انا اصلا عبيط

[inglorious]

كتبت اسمك بدمى
وادينى ساكت غصب عنى
اصرخ واقول للظلم لا
يطلع يقول دا واد عبيط
يقوللى مالك يابن عمى
ارد اقول شايف كتير
شايف حصار وغبار كتير
وكام شهيد بيموت جديد
ودم مرسوم على الحيطان
وتقولى انا واد عبيط
شفت بنت فأديها مسكة
لقمه نشفة من حديد
جبتيها منين ياضحكه صافيه ؟
جاوبت وقالت من عالرصيف
بتنامى فين ؟ عالرصيف
وبتكى اية ؟ كام رغيف
طب فين ابوكى ؟
ابويا مات مع كام شهيد
وتقولى عليا عبيط
وشفت شايب على الكرسى قاعد
الدهر عدى كتير عليه
سألته يابا , مالك مدمع ؟
من الشفته من السنين
احفادى ماتو واهلى فاتو
وكل قوى داس على الضعيف
وسبنى قاعد وقام ورافع
ايده للسما
وقال يا ا ا ا ا رب انصر عبادك وعز دينك دا انت المجيب للدعاء
ويقولى قال دا واد عبيط
مين العبيط ياابن العبيط
لوكنت مش شايف اكيدعميت
اكيد خرست اكيد عبيط
ورا المناصب جرى
وادفع وخد وهات
ايه يعنى كام قتيل وكام مليون حرام
كون حزب كون معرضة
عوزنى اسكت هتدفع كام
عاوزين الدنيا بايظة
ماهى سبوبة المستفيد
كام جبان واقف هناك
انا شيفهم من بعيد
يدفع يحرك يسرق يدمر
وكل دة على شان جعان
قرشك حرام مصروف حرام
لانه ممصوص من الضعيف
ويقول عليا دا واد عبيط
يا خايب انهب وعبى زيهم
لا حد شايف و لا ويقدر يمنعك
اعمل عبيط و سد طريق
وقف مرور و احرق و ثور
ولو مت هتكون شهيد
واهلك اخلاص اهل الشهيد
وهتتشهر اصل اعلامنا اعلام تمام
جايب حقايق من اي مكان
ويقولوا كان مدافع للوطن
تصدق فعلاً انا عبيط
نسيتوا الى خلق الكون
و معمالوش حساب ليوم الحساب
لا فلوس هتنفعك و لا حد هيفديك
ولا حد هيعرفك اصل ما فضلش الا ذنوبك
خايف اقول واقول واقول
وافضح فى دول و دول ودول
اطلع فى الاخر انا فعلا عبيط
يمكن عبيط

27/6/2013
بقلم / ابراهيم حلاوة

[فرانكو.هدوء ملك]

اتنبأ ان شاء الله

بشاعر كبير ان لم يكن

( امير الشعراء)

ابراهيم حلاوه

سطرت هنا بحروف من ذهب

وكتبت بذهن ضافي

وبقلب مندمج

وصفت

وعبرت

وذهلتني من شدة برق ولمعان كلماتك الرنانه

اخي

لا تحرمني من جديدك دائما

سلمت يداك التي نقشت هنا تلك الحروف

اطلب من المشرف التثبيت

تحيتي لك + تقييمي

[ويبقى الأثر]

وهوا انت مش عارف
اللى يقول الحق فى زمانا يبقا عبيط
ولاتكونش مش شايف
اسكت يابنى وامشى احسن جمب الحيط

رااااائعه بحق اخى

سلمت يمناك وسلم مداد حرفك

اه وقول الحق حتى لو قالو عنك عبيط
ماتخافشى والظالم له يوم وان كان حويط

تحياتى وتقديرى لشخصك

[inglorious]

فرانكو.هدوء ملك
اخى الكريم كلماتك تلك سوف اجمعها واجعلها وسام على صدرى
اشكرك على مرورك اللطيف و تقيمك لى

قيثارة الصمت

انتى على خلق كريم

وكلماتك تدل على انك من نفس الكأس تشربين
اقدر مرورك الكريم

[єLмσsħαx]

بجد بجد كلمات جميلة جدا
انت مبدع
تسلم ايديك

[inglorious]

єLмσsħαx

كلمات شكر وتقدير ليس لها حدود فى طريقها اليك
لتعزف اليك اجمل وارق تحياتى على مرورك الجميل

[βỊиŢ ξŁMĄŊŞΘЦЯĄ]

كلماتك في غايه الجمال والصدق ..
تحكي الواقع بكل وضووح ..
لك احترامي وف انتظار جديدك ..
تـســــلــمـ ايـدكـ ..

[بلدنا في القلوب متشاله]

كلمات متزنه ومتناسقه
..

وربنا ينصرنا
شكــرا

[♥SaRa]

بجد كلمات معبرة جميلة قيمة جدا
سلم لنا قلمك المبدع
ونسعد بقلمكـ وسط منتدانا
ولنا الشرف في
5*****+ التقيم

[inglorious]

اقتباس المشاركة الأصلية كتبت بواسطة بـنـتـ الـمـنـصـــــورهـ كلماتك في غايه الجمال والصدق .. تحكي الواقع بكل وضووح .. لك احترامي وف انتظار جديدك .. تـســــلــمـ ايـدكـ ..

اختاه
ميرسى لذوقك العالى

اقتباس المشاركة الأصلية كتبت بواسطة بلدنا في القلوب متشاله كلمات متزنه ومتناسقه .. وربنا ينصرنا شكــرا

اللهم احفظ مصر من كل سوء
متشكر لمرورك الكريم

اقتباس المشاركة الأصلية كتبت بواسطة سـsasoـاسـو بجد كلمات معبرة جميلة قيمة جدا سلم لنا قلمك المبدع ونسعد بقلمكـ وسط منتدانا ولنا الشرف في 5*****+ التقيم

متشكر لكلمات الرقيقة
انه شرف لى ان اكون فى وسط المنتدى
بجواركم