استفتاء دستور 2013

[big bốss]

دا أستطلاع للأستفتاء على التعديلات الدستوريه الى تم فى الدستور 2012 اولآ الى عايز يقرأ المواد المتعدله و يعرفها من الرابط دا - اول ما تفتح الموقع هتلاقى مربعين اول مربع على اليمين بيخص الابواب الرئيسيه للدستور - و المربع الى على الشمال بيخص المواد و هتلاقى مربع كبير فيه تفاصيل الماده - بعد ما تتعرف على كل المواد و تقراها جيدآ و تتمعن فى قرأتها - الرجاء بالتصويت بنعم او لا فى التصويت - و ذكر السبب فى المجمل . مع كل ودى و احترامى لكم ،،،،،،

[phalsteen]

ودا اختياري ولا اجباري

[big bốss]

اقتباس المشاركة الأصلية كتبت بواسطة nefertiti ودا اختياري ولا اجباري

انتى حره فى أختيارك

صوتى بنعم او لا او اخترى عدم التصويت لو كنتى هتقطعى التصويت

[DR.SMA]

تعيين 5% من أعضاء مجلس النواب

ده مبارك كان بيعين 10 أعضاء بس وكنا معترضين

رئيس الجمهورية هيعين رئيس الوزراء بدون التزام بحزب

رئيس الجمهورية من حقه يحل مجلس النواب بس لسبب واحد في السنة الواحدة (جامدة مش كده) ولو الناس رفضت الحل رئيس الجمهورية يكمل عادي.. شفتوا احترام أكتر من كده

الدستور بيرجعنا لانتخابات الفردي بتاعة ابن الدايرة وابن البلد وبتاع اللي معاه فلوس كتير.. دستور محترم جدا جدا جدا

دستور فيه الرئيس اللي من حقه الدعوة لحل البرلمان لا يجرؤ إنه يعين وزير الدفاع.. رئيس طرطور يعني تحصين عينى عينك كده

دستور من حقه يقدم المواطن العادى قدام المحاكم العسكريه كده وان كان عجبك

دستور بيأسس لحكم عسكرى بامتياز

[big bốss]

ياريت الى مش هيصوت يقول ليه

و الى يتختار يقول ليه

و الى يقول نعم يقول ليه


- علشان عيب مواد فيه و لا دستور انقلابي ولا أيه

مش عايز تصويت و بس

[Śลяą..ღ]

لن اصوت

آولآ عشان مش عندى بطاقة
ثانيـآ عشان هو معمول من لجنة غير شرعيه جاءت على راس الدبابة
وثالثا فى مواد مش تستحق التصويت ليها اصلا

[big bốss]

اقتباس المشاركة الأصلية كتبت بواسطة ♥ . . Ŝăŋđŷ..βĭℓℓ لن اصوت آولآ عشان مش عندى بطاقة ثانيـآ عشان هو معمول من لجنة غير شرعيه جاءت على راس الدبابة وثالثا فى مواد مش تستحق التصويت ليها اصلا

يهمنى تالت نقطه مواد لا تستحق التصويت زى أيه ؟

[big bốss]

اقتباس المشاركة الأصلية كتبت بواسطة dr.sma تعيين 5% من أعضاء مجلس النواب ده مبارك كان بيعين 10 أعضاء بس وكنا معترضين رئيس الجمهورية هيعين رئيس الوزراء بدون التزام بحزب رئيس الجمهورية من حقه يحل مجلس النواب بس لسبب واحد في السنة الواحدة (جامدة مش كده) ولو الناس رفضت الحل رئيس الجمهورية يكمل عادي.. شفتوا احترام أكتر من كده الدستور بيرجعنا لانتخابات الفردي بتاعة ابن الدايرة وابن البلد وبتاع اللي معاه فلوس كتير.. دستور محترم جدا جدا جدا دستور فيه الرئيس اللي من حقه الدعوة لحل البرلمان لا يجرؤ إنه يعين وزير الدفاع.. رئيس طرطور يعني تحصين عينى عينك كده دستور من حقه يقدم المواطن العادى قدام المحاكم العسكريه كده وان كان عجبك دستور بيأسس لحكم عسكرى بامتياز

حلو اعتراضك يا سما على اساس

هو مادة وزير الدفاع دى تحصين عينى عينك فعلآ

و المفروض متكنش موجوده

بس ممكن تتغير بعد 8 سنين

[big bốss]

انا هصوت بنعم

علشان فيه مواد كتير اتعدلت للأفضل

مع اعتراضى على مادة وزير الدفاع

[دمعه حائره]

انا هاشوفه واقرر مع انى شايفه ان تصويت الشعب كله مش هايفرق