حائره..على جسر من الذهب

[دمعه حائره]

زى النهاردة من سبع سنين سجلت فى المنتدى
ولأول مرة هقولها كانت السنه دى فترة صعبه جدا عليا
كنت بمر بأزمة كبيرة محدش عرف يخرجنى منها
المنتدى وكل اللى عرفتهم فيه قدروا يخرجونى من الأزمة دى
وبدأت معاكم مرحلة جميلة فى حياتى اتعلمت كتير فيها
واتعرفت على ناس أثروا فيا بشكل كبير
شوفت المنتدى فى كل فتره كان بشكل جديد
سواء الاعضاء او الاستايل أو المواضيع والأفكار فيه
مريت بكل المناصب والألوان صاحبت ناس وفارقت غيرهم
وبعد سبع سنين لسه بحب المنتدى بنفس الدرجة ومرتبطة بيه
لكن المنتدى مبقاش يساعدنى اخرج من ازماتى ومشاكلى
وسايب فراغ كبير اوى
بحاول اتجاهله بس الظاهر الوضع اللى احنا فيه اقوى منى
لكن انت لما بتحب مكان مابتفكرش هتاخد منه ايه
او هتستفيد ايه كفاية شعورك ناحيته
بحاول افضل مكملة لانى بجد بحب المكان ده وفيه ذكريات كتير حلوة

[دمعه حائره]

لم أسمع عن ترياق يداوى آلآلآم الخذلان

عن وادى تتيه بداخله صرخات الأحزان

عن بحر عن مدن عنوان شوارعها التوهان

لألملم شتات خيباتى وأسافرعبر البلدان

أهرب من ماضى من ذكرى بلا عنوان

أهرب لأرض قاحلة بلا زرع بلا إنسان

وأحاور نفسى أسألها ماذا بعد الآن ...

وبداخل عينى دمعه هل تبكى غدرالخلان

وفى قلبى أشواق وصلت لحدود الهذيان

أحتاج لترياق يشفينى من غصات الكتمان

أحتاج لغفوة تكفينى وبعضا من نسيان

mena_hassan

28-10-2018

[دمعه حائره]

وأغار عليك من قلمى
كل ما بوصفك يهذى

وأخفيك بين ثنايا حرفى
حتى لايعرفك غيرى

فأنا مازلت على وعدى
ستبقى وحدك فى قلبى

وأسهر فى الليل وحدى
أناديك وهل الشوق يكفى

ياراحلا ترك الفؤاد يبكى
من الغياب ماذا ستجنى

ياتاركا الروح لك تهوى
متى يحين اللقاء وتأتى

mena_hassan
1-11-2017

[دمعه حائره]

قربنى ليك ده أنا عايشه بيك
وعمرى إبتدى لما لمحتنى بعينيك
كلمة بحبك ماعرفتهاش إلا منك
وبتكمل حياتى لما أكون جمبك
اللى عيشته قبلك أنا مش فاكراه
واللى جاى معاك بس هاتمناه
من غيرك هاحبه وأخاف عليه
وملكت الدنيا وانا بين إيديه
مكتوبلى أحبك وروحى فيك
والحب كله أنا خليته ليك...
4_11_2017
mena_hassan

[دمعه حائره]

بعد غياب رجعت تانى ماهو انا مقدرش استغنى عن المنتدى وكل اللى فيه
الايام اللى فاتت كانت صعبه كلها تعب من تغيير الجو البيت كله كان عيان
وانا اكتر حد تعب لانى كنت بقاوح ومش عاوزة البس هدوم تقيلة
بس الحمد لله عدت على خير وربنا يقدرنا على الشتا اصلا مش بحبه ابدا
مع احترامى لكل عشاقه بس هم اكيد عيانين دلوقتى هههههه
اتمنى المنتدى يكون فى افضل حال
وشدوا حيلكم معانا شوية نشغله زى زمان ان شاء الله

[دمعه حائره]

حادث مسجد الروضة بالعريش
من ابشع حوادث الإرهاب مش بس عشان العدد لكن انتهاك حرمة المسجد
لمجرد فكر متطرف وارهاب دولة وشعب
ده يدل على ان الجماعه دى بتتحرك باهداف سياسية وملهاش اى علاقه بالدين
سمعت انهم قتلوهم عشان بيتبعو المنهج الصوفى
حتى لو ده هدفهم صحيح ،،ميبقاش فى الجامع وبالعدد ده
تقصير امنى كبير وخصوصا فى بلد زى دى حصل فيها تهديدات للناس
من فترةوتفجير الأضرحة
وصدمة كبيرة عايشين فيها والمشكلة مابنلحقش نفوق
ربنا يرحم الشهداء ويصبر اهلهم

[دمعه حائره]

فى الكنايس والجوامع
اللى ساكت واللى سامع
شوف معانا كام شهيد

اللى مات بيحمى أرضه
واللى بيفدى بدمه عرضه
واللى عشان بيقضى فرضه
مات فى صلاته ويوم العيد

شوفت رصاص الغدر لما
كان بيقتل محمود وحنا
مش من بلدنا ولا حتى دينا
ملهومش مِله ملهومش ذمه
ارهاب جبان وده شىء أكيد

إقتل ودمر كمل وزيد
إحرق بيوت إيه راح يفيد
زود إيمانا قوة وعزيمة
وإرادة من حديد
mena_hassan
26-11-2017


صفحتنا على الفيس بوك

[دمعه حائره]

كل النداءات لم تعد تجدى
وكأن الأذان صمت والقلوب تحجرت
فمتى تلين قلوب بالقسوة تزينت
ومتى تهدأ نفس ليالى تحيرت
Mena

[دمعه حائره]

سلام الله عليك يانورالهدى
ياخير خلق الله يامحمدا

يامن بنوره زال الدجى
وبمولده الفرح ابتدا

عاش بالاخلاق معطرا
وبالصدق كان مطهرا

أتيت بالقرآن مبشرا
ورفعت إسم الله موحدا

سلام الله عليك ياأحمدا
ماخاب من بسيرتك إقتدى

صل الله عليك ياخير الورى
فى القلب والروح لك الفدى
mena_hassan
29-11-2017

[دمعه حائره]

نعيش الحياة بكل مافيها من متناقضات

فهى ليست دائمه على حال

نقابل أشخاص وتمر فى حياتنا معهم مواقف

قد يكون لهم أثر وبصمة فى داخلنا صعب نسيانها

نرتبط بهم أو بهذا الأثر فينا

ولأن دوام الحال من المحال يفعل الفراق بيننا مايشاء

نبحث عن الأسباب ربما تكون منا ولاندرى

ربما مصالح وجدت آخر طريقها معنا

أو لغة التفاهم أصبحت مستحيلة بعد إستنفاذ كل الفرص لها

فوجدوا من سيكمل معهم رحلة الحياة بشكل أفضل

فتقع النفس فريسة لدوامات من الحزن والهموم

وتتعب من كثرة الأسئلة وإيجاد الأسباب والندم على مامضى

لكنه فى الواقع تلك حقيقة الحياة ويجب التأقلم معها

فالحياة لا تعطى على الدوام

فهناك مكسب وخسارة

هناك قرب وفراق

حياة وموت

الحياة تلقنا دروس ويجب علينا أن نستفيد منها

ونعى من البداية ماعيلنا ومالنا
لنستطيع التأقلم معها

mena_hassan

4-12-2017