طقطوقة ورا طقطوقة والحساب يجمع

صمتى كلام · منذ /12-06-2013, 01:27 AM

جميله قوى
والشرح كمان اجمل
تسلم ايدك

فتحى عيسى · منذ /12-12-2013, 05:22 PM

اقتباس

المشاركة الأصلية كتبت بواسطة words whisper


	كل مقطع فيه يكون مكتمل بنفسه حلوة كتير ماشاالله .. الله يعطي حضرتك العافية .. تقييمي ..

شكرا علي تشريفك الكريم
وتفاعلك الراقي برقي شخصك
وذوقك العاطر الكريم
بوركتِ
مودتي وإحترامي

فتحى عيسى · منذ /12-12-2013, 05:27 PM

زى مانكون مش بتوعنا ...
وقلوبنا ديه ايجار ...
والدم اللى فى عروقنا ...
ماشى عكس التيار ...
بناكل فى لحمنا ...
وبنعزم عليه الجار ...
مبقتش حاجه تهمنا ...
الا الدولار ...
بنزرع رمل حصاوينا ...
فى عيون النهار ...
بندفن كل يوم قيمه ...
وبنهدم فنار ...
بنخلق طينه وعجينه ...
من سماد النار ...

فتحى عيسى · منذ /12-12-2013, 06:32 PM

على كل موجه ...
ركبت ...
وعلى كل جناح...
طيار ...
لاعمرى ابدا ...
وصلت ...
ولا طلع ...
عليا نهار ...
رجعت ادور...
فى دفاترى ...
عن امل ...
يرد اعتبار ...
عن صاحب ...
يرد غيبتى ...
عن جار ...
لساه ماجار ...
لقيتنى ...
بحفر فى الميه ...
وبكنس ...
فى النار ...
وبشترى ...
دمع عنيه ...
من كل مطار ...

فتحى عيسى · منذ /12-13-2013, 02:22 PM

فين الناس
يخسارة القلوب الجميلة

فتحى عيسى · منذ /12-13-2013, 08:30 PM

الحذر يا أهل العلم ...
والحلم والنظر ...
مصر فى خطر ...
جواها صدع من البشر ...
أختصر ...
كل المسافات ...
وكشافات الأثر ...
وأحتكر السماوات ...
وعدادات المطر ...
وبناله صرح ...
فوق كل جرح ...
وكل وهم أبتكر ...
الحذر ياأهل مصر ...
عمرنا فى خطر ...
أخلاقنا فى خطر ...
الذمه مرهونه ...
الكلمه مقسومه ...
والقلوب حجر ...

فتحى عيسى · منذ /12-16-2013, 12:32 AM

اكتب ياقلم ...
وحط النقط ...
على كل حرف من الألم ...
اكتب خلاص ...
مبقتش اخاف ...
مبقتش احس بالألم ...
اكتب ع البيبان ...
وفى وسط الميدان ...
اصرخ ياقلم ...
راح فين الأمان ...
ياصاحبى والخلان ...
راحت فين الذمم ...
والعشره يا انسان ...
والحب بتاع زمان ...
راحت فين القيم ...
اكتب خلاص مبقتش ...
اخاف ...
مبقتش احس بالألم ...
اكتب ودوس عالألم ...
يمكن يصحينا ندم ...
يمكن يحركنا شعور ...
يارب ما يكون ...
انعدم ...
يارب ...

فتحى عيسى · منذ /12-16-2013, 10:19 PM

معدش يساع بقى قلبى
لقا ووداع
ولا عادت آحاسيسى
تلم شراع
ولا دمعى بقى يبكى
ولا فرحى بقى
سماع
ولا جد ف جديد عيدى
ولا طعمه بقى
متاع
خمود الشمس فى
جليدى
طفاها شعاع
سجين قيدى وحيدى
اللى رمانى
وضاع
معدش يساع بقى قلبى
لقا ووداع
ولا باقى من أوراقى
خضار ينباع
على بابى وقف جابى
عيونه وساع
جمع ماضى بحاضر
ماضى شياع
وضاع العمر ياعمرى
ف لقا ووداع

فتحى عيسى · منذ /12-19-2013, 12:26 AM

هنينى بقربك هنينى
وبعطف حنانك أروينى
خبينى منى يا عيونى
ودارينى من أمس جنونى
من صبح هوايا المحروم
من برد أنينى غطينى
ريحنى من أهى وليلى
ودموعى اللى جرحت عينى
نسينى عمرى اللى راح
ياحبيبى ياما نفسى ارتاح
على صدرك وأغمض عينى
ولا أسمع غيرك ينادينى
هنينى بقربك هنينى
وبعطف حنانك أروينى

فتحى عيسى · منذ /12-22-2013, 02:27 AM

نرجع ونقول فين الناس الحلوة

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تحميل - سلسلة Leapfrog التعليمية , لتعلم اللغة الانجليزية والحساب للاطفال	بيكانوالشرش	برامج كمبيوتر - برامج نت - تحميل برامج 2022	0	09-12-2010 02:57 PM

الذين يشاهدون محتوى الموضوع الآن : 1 ( الأعضاء 0 والزوار 1)

..{ فع‘ــآآليـآآت المنتــدى }..

الإهداءات

طقطوقة ورا طقطوقة والحساب يجمع

ابداعات الاعضاء العامية