بصراحة مع dr.sma

[مِسكُ الشَهادة]

المقدمة ... يا نارًٌ تحرق ُ في الأجساد يا قلبٌ يتفطر ُ عشقا ً وينزف ُ من حقد ِ الأوغاد كفاك َ هروبا ً يا سفاح فالصبر ُ كِفاح والشعب ُ السوري ُ سينهض ويُزيل ُ غبارك رغم جراح فالأم ُ الثكلى لن تغفر والشعب ُ الحُر فلن يصمت شهداء ٌ تمضي للجنة بحبيب ِ الخلق ِ وسيدهم مُحمد ُ تهواه ُ الأرواح ستسقط يوما ً يا بشار وسنعلن ُ فرحتنا دهرا ً والحق ُ سينتصر وتبقى راياته بلسم كل جراح... جميلة ٌ حياتنا ولا ينتهي الوفاء فيها كلما قابلنا أناسا ً نعتز بهم كلما عادت لنا البهجة والأمل والسرور بأن الدنيا ما زالت بخير وأن صفو الحياة معدن ثمين لصفوالقلب وإبتسامة الروح ... ضيفتنا لهذة الحلقة ضيفة نعتز بها ونفتخر إنسانة متألقة ودكتورة نسأل الله االتوفيق لها في حياتها اللهم آمين رحبوا معنا بالأخت الغالية DR.SMA ... أهلا ً وسهلا ً بك ِ أختي ننتقل لمضمون الحوار... السلام عليكم ورحمة الله وبركاته وعليكم السلام ورحمه الله وبركاته .. إزيك يا أختي يا رب تكوني بألف خير الحمد لله بخير ويارب الجميع بخييير .. ننتقل لمضمون الحوار بقى ... اتفضل طبعاً القسم الأول :- حياتك الخاصة 1_حدثينا عن نفسك بشكل مختصر ؟ سما مصطفى في طب أسنان المنصوره عاديه يعني إنسانه بس يمكن مش إجتماعيه بدرجه كبيره جيت في وقت وحاولت اكون اجتماعيه لكن حسيت اني مش انا ورجعت تاني لحياتي العاديه الي بكون سعيده فيها .. أصدقائي معدودين جدا يمكن في الواقع أقل كتييير من هنا يعني الواقع بالنسبه ليا منحصر في البيت و3 بنات مش أكتر المنتدى هنا إدالي مساحه شويه من التعامل مع الناس لكن بردو أظن إنها مساحه محدوده مع الجميع .. 2_ هل د. سما راضية عن نفسها تماما ً أم ما زال هناك ما ترغبين الوصول إليه بعد؟ مينفعش أكون راضيه عن نفسي تمام الرضى لإن كده مش هيكون عندي حافز إني اعمل حاجه جديده أكيد في جوانب في حياتي راضيه عنها بس بردو في جوانب بتمنى أكون أفضل فيها لكن قدامي هدف لسه متحققش أكيد بدأت فيه بعد ما كانت عدت عليا فتره اتنازلت عنه بدرجه كبيره وتملكني اليأس من إني أقدر أحققه لكن رجعتله تاني وإتمنى التوفيق من ربنا في تحقيقه ويكون الخير ليا وإن الحافز الي عندي والهمه دي مش تروح .. 3_ كيف كانت علاقتك بوالدك رحمه الله علاقة عادية أم أنها ذات طابع خاص ونادر ؟ طابع خاااااااص جدا ونادر جدا كمان يمكن حتى الآن مشوفتش العلاقه دي بين أي أب وبنته بابا كان فعلا أب وأخ وصديق وحبيب كمان في أيام حياته مكنتش بحتاج أي حد أو أي حاجه كنتى بلجأ ليه في كل حياتي أكتر كمان من ماما كتييير أوي خصوصا ان البيت عندنا كان بيت مثالي بدرجه كبيره يعني ربنا يرحمه يارب ويجعله في الجنه ويجمعني بيه على خير محدش هيوصل لمكانه بابا عندي فعلا مهما كان الشخص ده وحتى علاقتي بيه موقفتش بعد وفاته يمكن كتير بيستغربوا لما بقول بينه وبيني حجات كتيير لكن فعلا لما بحس اني محتجاه بلاقيه وده من فضل ربنا عليا لو اتكلمت مش هخلص كلام يا أ\خالد لكن فعلا بابا كان شخص مختلف في الحياه وكان شخص مختلف في حياتي انا ومش هيتكرر .. 4_ كيف تقبلت ِ خبر وفاته وما ردة فعلك يومها؟ بثبات مفاجيء وإستغرب منه الكل تقبلته فعلا برضى رهيييييب كان الكل خايف عليا انا اكتر من أي حد اتوفى في السعوديه وانا كنت هنا في مصر عرفت بعدها بإسبوع وطبعا لإننا كنا متعودين انا وهوه نتكلم كل يوم مرتين على الاقل فقالولي انه تعبان وفي المستشفى وبعدها عرفت بخبر الوفاه بدل ما يكونوا جنبي كنت انا الي بسندهم فعلا .. دي حاجه بحمد ربنا عليها لإني انا نفسي متوقعتش رد فعلي ده بس بقول الحمد لله واكيد لو الخير اه كان يفضل معايا كان ربنا عمله لكن ده الخير وانا راضيه بيه حقيقي .. صحيح اتأثرت بوفاته كتيير نفسيا ومريت بأزمه كبيره أوي بعدها بفتره لكن ربنا دايما بيقدر الخير .. 5_ ما هي أقصى أمنياتك التي تتمنين تحقيقها حاليا ً؟ في أهداف كتير ديني اكيد ان ربنا دايما يرضى عني ويرزقني الجنه دنيوي بقى بتمنى اني اكون ناجحه في بيتي زي ما كانت ماما وبابا ناجحين أوي في بيتنا وفعلا مثالي وكله حجات جميله اوي وتحس كده ان البيت فيه سعاده ورضى وربنا راضي عنه وكل الي فيه مبسوط والهدف التاني هو دراستي الي بتمنى اكون ناجحه فيه وقدم حاجه جديده سواء دراستي في الكليه دي او اي حاجه تانيه احب اكمل فيها بعد ما اخلص أسنان 6_ ما هي علاقتك بالدراسة وما تقييمك لنجاحك فيها وحبك لها ؟ عادي هلاقه عاديه خااالص مكنتش رغبه يعني بصراحه لكن مش ندمانه على دخولي أسنان أبدا لانها كليه كويسه ومكانتها كويسه أما تقييمي ليها فهو عادي صحيح مريت فيها بظروف صعبه لكن ده كان بحكم ظروف وفاه بابا لان بعدها اختلفت امور كتير داخليا بالنسبه ليا لكن ان شاء الله تعدي على خير 7_ هل أنت ِ فتاة مغامرة في الحياة كما يُقال أم أنك ِ تتصفين بالتروي والهدوء قبل أي قرار تتخذينه؟ لا مش مغامره بصراحه خااالص انا هاديه جدا وفي الواقع اكتر من المنتدى كتيير .. قراراتي باخدها بدون مغامره أبدا ويمكن باخد القرار بعد تفكير في الوضع العام أكتر ما بفكر بشكل شخصي وده يمكن يكون كويس من ناحيه ووحش من ناحيه تانيه بردو .. 8_ ما هي أكثر لحظات عمرك قربا ً لقلبك ولماذا ؟ لحظه خاصه شويه بالنسبه ليا .. 9_أحيانا ً يكون الصمت رد ع حدث ما ...متى تلتزمين الصمت في حياتك ؟ لما بيكون الكلام مش هيغير حاجه من الواقع بيكون الصمت افضل ممكن وقتها تتفهم غلط او تتفهم متهاون او مستسلم او ضعيف لكن الحمد لله عمري ما كنت مستسمله لما بسكت او مبردش بيكون عن قناعه ان الكلام مش هيفيد فبقول ربنا موجود وبس ومقتنعه اني بكون وقتها صح جدا حتى لو تعرضت لأي شيء سيء نتيجه لصمتي ده ,, بس في الآخر ربنا بيظهر وجهه نظري دي للكل وبيعرفوا اني كنت صح .. اما لو الكلام هيفيد او هيغير او هقدر بيه اعمل حاجه اكيد مش هسكت طبعا .. 10_ لو عاد بك ِ الزمن للوراء ...فهل ستغيرين شيء من حياتك ندمت ِ عليه أم أن الإمور متوافقة تماما ً مع تفكيرك؟ لا مش ندمانه على حاجه أبدا الحمد لله ربنا ما يجيب ندم اي موقف مر عليا في حياتي سواء سعيد او حزين سببلي وجع او فرحه انا مش ندمانه عليه لانه اكيد وراه خير احنا مش شايفينه واكيد اكتر اني استفدت منه .. ونحن ُ هنا نسأل الله الخير لك ِ دوما ً ولحضرتك وللجميع يا أ\خالد ان شاء الله شكرا ليك .. القسم الثاني :- ثقافة عامة 1_ أنا أقرأ أكثر مما أكتب ...هل هذا مناسب لـــد. سما في الحياة العامة أم لا؟ أحياناً يعني سعات بيكون قلمي صامت شويه وساعتها بتجه للكتابه وسعات اخرى بيكون الإلهام موجود فبكتب كتير يعني مراحل وتبع المواقف بردو .. 2_ ما هي الميول الثقافية لديك ِ ..دينية سياسية..رومانسية ...شعر أم متنوعة؟ متنوع يعني لكن بحب القصص والشعر كتييير اوي السياسيه دي ننادره جداااااا او يمكن مش موجوده كمان دينيه بردو بقرأ لكن بعتمد على الإستماع أكتر كتيير .. 3_ كتاب قرأتيه ولا تشعرين بالملل لقراءته ما هو إن وجد ؟ في كتاب إسمه خواطر مسجون بحبه اوي هو شعر عامي لمواقف كتيير اوي الكتاب ده ليه عندي مكانه خاااصه شويه لانه ليه ذكريات كمان غير انه جميل وفي صفحات معينه من كتب بحبها بقى زي اخر صفحه من كتاب قصه مدينتين لشارل ديكنز صفحه معبره اوي بردو .. 4_ ما رأيك بالشعر ومن هو شاعرك المفضل ولماذا؟ بحب الشعر عموما مش الشاعر نفسه يعني الي يجيي تحت ايدي بقرأه وخلاص 5_هل أنت ِ من هواة متابعة الندوات الأأدبية والمعارض الفكرية أم لا ؟ مش دايماً المكان الي فيه ناس كتير مش بحب اتواجد فيه ممكن اسمع لكن نادر لو احضر .. 6_ لو شاء الله لك ِ أن تكوني وزيرة الثقافة .. .فما أول عمل ستقومين به من وجهة نظرك ؟ هعمل اختبارات ثقافيه حقيقيه وجوائز تشجيعيه لقراء الكتب بمختلف أنواعها ده هيشجع الناس على القراءه والناس لو قرأت مستواها الفكري هيزيد جدا وده الي محتجاه البلد حالياً وبردو الكتبا في بلدنا حقوقهم ضايعه اكيد هنقدملهم حاجه نقدر بيها أعمالهم بردو عشان نشجع الباقيين .. القسم التالت :_قضايا متنوعة 1_ رأيك الشخصي بكل من :_ أ_ حرية المرأة حريه المرأه في إلتزامها بقواعد دينها انا مع عملها ودراستها وثقافتها وكل حاجه لكن في اولويات كتييير والمفروض بردو أولوياتها متجيش على الحجات دي المرأه عالم كبببير ولو انحصرت في بيت وأولاد عمرها ما هتربيهم صح لازم تكون عندها وعي وثقافه وعلم عشان تعرف تخرج ذريه تفيد دينها ووطنها لها الحريه الكامله في أي مجال طالما مش هتخرج عن قواعد الدين وقواعد الدني دي القواعد الاساسيه مش الي بيخرج بيها الجماعات الغريبه الي بنشوفها طبعا بتكلم عن الشرع في القرآن والسنه مش شرع الأشخاص .. ب_ نظام التعليم فاشل جدا وإحنا كـ طلبه كمان مش فاهمين التعليم صح محتاجين اعاده تأهيل تعليمي الاول ج_ الخلافات الفكرية ما بين البشر شيء طبيعي جدا وإيجابي لولا الإختلاف كان زمانا كلنا شبه بعض يعني مفيش جديد يعني مفش عالم لازم يكون في اختلاف بس الاهم ميكنش في خلاف طبعا وجود الخلاف وارد لاننا بشر لكن الأهم ميكونش الصفه السائد في المجتمع .. 2_ نعم أم لا مع التعليل إن أحببت ِ ذلك؟ أ_ لن أسامح من يسيء بحقي إن كان قاصدا ً ذلك ؟ ممممم هقولك بصراحه طبعي بسامح اوي بدرجه مبالغ فيها بتلاقي ناس تستغلها ويفتكروها ضعف لكن بردو شايفه انها صح لكن إتقي شر الحليم إذا غضب لما بوصل لنقطه النهايه مع حد مش بعرف ارجع مهما بلغت درجه أهميته وبحتاج وقت كبييراوي حتى لو الشخص ده تراجع عن موقفه حتى بعد إعتذاره مثلا او محاولاته للرجوع قلبي وقتها مش بيصفى زي الاول .. ب_حياتي يغلب عليها طابع الحزن رغم سعادتي أحياناً؟ لا الحمد لله سعيده دايما .. لكن بمر بظروف حاليا مغيره ده شويه لكن بردو الحمد لله سعيده وعندي حجات كتير تخليني سعيده .. ج_المرأة لها درو كبير في رقي المجتمع كالرجل وأكثر ؟ أكيد طبعا المراه هيه الي بتربي الرجل أصلا لو كويسه هتربي صح لو غير كده هتربي غلط فهي دورها أكبر والحمل عليها أكبر د_السعادة الحقيقية في هذة الدنيا محالٌ أن تكون بالمال فقط؟ طبعاً مال ايه الي هيجيب السعاده ده المال ممكن يكون وسيله او سبب بسيط .. هـ_ أرى في المستقبل القادم كل خير ؟ ان شاء الله اكيد متفائله بكره هيكون أفضل لكل جواد كبوه .. وبعد العسر يسر ان شاء الله لينا كـ أفراد وللمجتمع كله .. 3_ سؤال ذكاء كدا هههه :_ في الأسئلة السابقة أي أسئلة نعم أم لا وقعت ُ أنا في خطأ فادح في اللغة العربية فما هو برأيك ؟ محالٌ المفروض محال بس لانها ممنوعه من الصرف على فعال صح بردو ولا ايه ؟؟ هوا خطأ من وجهة نظرنا بسيط ولكن من وجهة نظر اللغة العربية قاتل هههههههه دا صحيح ولكن مش هوا المقصود المقصود بسيط جدا ً وهو ترتيب الأحرف الأبجدية أ ...ب ..ج... هـ .. هههههه القسم الرابع والأخير ...المنتدى 1_ أقرب أصدقاءك هنا من يكون وما صفاته من وجهة نظرك ؟ words whisper سمسمه مشرفه الاقلام معايا صديقه هنا وفي الواقع كمان مخلصه جدا وحساسه كده وتفكيرها راقي أوي يعني بيميزها عقلها وقلبها كمان وغخلاصها النادر ده .. 2_ ما رأيك بالمنتدى من حيث النشاط والعلاقات ما بين الأعضاء ؟ طبيعيه لانه مجتمع داخل المجتمع لازم يكون فيه حب وكره وصراع وتفاهم واختلاف تفكير وخلاف بردو لكن أهم حاجه ان الموضوع ميكبرش كأنه مجتمع بجد .. 3_رسالة من د. سما لكل من :_ 1_ الأخت حنون حنان اعرفها من فتره بس نادر لو اتكلمنا بحترمها جدا طبعا وبقدر مجهودها كتيييير ربنا يسعدها دايما ويقدر لها الخير .. 2_ الأخت مشتاقة للجنة مش اتكلمت معاها الا مره واحده من فتره كبيييره لكن انسانه جميله اوي ربنا يسعدها بردو .. 3_ الأخت طمطم مكمتهاش خالص بس بحبها جدا مش عارفه ليه .. بحسها ظريييفه كده وواخده الدنيا ببساطه وقلبها أبيض .. 4_ الأخت beauty angel آيه موجوده هنا من زمان مكملتهاش بردو بصراحه لكن واضح انها انسانه راقيه وتصرافاتها عقلانيه وكمان لما كنت بتابع زمان كان نشاطها حلو اوي لكن حاليا انا مش بتابع .. 5_ الأخت ~Destiny~Girl مش أعرفها بصراحه اكيد انسانه محترمه طبعا ربنا يوفقها .. 6_الأخ Mahmoud Mohie محمود ده بقى اخي العزيز مش عارفه ليه بحس انه اخويا الصغير احساس صادق اوي يعني بجد بتمناله الخير دايماً وانه ربنا يوفقه ويسعده دايما ويحميه كده والله بجد عزيز جدا عليا ربنا يخليه كده مع اني مفيش بيني وبيني أي تعامل من أي نوع خااالص لكن فعلا بحترمه .. 7_الأخ Mr. M ! r o, اخونا الكبير بحس انه قلبه ابيض بس عصبي شويه كده ربنا يوفقه في حياته كلها ان شاء الله .. 8_ الأخ أحضان الحبايب عبدهـ (( مش عارفه اسمه ايه بصراحه غير عبدهـ دي )) مش عارفه عنه حاجه أبدا لكن بتابع صفحاته واضح ان عقليته تحترم جدا وانسان كويس ربنا يسعدهـ .. 9_الاخ P R ! M O, نيمو العزيز ههههههه ربنا يصلح حالك يا نيمو بردو بتابعه كتيير والله بعتبره أخويا جدا ربنا يوفقه هوه كمان للخير دايما .. 10_ الأخ ملك جبال الاحزان مش اعرفه بصراحه خاالص ربنا يكتبله التوفيق دايما .. ملحوظه بس الناس الي هنا الي بقول اعرفها فهي ناس بشوفها في الاقلام والصفحات يعني مش اكتر لاني مليش تعامل واقعي مع اي حد الي اعرفهم وبتعامل معاهم كتير هم اسماء ومنه 4_ هل هناك ما تتمنين إضافته للمنتدى كفكرة يعني ؟ مش مركزه مع المنتدى الفتره دي خااالص لكن ربنا يسهل لو في جديد اقدر اضيفه اكيد هكون مبسوطه .. 5_ نصيحة لأخوك خالد ؟ عقليت حضرتك تحترم اوي فعلا بشوف في حضرتك الانسان الملتزم الناجح ,, كتير من اسلوب تفكيرك بقدره وبحترمه أتمنى ديما تفضل على كده ومتغيرش منهجك ولا اسلوبك تبعاً لحاجه معينه أبدا ربنا يكرمك يا رب شهادة أعتز بيها والله ومتخفيش مش حتغير وإن تغيرت فاكيد حتغير للأفضل برضو لأني بطلب من ربنا دايما ً أن يحقق لي ما أريد وفق مرضاته عني ليس في المنتدى فحسب بل في الواقع أيضا ً ربنا يوفقك يا رب 6_ كلمة للأعضاء ؟ المنتدى مكان كبير وفيه كتير اتمنى يكون فرصه لينا لنكون أفضل وبلاش يأثر علينا بالسلب ربنا يوفقنا جميعا ويهدينا يارب وادعولي بقى رأيي الشخصي ... أختي سما ...إنسانة رائعة جدا ً تتسم بالهدوء والرقي في الطرح ما شاء الله عنها ... نسأل الله لك ِ يا أختي السعادة في الدنيا والآخرة ... اللهم امين ولينا جميعا .. كل الشكر والتقدير لحضورك المشرف يا أختي ربنا يكرمك يا رب الشكر لله تسلم يارب بتحرجوني كده هههههههه ربنا يكرمنا جميعاً الخاتمة ... اللهم إجعل أعمالنا وأقوالنا خالصة لله تعالى فهو العليم بنا وهو الرقيب وبجد المنتدى دا بيت دافئ وراقي بكل من فيه نتمنى للجميع الخير والحب وما الدنيا سوى ساعة فلنجعلها محبة وطاعة والله من وراء القصد

[حنـــــون]

حوار رائع كالعاده
سما من الشخصيات المحترمه فى المنتدى
ربنا يوفقها دايما يارب
شكرا ياخالد على الحوار الجميل
تحيااااتى

[P R ! M O]

حوار جامد جدى يا خالد

طبعا ضيفه مميزه جدا وهى سمسمه اختى العزيزه

ماشى يا كابتن سمسم منور واللهى

[وهج الايمان]

حوار جميل جداااااا

سما من الشخصيات المحترمه

ربنا يوفقك ي قمر

اجابات ناااايس

تقييمي

[مُنـــــايا]

حوار جميل جدا من محاور رائع و ضيفه رائعه احسها حد جميل جدا ربنا يوفقها ويحقق لها كل ما تتمني اسعدتنا بالحوار استاذ " خالــــد " تحيتي

[العاشق الذى لم يتب]

أخويا وحبيبى خالد وحشنى وبتوحشنى
أزيك أخبارك إيه
من القلب أشكرك على ضيافى دكتورتنا سما
ربنا يقدرها واتخلع أسنانا
شخصية لها حضور وتميز
وعملت نشاط كبير فى القسم
وكثيرا ما قرأت لها
فهى تتمتع بروح خفيفة الظل وقلب كبير
والآن عرفت السر إذ أنها تحملت صدمة وفاة والدها والذى أحسبه شهيدا عليه رحمة الله
وكمان ربنا مريحها من عكننة الولاد وبتعيش مع 3 قمرات ربنا يخليهم ليها يارب
بس ماجابتش سيرة عن ماما أبدا
ربنا يوفقك فى كلية الطب وتتخرجى وتقلعى الأسنان يارب
وكمان تبقى معيدة أد الدنيا
سعدت بصحبتى فى معيتكما
تقبلا تحياتى وودى
رفعت

[Mahmoud Mohie]

اول حوار اقرأه لسما ...
انا مقرأتش الحوار... أنا عشت الحوار
سما عقلانيه جدا تتسم بالهدوء
وخفه الدم والاحترام
حقيقى نفس الشعور والله يا سما
بعتبرك اختى وبعزك جدا بالرغم
انه مفيش تعامل ...
ربنا يوفقك ويسعدك
واشكر كلامك بحقى لكى بالمثل حقا

م خالد ..
مميز دائما
اتمنالك التوفيق فى حياتك

شكرا

[الأميرة رودي]

حوار جميل واستضافه مميزه جداا ماشاء الله على سمــا
من الناس اللى بحبهم أوى وأقدرهم من غير اى تعامل بينا
هاديه ورقيقه وعقلها كبيـــر
وأجمل حاجه فيها بجد انها بعيده عن اى خلآفات بتحصل وأسلوبها راقي وعقلآنى
واللى عجبني أكتر هو التفاؤل اللى واضح من ردودها
بحب الانسان المتفائل اللى يواجه اى صعوبات وعقبات عشان يحقق أحلآمه

الله يرحم باباكى ياحبيبتي ويجمعك بيه بعد عمـر طويل فى الجنه
وربنا يحققلك كل اللى بتتمنيه فى الحيـــاة يارب

شكـــر خالد اختيارك لـ ضيفتك اختيار راقي بحق
ربنا يوفقكم دايما

[ŌиĹч.Ḿё]

آختيآرك كآن كويس بجد
سمآ آكتر آلشخصيآت
آللى بحترمهآ هنآ بجد
وربنآ يرحم وآلدك يآرب
ربنآ يرضى عليكى وعلينآ
آجمعين .!
شكرا ليك آ/ خآلد

[تجملت بالعفآف]

منوره الحلقه ياا سما

حلقه جميله وهاديه

ومن خلاللها تعرفت ع شخصيه

لم يسبق لي بأن أتعرف عليها

وأجابات بتدل علي أنها شخصيه قويه

ونتعلم منها الصبر علي تحمل الصعاب

وفقت أخي بالإختيار

اللهم أرحم موتنا وأجمعنا في أعلي جنانكـ

دومتم بخير

خالص أحترامي