حائره..على جسر من الذهب

[دمعه حائره]

وغيره ماليش ومش بنساه
لان اللى بينا حكايه حياه
بعيشها وبفرح وأنا وياه

وفى غيابه عنى بنده عليه
وبسأل وأقوله غيابك ده ليه

نسيت حلم كنا سوا حلمناه ؟
نسيت وعد منك ماتنساه !

حياتى خلاص وقفت عليه
ونفسى يعرف بحبه قد إيه

ولو عدى عمرى هستناه
لأن اللى بينا حكاية حياه
هعيشها عشانه ومش هنساه

27-12-2017

mena_hassan

[دمعه حائره]

كل عام وانتم بخير وسنة سعيدة عليكم ان شاء الله
حاسة ٢٠١٨ هتكون سنة مختلفة فى كل شئ
ومن دلوقتى ان شاء الله هكون راضية بكل اللى يحصلى فيها
لو خير او شر هاحمد ربنا على كل اللى يجيبه

[دمعه حائره]

لأجلك كان الهوى ولأجلك تركته
فلا هوى بعدك ولا عشق عشقته
ولو يسألونى أين الحنين
سأقول بين حنايا القلب دفنته
mena

[دمعه حائره]

اقتباس المشاركة الأصلية كتبت بواسطة إيلاانا إذا ناداني الله قبلك .... وسبقتك إلى الجنة برحمة الله فإني سأنتظرك عند الله فلا تتأخر تعال وحدك لا تأتي بصحبة أي امرأة تجرد من كل نساء الأرض فأنا انتظرك هناك وحدي بلهفة واشتياق لتكون هناك أيضا لي وحدي سأطلب ذلك من الله .

ياايلانا متعرفيش مشاركتك دى وقفت قصادها قد ايه وفضلت اعيد قراءتها
حسيت الكلام لدرجة معرفتش اقولك ايه فى تعليق وادعيلك بأية
كل اللى اعرفه ان لو ربنا عاوز يجمع بين قلبين هيجمعهم مهما كانت الظروف
واحنا ماعلينا الا الدعاء والتمسك بالامل
ربنا يطول بعمرك وينولك اللى فى بالك ويريح قلبك
انتى وكل اللى يقول آمين وانا معاكوا بقى

[دمعه حائره]

الشغف هذا الخيط الذى يربطك بروح الحياة
يجعل كل مافيها له طعم ولون
إحساس بالفرح فى كل ماتقوم به فى حياتك
التطلع والرغبه فى كل جديد
إرتباطك بحاله خاصة بكل ماهو حولك
سواء مقتنيات أو أشخاص أو حتى ميول

الشغف يجعل عيناك دائما فيها بريق يلمع أمام مايهمك أمره
الشغف يجعل قلبك واحة خضراء ملؤها الخصوبة بفعل الحب
يمنع الظلام من أن يقترب من أركانك أو اليأس يحطم معنوياتك

مؤلم هو غياب الشغف يحول روحك لصحراء قاحله لاأمل فيها
يطفىء بريق عينيك ولاتلمع أمام ماكان يلفت إنتباهك
يسرق إبتسامه كانت تدخل البهجة على روحك

غياب الشغف كغياب الروح من الجسد
هى حاله تأتى بعد الكثير من الخيبات والخذلان
ليضعك فى ركن من الكآبة
بفقدان الشغف تفقد الرغبه فى كل شىء
وتنسى معنى اللهفه والبسمه والحلم
ويبقى فقط الإستسلام والوحده
ولايخرجك من هذه الحاله سوى الإرادة والإيمان
والا ماتت رغبتك فى الحياة
mena_hassan
14-1-2018

[دمعه حائره]

اشتركت فى مسابقة ابوعصام اللى بشكرة عليها جدا
وانه بيحاول يرجع للمنتدى نشاطة
وبرغم ان مفيش جوايا اى رغبة ولا احساس اكتب جديد
بس اشتركت عشان اساهم معاهم باى حاجة واى قسم
فقدان الشغف اللى كتبت عنه اخيرا
مش بس حاله ده بقى واقع عايشينة
نوع من الاستسلام وصلنا للامبالاة مش مفهومة
ولا معروف هتنتهى امتى
ولازم عشان نخرج من الحالة دى
ننسى حاجات كتير لسه عندنا امل فيها
نعيش الواقع ونتقبل الالم والسلبيات اللى فيه
الله كريم وقادر يوصلنا للافضل

[دمعه حائره]

ناس كتير بتفتكر ان الحب اهم حاجة فى العلاقات
لكن الحقيقة ان القدرة على الحب هى الاهم
انك تقدر تحب حد يعنى تقدر تضحى عشانه
بوقتك باهتمامك تقدر تفضلة على نفسك ساعات
انك تقدر توفى بوعدك ليه وتكون مصدر ثقة وامان
الحب مش كله اوقات حلوة ومشاعر وكلام جميل
الحب مواقف وتكون سند للى بتحبه
وقت ضعفة تقوية وقت مايحتاجك يلاقيك جمبة
الحب ان تكفية عن العالم كلة حتى لو كنت بعيد بيطمن انك فى حياته
بس تكون قادر تعمل كدة
عشان كدة كتير بيحبوا لكن قليل اللى بيقدر يحب

[دمعه حائره]

مش لاقيه حاجة اكتبها مع ان فيه حاجات كتير حصلت اليومين اللى فاتوا
يمكن مش عاوزة ادخل فى تفاصيل او يمكن محدش هايفهمنى
او احسن بلاش ادايق حد معايا
بس من كتر التعب والحزن اللى كنت فيهم
كتبت وصيتى

[دمعه حائره]

كنت بكلم واحدةقريبتى من شوية كان عندهم حالة وفاة
قولنا كتير وافتكرنا كتير ووصلنا فى النهاية ان الدنيا دى مش مستاهله
مش مستاهلة تنام زعلان او شايل فى قلبك من حد
اهم حاجة بتفضل من البنى ادم سيرتة والاثر اللى سابة وسط الناس
لو خير يبقى نعمة وفضل وكدة حياتك ماضاعتش على الفاضى
يارب احسن ختامنا

[دمعه حائره]

شهر يناير ده كان طويل اوى حاسة انه سنة مش شهر واحد
والحاجات اللى حصلت فيه كافية انها تقفلنى من السنه كلها
حتى اجازة نص السنة قضيتها فى البيت ومروحناش فى اى مكان
بس انا لسه متفائلة وهختم بالمشاركة دى الصفحة الطويلة دى
ان شاء الله الشهر الجاى يكون احسن لينا كلنا