حمله القضــــاء المصــــرى النـــــزيه

[big bốss]

القضاء المصرى نزيه يا ساده غير فاسد كما يدعون انهم قضاه يحكمون تبعآ للقانون و ليس تبعآ لهوى جماعه او مرشد انه القضاء المصرى الذى لم يستجراء احد ان يعكر نزاعته او يمسها من بدايه انشاءه حتى فى عصور الاستعمار لم يمس اليوم تحت الرايه المزيفه ضاعت هيبته و نزاهته و كرامته اليوم كمصرى حر اشفق عليه اشفق على القضاء المصرى ان يهان هكذا القضاء المصرى برىء مما ينسب اليه و ان قضاءته اشرف قضاءه و لن يمس و لن يهتز مهما قالوا و مهما صوروا للناس و الكل يرى و يسمع من القتله و من المنافقون و من الفاسدون اليوم ادعوا الى حمله من القلوب تنطلق حتى الى العقول لتلتصق ايمانا منا بأنهم يتلون كتاب الله و يحكمون بأياته فكفــــــــــــــــــــى تحريض حتى نستقر كفــــــــــــــــــى غباء حتى نعيش فى سلام كفــــــــــــــــى عبثآ فيما لا تعلمون فقد اضمحلت النفس فكفــــــــــــــــى ايها الخائبون

[gold rose]

للأسف يا نور
القضاء المصري ليس بالنزاهة التي تظنها .,
وانا بقول للأسف فعلاً .,
ما المرشد دلوقتي في الموضوع .,
كفاية خلط المواضيع ببعضها .,
بجد كفاية كدا .,

[نجم وزهره ومسافات فراق]

اخي الغالي
موضوعاتك وقضاياك
تستحق مني ومن الجميع
كل ثناء وتقدير واحترام
وشكر خاص لك على هذا الفكر المتنوع ( المفيد )


ومع كل الاحترام للقضاء
للاسف شككونا في الهواء الذي نتنفسه
انا كمواطن مصري احترم جدا القضاء
ولكن ما يحدث
جعلني تائع بين الحيرة والشك
ليس في القضاء
ولكن بجميع مصالح الدوله


اللهم اهدي كل احوال بلدي مصر
الغالي نور
لك ولفكرك ولموضوعك
كل النجوم والشكر والمحبه



اخوك

[دمعه حائره]

احنا مادخلناش فى النوايا وكشفنا ماتخفيه الضمائر
لكن التصرفات والاحكام الاخيره تدعو للشك والريبه
واتمنى يفضل القضاء المصرى نزيه
بعيدا عن اى شكوك او تصفية حسابات
واتمنى كل الشعب ضميره يصحى ويكون نزيه بمعنى الكلمة
مبادره جميله وموضوع يستحق الاهتمام

[morshooo]

القضاة مش زنبهم ان المحاميين الى عندنا جهله قوانيين

القضاة مش زنبهم ان محاكمه مبارك كانت بمستندات ضعيفه

كنا كل جلسه نشوف المحاميين داخلين للشهرة فقط مش داخلين عشان مصر

الحمله اكيد اتفق معاك فيها ان القضاء المصرى شريف ومحترم

[بنت الجنوب]

اكيد بتفق معاك اننا لازم نساند القضاة
لكن القضاء زى اى مهنه فيها النزيه و فيها الغير نزيه
لكنى اتسأل لماذا الهجوم على القضاء الان
لماذا كان القضاء يمتدح قبل انتخابات الرئاسة ثم يتم الان الهجوم عليه
لماذا الاصرار على خفض سن تقاعد القضاه
كأننا نقول ان من هم فوق السن هم المرتشون و ما دون سن التقاعد شرفاء
لماذا كان كل هذا الدفاع عن وزير العدل من قبل جماعة الاخوان و عندما قال كلمة حق طالبوا باقالته
واضح ان هناك جماعة تعمل لمصالحها و فقط
و واضح و اعتذر لذلك ان هناك انصار لهم ينزلون لتأيدهم بدون تفكير

لك الله يا مصر

[رنين]

القضاء زى اى مؤسسه
واى مؤسسه فى اى دوله فى العالم فيها الكويس وفيها الوحش
ودلوقتى اى مطالب لتطهير القضاء مش معنى كدا انى اجيب احكام على مزاجى
مع ان انا كان نفسى يكون فى محاكم ثوريه بس ما علينا
دلوقتى احنا تبع قوانين ومستندات وادله والقاضى يحكم على اساسها ومحدش يقدر يتكلم هنا
وال مش عاجبه له انه يطعن فى الحكم بالقانون طبعا

اما المطالبه بقى بتطهير القضاء ففى اصلا من القضاه نفسهم ناس شكلو رابطه زى مثلا قضاه من اجل مصر
لاعتراضهم على اجراءات او تصرفات داخل القضاء وهم بردو قضاه يعنى
بس زى ما قولت فى الفاسد وفى الكويس
والروابط دى بتكون فى اى مؤسسه وبتتشكل من ناس شايفه تصرفات واجرءات هى غير راضيه عنها ومنافيه للقانون

زى مثلا ان ابن القاضى او المستشار يتعين فى النيابه او اى كان علشان بس هو ابن قاضى او مستشار دون الرجوع للتقدير ال هو متخرج منه من كليه الحقوق
دى حاجات الناس بتتظاهر علشان تلغيها
زى ان يعملو قانون يبقى اخر سن للقاضى ستين او خمسه وستين سنه

احنا مش بنشكك فى القضاء احنا عايزين القضاء يبقى احسن ونتخلص من اى فساد فيه
وانا فى راى ان اكتر ناس اولى بتطهير القضاء هم القضاه نفسهم
لانهم هم ال جوا الموضوع وهم ادرى ناس بالكويس والوحش
وهم بردو ال هيرفضو تدخل اى سلطه تانيه سواء مرشد ولا غيره بقى

وعلى فكره اكبرر غلط بيتاخد فى حق القضاه ان يخلى كليه حقوق من خمسين فى الميه !!
اصلا المفروض تكون من كليات القمه فى مصر ياريت والله يغيرو فى الموضوع ده علشان يتخرج ناس بتفهم ،

تسلم يا باشمهندس
وعذراً على الاطاله .،

[booody99]

نزيه ده مات يا نور

انهارده انس الفقي والمغربي براءه

مهرجان البراءه للجميع

قضاء فاسد من بقايا نظام سابق

احنا عملنا ثورة على مين وليه لما هو خد براءه

امال مين الي جاب الجمال ولا مين الي سرق مصر

بلاش بس حتت نزيه دي عشان هو مبيجيش غير على الغلبان

ومعلش مش معاك بتقول انه مش بيحكم لمرشد

مرشد ايه يا ابومرشد هو ده مش مطلب ثوري!!