حائره..على جسر من الذهب

[دمعه حائره]

يمر العمر ملىء بالأحداث والكثير من الأشخاص

تأتى أوقات مليئة بالضيق والحزن أتقبلها بنوع من التسليم

على أنها قدر وإبتلاء يجب الرضى به حتى يزول


تأتى مواسم الحزن على فترات تأخذ من طاقتى ماتشاء

ويخفف من حدة خسائرها هبوب نسائم الفرح من وقت لآخر

أدركت أن الأيام تتوالى تباعا بمختلف المشاعر والآحاسيس


عرفت أن التخطيط للفرح والسعادة ليس بالأمر الصعب

لكن الصعوبة تكمن فى كيفية تحقيقهما ومع من ستعيش تلك اللحظات


زرعت بساتين من الأمل والتفاؤل تسر عينى فى لحظات اليأس

وردمت آبار من الحزن كادت أن تغرقنى أعوام فى ظلامها

اجتهدت حتى لا أصاب بنوبات الخذلان والإحباط


والآن جاء موسم الحصاد لأحصد ماصنعت وأعد المكاسب

نعم خسرت الكثير وهناك من كانت خسارته فادحة ولاتعوض ..


لكن فى المقابل كانت المكاسب مرضية الى حد الرضى

لأستقبل عام جديد عام أعتقد أنى أعرف فيه ماذا أريد

mena_hassan

26-12-2016

[دمعه حائره]

مهما كنت قاسية عليك وبحاول اكون شديده
حبك مالى عليا الدنيا قريبه منك او حتى بعيده
وابعتلك ألف رساله...
انا عايشه فى حيره وحيده
وهاستنى تجيلى تقولى سنة حلوة عليكى وسعيدة
mena_hassan

[دمعه حائره]

خلصانة بشياكة
والعمر اللي راح كله هاعتبره
ولا حاجة

ايه يعنى حبيت ناس مايعرفوش احساس
الحب بزيادة

عايشين كده وخلاص من غير قيم وأساس
وكدبهم عادة

وان جيت تفهمهم وتروح تكلمهم
بالذوق وبهوادة


طب ليه يابنى آدمين ده الكدب آخرتة طين
والصدق ده عبادة

ساكتين ولاهاممهم الطبع ده عاجبهم
ويردوا ببلادة

ماتكبر كده عقلك وفين تكون مصلحتك
هاتلاقى منا إشادة

وان كان ده مبدأهم الحل انى افارقهم
والبعد فيه إفادة

خلصت وبشياكة ومن يوم مافارقونى
انا عايشة فى سعادة
mena_hassan
3-1-2017

[دمعه حائره]

محتاجة اطمن طمنى
محتاجة اتأكد إكمنى
انا ببقى معاك جدا خايفه
إنك فى يوم تبعد عنى
mena_hassan

[دمعه حائره]

حمد لله على سلامتك يامنتدنا ياغالى
ويارب كل الاعضاء تكونوابخير وترجعوا تنوروا كل الاقسام

[دمعه حائره]

العطل المرادى طول شوية فى المنتدى
وفيه اخوات كتير مش بتواصل معاهم غير هنا
ومش عندى على الفيس
اتمنى يدخلوا كلهم اطمن عليهم ويكونوا بخير
دى عشرة سنين طويله مش بالساهل تتنسي
وان شاء الله المنتدى يستقر حاله ويرجع احسن من الاول

[دمعه حائره]

خبيني من الدنيا ومن كل الناس
ده انا عايشة معاك اجمل احساس
حلم حياتي لقيته انا فيك...
وهاقول للحزن بعدنا خلاص

خليك قصادى وشوفنى بعنيك
وفى عز ضعفى قوينى بيك
ده انا بنسي الدنيا وانا بين ايديك
وبحب روحى عشان هى فيك

عمرى ابتدى لما شوفتك
ونفسي اكمل حياتى جمبك
لوانت قريب او حتى بعيد
وقفت حياتى خلاص عليك

لو يوم خاصمتك تخاصمنى روحى
من غيرك ياعمرى يداوى جروحى
دى الدنيا حلاوتها عشان انت فيها
وحروف اسمى بتحلى لما تناديها

هاحكى عنك ولسه هاقول كتير
يالى من كل الناس عليك بغير
اخبيك فى قلبى وجوا عينى
وادعيلك انك تكون بخير
كل عام وانت حبيبى
14-2-2017
mena_hassan

[دمعه حائره]

فى عتمة الليل الطويل جلست تغزل رداء احلامها

وتطير بخيالها فوق الغمام تبحث عن ضياء نور يملأ قلبها

يبدد ظلام وحدتها ك قناديل حنين يعج ضوئها حنايا الروح

لطالما كانت هى إمرأة حالمه يمتلىء صندوق أحلامها بالأشعار

تستمد تفاؤلها من تلك الورود التى تتسلق شرفتها

وتنتعش روحها من أصوات العصافير على الشجرة

التى تعمر حديقتها منذ ان خلق الحب بداخل قلبها


ويذكرها المطر المتساقط على نافذتها بدقات قلبها عند رؤيته

فكانت تلك الليلة تجتاحها شلالات من الشوق

أغرق كل حصون التماسك بداخلها

دائما كان يكبرالأمل بداخلها أن القدر يحمل لها نرد الحظ ولو لليله

يأتيها طيفه ولو فى حلم يحمل تلك الإبتسامة الحانية

التى تحيى فيها قلب اوشكت أن تنتهى صلاحيته

لتعود خاويه اليدين إلا من الحنين..

فتودع قمرها الباكى وتغلق ستائرها البالية من الإنتظار

وتنام داخلها تلك الطفلة التى قاسمتها الحلم ليالى طويلة
mena_hassan

16-2-2017

[دمعه حائره]

عارف ايه ميزك عن بقيت الناس؟
انك تملك قلب طيب حساس
علم قلبى الطيبة فى دنيا قسوتها رهيبة
وازاى يعيش وسط البشر يعلمهم الحب والإخلاص
mena_hassan

[دمعه حائره]

ذكريات مرت علينا

نفتكر ايامنا فيها

تترسم فى عيونا ضحكة

مهما كانت هى صعبه

عيشنا فيها جوا محنه

بردو حلوه

حلوة قد ليالى فاتت

الكل كان فاكرها ماتت

بس عايشة

عايشة جوا كل كلمة حب صادقه

بنفتكرها مع كل ضحكة صافية

تكبر معانا

زى طفلة بريئة طاهره

ماتعرفش معنى الخاينه

ذكرياتنا

هاتفضل باقيه طول حياتنا

مش هاننسى

مين حاببنا او مين بيقسى

ومين فاكرنا لسه