هاتطبخى إيه النهاردة مع عاشقة الهدوء

[دمعه حائره]

[IMG]http://www.***************************/files51/06_05_2012_a21113362527531.png[/IMG] صباح الخير هوبه ازيك وعامله ايه صباح العسل كويسه ياحببتى انا صحيت النهاردة وجيتى على بالى قولت اخبط عليكى ونشرب كوبايتين شاى سوا ونرغى شويه مع انى سايبه القسم على بعضه بس هانعمل ايه يا اختى تعبت ايه اخبارك قوليلى وماله ياروحى ولا يهمك أنا وأنتى والله القسم وشغل البيت والدنيا هايصه ربنا يعينا على حالنا :biggrin: روقتى الشقه ولا لسه؟ أيون روقتها وشويه وهغسل هدوم تعالى أغسلى معايه يامنه نوبك صواب فيه ههههههه ومالوا ياحبيبتى نغسل مانغسلش ليه هاتى الشاى هاتى وقوليلى هاتطبخى ايه النهارده احلى كباية شاى ياسلام هو أحنا عندنا كام منه أتفضلى ياحببتى وبالنعناع كماان الله تسلم ايدك ياأحلى هوبه وعندك الحاجات فى التلاجه ولا لسه هتنزلى السوق لا عندى كل حاجه لآن عندنا السوق يومين فى الآسبوع بجيب الطلبات كلها ولو فيه حاجه ناقصه جمبنا المحلات كتير والسوبر ماركت طيب بتحبى تطبخى بالسمنه البلدى ولا الزيوت بالسمنه البلدى والزيوت مع بعض والملح والشطه اخبارهم ايه معاكى؟ الملح والشطه أهم حاجه فى البيت مش بنقدر نستغنى عنهم بس بصراحه بنحطهم فى الآكل فى حدود المعقول لآننا متعودين على كده أكلنا كله ملح قليل وعامتا البهارات بجميع أنواعها فى حدود المعقول هيه كمان وياترى شاطرة ولا نص نص؟ أيوه الحمدالله ألى حد ما كويسه يعنى أسد برضه :biggrin: بس بحب نظافة البيت أكتر لو قعدت طول النهار فيها مزهقش أما الطبيخ بزهق منه بسرعه وبتخنق أقعد طول النهار فى المطبخ هههههه بس كويسه فى الطبيخ ودى حاجه لابد منها وأساسيه يعنى :biggrin: مين بئا علمك الطبيخ؟ ماما حببتى ربنا يخليها ليه يارب وميحرمنيش منها طباخه وست بيت شاطره آمين يارب ربنا يخليهالك طيب ايه اول طبخه عملتيها وياترى عجبتهم فى البيت ولا أكلتيها لوحدك؟ لا الحكايه دى قصه لوحدها هههههه أول طبخه عملتها لوحدى يامنه كانت مكرونه وبيض وسلطه المهم أيه كان عندنا ضيف كان أبن خالى كلنا قاعدين فماما قالت أيه عاوزين نعمل أكل ياهبه عشان أبن خالك وكده هنعمل مكرونه سريعه كده وبيض وسلطه قولتلها ماشى ياماما وأنا الى هطبخ قالتلى لا مش هتعرفى وهتبوظى الدنيا يوميها بقه صممت وألا لازم أطبخ أنا جه أحمد أبن خالى قالها سيبيها ياعمتوتطبخ وتتعلم ولو طلع الطبيخ محروق هاكله برضه ههههههه قالتله يعنى يوم ما تتعلم تتعلم وأنت موجود أحنا ياسيدى ياسيدى:biggrin: كده هنجوعك يا أبنى ههههه أه وربنا راح قايلهاولا يهمك ياعمتو وأنا قاعد مستنى طبعا أنا ركبى بتخبط فى بعضها وأخدتها تحدى وروحت داخله على المطبخ وشمرت هههه ونزلت بقه أول غلطه عملتها جيت عشان أسلق المكرونه هههههههههه حاطيت الميه طبعا وروحت حاطه المكرونه هيه كمان فى الميه الساقعه قبل ما أغليها هههههههه يانهار ابيض ياهوبه وسيبتها بقه شويه فى الميه على ما قطعت البطاطس وكنت بحضر فى السلطه هيه كمان فماما بتسألنى بالصدفه كده بتقولى ياهبه أنتى حطيطتى الميه تغلى عشان المكرونه روحت مبلمه هههههه أيوه ماما مش أنا بحط الميه وبعدين المكرونه وسيبها تغلى راحت ماما مصوته هههههه أنتى حطنيها امته ومش عارف أيه قولتلها بقالى ربع ساعه خلاص طلعيها أنا عارفه أنك هتبهدلى الدنيا خلاص هيه باظت كده وقولتلها لا ياماما مش بااظت أنا هظبطها وهخليها زى الفل روحت مطلعاها من الميه بسرعه وروحت غاليه الميه تانى وقومت حاطه المكرونه وطلعت زى الفل والله وكانت المكرونه أظاهر من النوع الحلو أستحملت كل ألى حصلها ويوميها والله كملت الآكله وحلفوا بيها ويقولوا ألا هيه هههههههههه بعد ما ماما كانت فاقده الآمل وبهدلتنى طلعت ناصحه وشاطره وفضلت ورى المكرونه لحد ما ظبطها بس ودى كانت قصة حياتى فى أول طبخه طبختها :biggrin: ههههه لاشاطره بجد وعرفتى تنقذى المكرونه كويس انا اعرف واحدة غسلتها الاول ذى الرز:biggrin: وكان عندك كام سنه ايامها؟ كنت لسه صغيره تقريبا كان عندى 19سنه رغم أن فيه بنات فى السن ده لهلوبه ههههههه وواعيين كده وشاطرين أنا كنت مدلعه نوعا ما بس مش كتير والله طول عمرى متمرطه برضه هههههه لآنى البنت الوحيده ومين هيساعد ماما ألا أنا بس الطبيخ ماما ألى كانت بتقوم بيه عنى أاما أنا طول عمرى شاطره من وأنا صغيره فى نتضيف البيت ولهلوبه :biggrin: لو انبوبه البوتجاز خلصت وانتى بتطبخى تعرفى تغيريها؟ أه طبعا هوه تغيير الآنبوبه فيه فقاقه هههههه وفيه ناس فعلا لحد الآن مش بيعرفوا يغيروا الآنبوبه يلا ورينى شطارتك وعرفينى هاتطبخى الاكله دى ازاى وبالصور ياقمر حاضر من عيونى طبعا الآكله دى أحنا عملنها أمبارح أنا وماما عشان بروح شغلى وكده بس سعدتها كتير فيهااااا وهيه مكرونه باشميل طبعا أحنا كلنا عارفين طريقتها هجبلكم طريقه الطريقه دى بنعملها بس فيه حجات منها مش بنحطها فى المكرونه الى أحنا بنعملها عندنا فى البيت بس طبعا دى طريقه من على النت مشابهة تماما للى أحنا بنعملها دون بعض أشياء بس ونبدأ معا على بركة الله: المقادير المطلوبة: - مكرونة مسلوقة - صلصة الباشميل - لحمة مفرومة معصجة - جبنة موزاريلا مبشورة والآن لعمل اللحمة المعصجة نستخدم: - بصلة مفرومة - لحمة مفرومة - حبة طماطم مفرومة - صلصة طماطم - فصين ثوم مدقوقين (هناك من لا يفضل استخدام الثوم) - ممكن خضار مشكلة وأنا هنا استخدمت ذرة مفرزنة (هناك من لا يفضل استخدام الخضار أو الذرة) - ملح وفلفل أسود وبهار طريقة عمل اللحمة: نسخن الزيت عالنار ثم نضيف البصل المفروم ونقلب قليلا إلى أن يذبل لونه نضع اللحمة فوقه ونقلب جيدا تترك إلى أن يتغير لونها إلى اللون البني ثم نضيف الثوم ونقلب (تذكرة هناك من يفضل ألا يستخدم الثوم) تضاف قطع الطماطم وتقلب جيدا تضاف الذرة (أو الخضار) ونقلبها وتترك إلى أن تذبل الطماطم (تذكرة هناك من يفضل ألا يستخدم الخضار أو الذرة) ثم نضيف الصلصة تترك على النار إلى أن تتسبك وتصبح جاهزة لعمل البشاميل نحتاج إلى: - كوب طحين تقريبا 7 ملاعق كبيرة - لتر من الحليب أي تقريبا أربع أكواب - مكعبين ماجي - زبدة - ملح وفلفل أسود وبهارات نضيف الطحين مع الحليب عالبارد يوضع على النار و نحركهم بالمضرب السلك إلى أن يذوب الطحين تماما و يختفي بعد أن يسخن بقليل نضيف الماجي والملح والفلفل الأسود والبهارات وطبعا لا نتركها أبدا بل نستمر بالتحريك حتى لا تتكتل نضيف الزبدة نستمر بالتحريك إلى أن يثخن قوام البشاميل هكذا ترفع من على النار و الآن التطبيق (وضعها في الطبق) اللحمة جاهزة والبشاميل جاهز والمكرونة خلاص اتسلقت نضع المكرونة المسلوقة في طبق عميق أو قدر ونضيف فوقها نصف كمية البشاميل نقلب المكرونة مع البشاميل جيدا حتى يمتزجوا وممكن إضافة القليل من الجبنة الموزاريلا معها نحضر صينية الفرن وندهنها بقليل من الزبدة ونغطي قاع الصينية و الحواف بالبقصمات نضيف طبقة من المكرونة ثم نفرد فوقها اللحمة ثم طبقة المكرونة الثانية و نغطيها تماما ثم باقي صلصة البشاميل هكذا نوزع الجبنة المودزاريلا المبشورة فوقها ندخلها فرن ساخن لمدة نصف ساعة أو أكثر إلى أن تتحمر الأطراف نفتح الشواية و نحمر الوجه نتركها تبرد شوية قبل التقطيع حتى لا تهترئ أثناء التقطيع شكلها حلو ممممممممممم تقطع يللا هاناكل مممممممممممممممم و تقدم مع السلطة عارفه مفيش وقت للسلطة دلوقتي الطريقه دى يامنه فيها حجات بصراحه جديده هجربها بأذن الله لما أجى أعمل مكرونه باشمل تانى وطبعا أحنا لما بنيجى نعمل مكرونه باشمل بنعمل كميه كبيره شويه عشان نتغدى بيها على يومين يعنى أمبارح والنهارده مكرونه باشمل تعالوا بقه أتغدوا معانا النهارده ههههههه ياارب أكون ضيفه خفيفه عليكى يامنون وعلى الجمهور أحم أحم كانت معكم الشيف هبه من أمام بوابة منتدى بنات مصر :biggrin: ربى يسعدكم أحترامى للجميع نورتيى الحلقه هوبه حبيبتى وجوعتينا وعلى طول لازم نجرب الوصفه الحلوة دى بالهنا والشفا ومانتحرمش منك ابدا اروح أنا بئا لحسن إتأخرت سلامو عليكو

[واد حبيب]

والله يا دمعه مش عارف اقولك ايه
احنا عمنا فيكي ايه بس علشان تعملي فينا كده
المنتدي مليان بنات بتعرف تطبخ كويس
وانتي جايبه واحده ولا بتعرف تطبخ ولا بتعرف تعمل حاجه
الحاجه الوحيده اللي بتعرف تعملها انها تاكل البط
ياله نعمل ايه بس لزم اشكرك يا دمعه علي البرنامج الجميله دي
والحلقه الجميله جدااااا والله
اما عاشقه الهدواء انا اقولها منوره واجابتك جميله بس من غير نفس هههههه
تقبلو تحياتي لكم
الحبيب

[مشتاقه للجنه]

والله براافوو عليكى يا هوبه

بجد حلقه مميزه جدااا

والمكرونه تووحفه

فى انتظار الضيف التالى يا منون

موفقين

[عاشقة الهدوء]

=واد حبيب;3212436]والله يا دمعه مش عارف اقولك ايه
احنا عمنا فيكي ايه بس علشان تعملي فينا كده
المنتدي مليان بنات بتعرف تطبخ كويس
وانتي جايبه واحده ولا بتعرف تطبخ ولا بتعرف تعمل حاجه
الحاجه الوحيده اللي بتعرف تعملها انها تاكل البط
ياله نعمل ايه بس لزم اشكرك يا دمعه علي البرنامج الجميله دي
والحلقه الجميله جدااااا والله
اما عاشقه الهدواء انا اقولها منوره واجابتك جميله بس من غير نفس هههههه
تقبلو تحياتي لكم
الحبيب


هههههههههه انا مش عارفه أيه الى بيجيب الواد ده هنا مش قولتلك أطلع بره يا أبنى هههههههه

وبعدين أيه ألى مضايقك أعرف أطبخ معرفش أيه الغلاسه دى

وأيون بحب البط بموت فيه بالعند فيك :sml46:

ولازم يا أبنى يكون البرنامج جميل وعسول مش أنا ألى منضافه فيه ياسلام

عجاايب والله ومنور ياعم البواب ههههههههههه

ومن غير نفس برضه :hayth1:

[mīĐŏ ǺĻ ƒâηâη]

تسلمـى يـآدمعه ع الحلقه الجميله دى
والعضـوهـ المحبـوبه عـآشقة الهدوء منور
وآجـوبه جميله منك
متـآبع معـآكـى

[♥..pure]

هههههههههههه
ي نهار ابيض ع الضوحك اللي هنا
بس مين دي يا منه اللي غسلت المكرونه
والله انتو زي العسل
انا اول مرهـ اعمل بيض كان عندي 10 سنين
ماما قالتلي حطي ميا وحطيه وولعي عليه
بس مقلتليش اطفي امتى بئه
سبته ونمت وصحيت لقيت مدخنه هههههههههههه
فكرتوني بالذكريات الهباب دي
بابا لسه ماسكهالي لحد دلوقتي
بس ميه ميه والله يا هبه
بس هو انتي عندك كام سنه !!
اصلك بتقولي كنت لسه صغيرهـ [ 19 سنه ]
يلا منورين والله
دوام التالق

[واد حبيب]

اقتباس المشاركة الأصلية كتبت بواسطة عاشقة الهدوء =واد حبيب;3212436]والله يا دمعه مش عارف اقولك ايه احنا عمنا فيكي ايه بس علشان تعملي فينا كده المنتدي مليان بنات بتعرف تطبخ كويس وانتي جايبه واحده ولا بتعرف تطبخ ولا بتعرف تعمل حاجه الحاجه الوحيده اللي بتعرف تعملها انها تاكل البط ياله نعمل ايه بس لزم اشكرك يا دمعه علي البرنامج الجميله دي والحلقه الجميله جدااااا والله اما عاشقه الهدواء انا اقولها منوره واجابتك جميله بس من غير نفس هههههه تقبلو تحياتي لكم الحبيب هههههههههه انا مش عارفه أيه الى بيجيب الواد ده هنا مش قولتلك أطلع بره يا أبنى هههههههه وبعدين أيه ألى مضايقك أعرف أطبخ معرفش أيه الغلاسه دى وأيون بحب البط بموت فيه بالعند فيك :sml46: ولازم يا أبنى يكون البرنامج جميل وعسول مش أنا ألى منضافه فيه ياسلام عجاايب والله ومنور ياعم البواب ههههههههههه ومن غير نفس برضه :hayth1:

ههههههههههههههههههههههههههه
انا كنت ماشي بصدفه شوفت الموضوع مكنتش اعرف ان انتي فيه
بس ياله ما علينا عارفه اللي مضايقنا ايه ان لما تجوزي مش هتعرفي تاكلي جوزك
وهتسبيه جعان وتاكلي البط ههههههههههههههههه
البرنامج جميل فعلا مقدرش اقول في حاجه علشان دمعه اللي عملاه بس
انتي بقا طلعي بره علشان الناس تدخل ترد
هههههههههههه:079:
الحبيب

[~CuTe.GiRl~]

الله الله

الحوار رائع جداااااااااااااا


واتلمكرونه تجنن بجد جوعتينا

بالتوفيق

[countess]

هو اليوم العالمي للطبخ ف المنتدى

حلقة حلوات يا صبايا

يلا شالوم

[Mind language]

حلقه جميله منك ياقمر
واستضافه اجمل موفقين
دائما باذن الله