطة Fire Heartوالله عندك حق ف كل كلمة قولتيها
تسلمى على الموضوع الراااااااائع
وربنا يزيدك ويكرمك ويبارك فيكى يارب
و.....................

إلى الأمام دائما

ميرسى ع المرور الجميل
ومش دايما احنا بنكون على حق

[قلـــــــــــــــــم]

أول خطوات النجاح ....


الاحساس بالفشل


فكلنا فاشلون كلنا راسبون بلا إقترفات

لا يوجد انسان معصوم من الفشل والخطئ


المهم

أن يكن الفشل صفحة مطوية لا ننظر اليها


بل ننظر لربيع المستقبل


ولا نقول مثل فلان نجح والان بالطرق رطاح


بل نقول نجتهد لنصنع انجاز

موضوع قيم يستحق التميز


قلــــــــــــــــــــــــم

[سلطان الزين]

رسالتك جميله وفيها معنى يصعب فهمه الاّ من غااص في المعنى..!

ليس كل عمل يقوم به الإنسان في هذه الدنيا يفرح به , بل مرضاة الواحد الديّان هي العنوان وهي النجاة يوم القيامه..
المصيبه انّنا نسير وراء ملهيات زائله ونترك اعمال هي الأساس الّتي خلقنا الباري من اجلها !
سيدتي//
اشكرك بكل حرف كتبتيه هنا,واسأل الله الواحد الأحد ان يبارك في عمرك ويوسّع في رزقك...

[SiLver Spectra]

لو أنا دلوقتي خرجت في اي مكان ترفيهي
هل هتحس اني أنجزت شيء!!
دا لو حسب نظريتك ما أنجزتش اي حاجه
في حين انك لما بتخرج بتأثر أكيد على نفسيتك و زي ما بيقولوا بتفك أو بتغير جو و دا شيء بينعكس عليك بالايجاب بعد كدا

نفس النظام انتي لو بتكتبي في المنتدى
لو هتبص على مكسب مادي طبعا مافيش اي انجاز
لكن انت بتبص على مكاسب أخرى
منها مهاراتك في الكتابه و النقاش على سبيل المثال

انتي ما تقدريش تنكري ان المنتدى دا عرفك على اصحاب كتير بدون ذكر اسماء و بتتواصلي معاهم لحاد اللحظه دي

يبقى أنا ما ينفعش اقلل من قيمة اي شيء تحت حجه المكسب المادي
الصلاه دي مكسب روحي مش مكسب مادي

انت لو قرأت قصة في البيت
ايه الي انجزته ؟
برضو حسب نظريتك ما كسبتش حاجه
لكن في الحقيقة بتكسب ادراك خيال معرفة...
المنتدى نفس الوضع و النت نفس الوضع
استخدام النت بشكل سلبي أكيد مضر زي استخدام أي شيء بشكل سلبي

فلازم مش عشان شيء راح مني اشوفه انه بقى وحش و سلبي
ما انت الي استخدمته غلط!!

لو انت مثلا بتنظم نشاط اجتماعي
ممكن حسب نظريتك اقولك انت ما بتكسبش حاجه و بضيع وقتك!!
في حين النشاط الاجتماعي دا من خلال بتتعرف على ناس بتشوف ابداعات و غيره

نفس الكلام على المنتدى..المنتدى منظومه
مش بالشكل السطحي الي انتي قستيه بيه
و قولتي يعني تحظر و لا بترتب قسم يعني انت كدا أنجزت!!
طبعا أنجز
انتي لما كتبتي الموضوع دا أنجزتي
قلم بلا حبر لما بينزل قراءاته الخاصه بينجز
الانجاز عمره ما كان = مقابل مادي
لكن المنتدى منظومه بتحتاج نظام و ترتيب بحيث الكل يقدر يشارك بنشاطه و بابداعه
و في نفس الوقت يكون في نظام بيحكمه
ما تلاقيش مثلا حد يقوم داخل و شاتمك
لأ في نظام و ياخد حظر

أنا شخصيا خلال المنتدى دا نميت مهارات عندي كانت شبه مفقوده و منها الكتابه على سبيل المثال
و توظيف الخيال ..دا في حد ذاته انجاز ليك مشهود
أنا ناس كتير جدا ما يعرفش نشاطي بوريه مثلا اي من موضوعاتي المكتوبه
بيشوفها و بيقدر يقيم فكرك بعدها
يبقى انت هنا أنجزت فكريا

يبقى الخلاصة هي ان الانجاز له 4 أنواع
انجاز مادي: متعلق بالمال
انجاز روحي : متعلق بالعبادة
انجاز شخصي : متعلق بالشخص نفسه (نشاطات أو مهارات ..)
انجاز اجتماعي = يفيد المجتمع

الاربع عناصر بتوع الانجازات ما تقدرش تقلل من قيمة اي عنصر منهم
و الفشل بيتوجد في حاله عدم تحقيق ايا من عناصر الانجاز الاربعة

نورتي يا نور القسم بعد غياب

[yasmine refat]

موضوع جميل منك يانور

مش للدرجاتي يعني مفيش إنجاز خالص

بإمكانك تعملي خير في المنتدى وتنجزي زي موضوعك ده كتبتي تدي نصيحه ماتهملش المذاكره علشان النت

هل ده الموضوع مش شيفاه إنجاز منك أو عمل كويس؟؟؟

إلا طبعا أنجاز منك وعمل كويس إنك حبه توجهي توجيه للإعضاء

طبعا كل مازاد عن حده قلب ضده

لازم يكون في توازن ومنفضلش مسؤوليات عملها في تفضل منا على مسؤوليتنا الحقيقيه ((فلا ضرر ولا ضرار))

وبعدين دي موهبه عند ناس كتير وكل شخص لي حق بأنه يمارس مواهبه

فكل شيء تقدري تخلي إنجاز مش شرط يكون لي ناتج ينسب مباشرة لشخصك ممكن عمل بتفيدي بي غيرك لإنك حبه تفيدي الغير

وشكرا على موضوعك

[Đ σ ρ e s τ]

اقتباسالمشاركة الأصلية كتبت بواسطة SiLver Spectra

لو أنا دلوقتي خرجت في اي مكان ترفيهي

هل هتحس اني أنجزت شيء!!
دا لو حسب نظريتك ما أنجزتش اي حاجه
في حين انك لما بتخرج بتأثر أكيد على نفسيتك و زي ما بيقولوا بتفك أو بتغير جو و دا شيء بينعكس عليك بالايجاب بعد كدا

نفس النظام انتي لو بتكتبي في المنتدى
لو هتبص على مكسب مادي طبعا مافيش اي انجاز
لكن انت بتبص على مكاسب أخرى
منها مهاراتك في الكتابه و النقاش على سبيل المثال

انتي ما تقدريش تنكري ان المنتدى دا عرفك على اصحاب كتير بدون ذكر اسماء و بتتواصلي معاهم لحاد اللحظه دي

يبقى أنا ما ينفعش اقلل من قيمة اي شيء تحت حجه المكسب المادي
الصلاه دي مكسب روحي مش مكسب مادي

انت لو قرأت قصة في البيت
ايه الي انجزته ؟
برضو حسب نظريتك ما كسبتش حاجه
لكن في الحقيقة بتكسب ادراك خيال معرفة...
المنتدى نفس الوضع و النت نفس الوضع
استخدام النت بشكل سلبي أكيد مضر زي استخدام أي شيء بشكل سلبي

فلازم مش عشان شيء راح مني اشوفه انه بقى وحش و سلبي
ما انت الي استخدمته غلط!!

لو انت مثلا بتنظم نشاط اجتماعي
ممكن حسب نظريتك اقولك انت ما بتكسبش حاجه و بضيع وقتك!!
في حين النشاط الاجتماعي دا من خلال بتتعرف على ناس بتشوف ابداعات و غيره

نفس الكلام على المنتدى..المنتدى منظومه
مش بالشكل السطحي الي انتي قستيه بيه
و قولتي يعني تحظر و لا بترتب قسم يعني انت كدا أنجزت!!
طبعا أنجز
انتي لما كتبتي الموضوع دا أنجزتي
قلم بلا حبر لما بينزل قراءاته الخاصه بينجز
الانجاز عمره ما كان = مقابل مادي
لكن المنتدى منظومه بتحتاج نظام و ترتيب بحيث الكل يقدر يشارك بنشاطه و بابداعه
و في نفس الوقت يكون في نظام بيحكمه
ما تلاقيش مثلا حد يقوم داخل و شاتمك
لأ في نظام و ياخد حظر

نورتي يا نور القسم

نور
ازيك يــآقمر؟
موضوعك مشوق الصرآحهـ وفيه رفع للمعنويهـ
واللي عجبني في الموضوع كله انك ذكرتي المذاكرهـ هههههه
لا بجد اصل المذاكرهـ يضرب عليهــآ ميت مثآل
وانــآ مع دكتور طــآرق في حـآجآت كتير
الانجاز مش معنــآهـ انك اثرتي تأثير جـآمد وعملتي والكلام دهـ
الانجـآز بمعنى انك حسيتي انك عملتي حآجهـ لكن تقعدي وتاكلي وتشربي
وقاعدهـ مكـــآنك بدون حركهـ ده احبــآط تــآم مش انجــآز
تعريف الانجـــآز في جميع الاحوآل هوهـ انك تعملي حـآجه ليهـآ اثر ولو بسيط
احنــآ بنقول يــآهآدي على ويـآرب وفقنـآ وكدآ وفي النهــآيهـ العمل اللي كــآن قد النملهـ
بقى حــآجه عظيمهـ
كل اللي اقدر اقولهـ موضوعك في رفع للمعنويه بس الانجاز لا يقابله المـآل او السلطهـ


تحيـآتيـ

[♥..pure]

معنى كلامك وصل يا نور

بس انا مختلفه معاكى فى وجهه النظر اللى انتى بتقسيى منها

زى ما قال طارق بالظبط

انتى بتقيسى فتره قعادك على النت بانه فشل

طيب انتى ليه ضربتى مثل النت >> نجيى مثلا نقول الرياضه

فيه شباب ممكن يقضوا طول النهار فى الجيم والنوادى ولعب الكورة

وهما فى كليات علميه >> طيب انت ايه لزمه اللى انت بتعمله وانت مثلا هتطلع دكتور

يقولك انا بنمى موهبه عندى ممكن انتى من نظرك مش شايفاها كدة

بس هو مقتنع انه بيفيد نفسه وبيتعلم حاجات اكتر يوم بعد يوم

مثلا قولتى ان المشرف يرتب وينظم القسم بتاعه

انا هعلق على كلامك مش كلامى >> الترتيب والتنظيم

فكرك ان الحاجات دى سهله انك تدربى عليها وانك تكونى عندك الادارة وتحمل المسئوليه

تعرفى يا نور ان فيه مراكز دلوقتى بتدى كورسات فى الادارة وانك ازاى تنظم شغلك وحياتك

على سبيل المثال ،،، انا مشرفه قسم ما هعرف ايه اللى هعمله وايه المطلوب منى

هتعلم الالتزام ومع الوقت هتعود على انى اشيل شغل وانى انفذ المطلوب منى

تعالى شوفى بقا لما اكبر وامسك منصب او حاجة هل يبقى جديد بالنسبالى

اكيد عمرى ما هلاقى ادنى صعوبه فى الشغل لانى اوريدى متعودة على كدة

بالعكس بقا هاتى واحد اعد طول النهار على الكتاب ويقعد يصم ويحفظ ولا هو بيدرب على حاجة

يبقى حطيه فى نفس الموقف تلاقيه لبخه ولا عارف يعمل حاجة

اقولك على حاجة هتقربلك المثال >> فاكره الصيدلى اللى دخلناله مره وارتبك واعد يلقلق فى الكلام

فاكره احنا لما خرجنا قولتلك مش عنده حضور فى شغله يعنى واحد زى دة

مكنشى بيحتك بالناس فى الدراسه كان همه انه يخلص المذاكره ويروح الكليه وينام

عموما عشان تشتغلى صح لازم يكون عندك حضور وتفاعل وخبره بالناس

ودة عمره ما هيجى من فراغ >> انا اشهد بان المنتدى زود خبرتى من كل حاجة

معلش طولت عليكو بس ياريت وجهه نظرى تكون وصلت

بالتوفيق دوما يا نور

[حنـــــون]

الفكره كلها ان الحياه مجموعه حلقات مرتبطه بعضها

يعنى زى ما انتى محتاجه للصلاة فاكيد محتاجه لتغير الجو

وى ما محتاجه تذاكرى كمان محتاجه تنمى قدرة عقلك وتشوفى حاجات

جديده وتتعرفى على ناس وتكتسبى خبرات فى حياتك

يعنى احنا مانقدرش نستغنى عن حاجه ونكتفى بحاجه واحده واقول دى هتفدنى

والتانيه لاء لان اى شئ فى الدنيا لو بيضرك بقدر اكيد هيكون فادك بقدر اخر

فى النهايه الانسان ماينفعش يختزل حياته فى حاجه واحده بس

لازم دايما يحاول يكون متفاعل مع كل شئ فى الحياه وفى النهايه يختار الى يفيده

نورتى القسم يانور دوااااااااااااام الابداع ياقمرى