التكيـــــه

علاء البلتاجي · منذ /08-23-2011, 02:22 AM

ياللي ماسك في التكيه عايز أوجه ليك رساله

ان مصر دي جمهوريه و أنت مش صاحب الجلاله

أنت عامل تمثليه وفيلم عربي واشتغاله

واما تبعت بلطجيه تبقي دي اكبر دلاله
ان أنصارك ياريس
انت عارف مين كويس
يا إما جاهل او مهيس
او من الحاشيه الحثاله
أللي أكلوا بلادنا والعه واحنا أكلنا من الزباله
اللي سابوا شبابنا صايعه ع النواصي من البطاله
اللي كشفوا حريمنا سلعه للي يدفع في السفاله
وانت مديهم مبايعه يمصمصوا في دم الغزاله
لما ياكلوا اللحمه نية وانت بواب الوكاله
تبقي كلب ملكش ديه بلدي من أحقر سلاله
لما تعرف بالأذيه اللي منها الشعب لالا
ولا من شر الباليه كنت نايم في البلالا.....!!!!!!!!!!!!!!!!
ولو في عندك حسن نيه او في دم او العداله
او في عندك انسانيه يبقي قدم الاستقاله
الشعب كله خلاص في ضيق غلو جاب أخر الصفيحه
والعدو و الصديق أهانته لينا كانت صريحه
والبلد ولعت حريق و أنت فالح في النصيحه
واللي شوفته ده بل ريق دي النفوس شايله وجريحه
ازاي انا هوصف بالشعر
انا احنا تحت القاع و القعر
ملناش كرامه وقيمه وسعر
وعلينا كله بيتعالي
مصري اتقتل وكان برئ وعلقوه زي الدبيحه
والف حاج مات غريق وماتش كوره فيه 100 فضيحه
ولما خااااااالد كان جرئ والفساد طلعله ريحه
تموتوه في قلب الطريق بعد ما أكل الطريحه
30 سنه عايشين في الكبت
والوقت حان واللحظه أهي جت
علي ايد شباب الانترنت
بصراحه قدروا الواد والبت
يجيبوا للبرج أزاله
وخلوا كل الشعب يهيج
من كل حته خليط ومزيج
ومسيحي مسلم كله نسيج
طوبهم نزل مطره و كرابيج
علي الجمال و الخياله
ما إللي يعيش ياما لسه يشوف
عالم وناس وشها مكشوف
في حكومه تضرب بالمولوتوف..؟
تمسك مطاوي سنج وسيوف
علني في عز القياله
بخ سممك بالبطئ وكل يوم هتموت شريحه
هات عمر او هات شفيق انشالله حتي تجيب مديحه
رد فعلك كان بطئ مش عايز اقول كلمات أبيحه
فضلنا نسرخ سلميه وانت أللي وضطرت الحاله
فتحت السجون للحراميه منغير براءه ولا كفاله
تخطيط وفكر راس الحيه ابو سمعه نجسه وبطاله
من فوق وزاره الداخليه قناصته طلعت بنداله
تقتل في صوت الحريه وتصيب مناطق قتاله
ف أخوتنا في لجان شعبيه أترازلو ا ع الشرطه رزاااله
ماهو مين هيقبل او يرضا
يروح هدر دم الشهدا
يارب ياخواننا يابعدا
تتحاكموا مش تبقي قواله
مش جاي اتمنظر ولا جاي اتنيل
ولا كنت أتصور ولا عمري اتخيل
أني اشوف منظر الحرمه والعيل
والطلق في دماغهم يبقي احنا رجاله....؟
قالو زمان جارك السو يوم يرحل
ومسكت يامبارك في وبرنا وبتنحل
وبحبر أخبارك الصفرا تتكحل
كنتاكي ايه و يورو هو احنا برياله
صدرت أفكارك القذره للعامه
ونشرت اشرارك في الزحمه والضلمه
وكسبت انصارك بالرشوه واللحمه
ودخلت أفكارهم خلاط وغساله
ياديكتاتور جاااحد ده الشعب في رقابتك
علي دمه بتعاند ملعون ابو عادتك
دي الشعره من واحد بعيلتك وبرقابتك
ده دم ناس شرفا بيموتوا ببساله
في خطاب بتتمسكن خليتنا نتمعن
تدينا في مسكن وفي ضهرنا بتطعن
خليتنا نتجنن ونسب وبنلعن
وهتمشي في الأخر ياالثوره شغاله
لو كان في دستورك الموووت حلال شرعا
بكره تاخد دورك قريب اكيد قطعا
في موميا من دورك لسه هـ تتفرعن
ماتبص للأخره دي الدنيا زواله:
لو كان مايتسمي الاهوج الارعن
هو اللي مات لما قبل اما يتربعن
لا تجوز عليه الرحمه ولا عليك طبعا
لان في قلوبكم الرحمه متشاله

~..a7la smile..~ · منذ /08-23-2011, 08:41 AM

جميلهـ بجد
اول احب اشكرك ع الدعوة الجميلة ده
كلماتك حلوة بجد
مع انوا طوويل اوي
بس جميل
وله معاني كتير
استمر

وهج الايمان · منذ /08-23-2011, 08:47 AM

شكرا ع الدعوه الجميله
احساسك هايل ويارب دايما متالق
اسمح لي ابدي اعجابي بقلمك وتميزك واسلوبك الراقي وتالقك
وبجد كلمات صادقه وطلعه من قلبك
منتظرين المزيد

حـ,ـكـ,ـآيـ,ـهـ,ـ ۅطـ,ـنـ,ـ · منذ /08-23-2011, 09:05 AM

بلادي .. بلادي ..بلادي
لك حبي وفوادي..
الاخ علاء

ما أجملها من ترنيمة أفتتحت بها سطورك
مشاعر سامية تجاه وطنك الغالى
مصر
أهنئك وأهنئى كل الشعب المصري متمثل فى شخصك
كــــــــــــل عـــــــــــــــيد وانت فى عـــــــــزة وخـــــــــير

منور القسم وبصمتك فيها الابداع

استمر ولدي

فراااشه · منذ /08-23-2011, 09:39 AM

كلمات جميله عبرت عما داخل احساسك والفاظ سهله ورقيفه
بس لي ملاحظه بلاش كلمة تبقي كلب ملكش ديه بلدي من أحقر سلاله
بني ادم خطاء وخير الخطاءون التوابون

عندليب سيناء · منذ /08-23-2011, 09:45 AM

أشكرك يا علوهعلى الدعوة
شعر جميل جدا وكلام ليه معنى يسلمو كتير على طرحت

TIMO · منذ /08-23-2011, 09:48 AM

أشكرك على الدعوة الجميلة

و بجد شعر مميز و رائع

عجبتنى كتير تسلم على الموضوع الرائع

زهرة الحياة 2 · منذ /08-23-2011, 09:55 AM

اشكرك اخى على الدعوة
وبجد كلمات فى قمة الجمال والرووعة
ما شاء الله عليك اخى
بالرغم من انها طويلة بس بجد بتحمل معانى وكلمات
جميلة.
بالتوفيق لك اخى
استمر ولا تحرمنا منجديدك
دمت بكل خير