اجمد عضو و صاحب التوبيك (مورشو)

[جبل عالي]

الحلقة بالتمام والكمااااااال

كل سنة وانت طيب

وانتى طيبه وان شاء الله تكون سنه سعيدة

على الجميع

ياترى ممكن أسألك سؤالين ؟؟؟

سؤالين بس اجبل مستحيل يحصل دا منك ^_^

ازيك ؟ وازي حالك في السنة الجديدة ؟

الحمد لله كله تمام

واتمنى تكون سنه كويسه لاحسن الواحد زهق

من الكام سنه الى فاتو كانو سنين منيله بنيله ^^

فين سنينك يا ( مبارك ) مكنش حد بيحس بيحاجا

السنين كانت بتعدى ورا بعضها وفين وفين لما نلاقى

برنامج بيجبلنا احداث السنه وكان بيكون حدثين تلاته

وشكرا دلوقتى بقت الاحداث من كترها

البرامج بتجمعلنا احداث السنه فى يجى ( 7 حلقات )

و ..... مالك ؟؟؟

مالى تمام الحمد لله مفيش حاجا ^^

وايه اللي انت كاتبه على توقيعك ده ؟؟؟

قصدك منير صح

تسجيل خروج ( 30 / 12 /0213 )

دا كان تاريخ اخر توبيك نزلته فى اليوميات

كانت حلقه ( اجمد عضو ) مع ( طارق )

وتسجيل خروج عن المشاركات مش المنتدى

يعنى مش ناوى اشارك فى المنتدى ودا لسبب

انى طالب ارجع ( عضو ) مش عايز اكمل كـ ( مشرف )

مممممممم ده اكيد له اسباب وقوية كمان لأن معروف ان مش انت اللي اي سبب يخليك تقول انا مش عايز ابقا مشرف ولا انتا زعلان

ياترى ايييييييييييه السبب القوي ده ؟؟؟

لا مش زعل والا حاجا وربنا مايجيب زعل قولى امين ^^

بصى اعتراضى الاول والاخير على تصرف احد المراقبين

ويمكن اعضاء كتير اخدت بالها من الى حصل

مش هدخل فى التفاصيل قوى بس الى اتاكد منه

ان مبقاش حد فاهم ايه دور كل واحد فى المنتدى

لا المشرف فاهم دورة ايه

والا المراقب فاهم دورة ايه

لا المشرف بيعرف يتصرف لو المراقب ادخل وحزف

رد او توبيك او قفل توبيك

والا المراقب بيعرف لو حزف والمشرف رجع حاجا

يبقا ايه الى يتعمل .

يعنى مثلا الى حصل معايا ان لما برد على المراقب

بيحزف ردى ويقفل التوبيك مثلا فياترى هو دا الحل

الى قدام المراقب انه يعمله .

حتى لما طلب فى اليوميات انى اضيف بند

ان محدش يتصرف فى القسم طالما حد من المشرفين

موجود قالو لا البند ما ينفعش طيب ليه .

يعنى انا عايز اعرف حاجا هو المراقب او الادارى

بيكون ملاك مبيغلطش ^_^ والمشرفين بيغلطو

عشان يكون مشرف موجود ويلاقى مراقب او ادارى

داخل يحزف او يقفل توبيك اومال انتو معينين ( مشرفين )

ليه فى المنتدى طالما مش حقه انه حتى لو حد عايز

يحزف حاجا يبعتله ويقوله دا غلط واحزفه او اقفله

هقولك على حاجة يامورشو .... اولا كلامك مفيش عليه اعتراض

لأن كلامك صح ... اكيد لكل واحد دور مختلفناش

بس مفروض يكون في فرصة للمشرف يتصرف الأول

ولما يكون في خطأ يبقا تدخل المراقب ومن بعده الإدارة

ده تسلسل طبيعي للهيكل الإداري زي ماحنا عارفين .

طيب انا مطلبتش اكتر من كدا

لو حد شايف فى قسم ان فى مخالفه

يبعتو للمشرف الرد دا غلط ومخالف

بس دا الى طلبته لكن مابقاش مشرف

وقاعد وفجاة ادخل توبيك الاقى رد

محزوف ورد متعدل وحتى محدش يقولك

دا اتعدل او اتحزف

(ارد زيك ...ياعم متكبرهاش اوي حتى لو حصل مرة ولا اتنين ..مش شرط انه حال هيدوم يعني خلى عندك أمل )

بس ليا عتاب عليك هنا وعايزة ردك بصراحة

فيآخر توبيك ليك اجمد عضو كان سؤالك لسيلفر

س / توقعاتك كانت ايه بخصوص منتدى بنات مصر ؟

وكان الرد

توقعات سيئة ..لو فضل المنتدى بمعدل التسجيل المتدني دا

يبقى المنتدى اخره كمان سنتين و هتلاقيه مخلي من الاعضاء

المتواجدون

هو حاليا واقف على كام شخص كدا منهم انت

(اللي هما بيكتبوا حاجات تشد)

لو شيلناهم يبقى كل سنة و انت طيب

سؤالي ليك انت بقا يامورشو .....

هو انت مستعجل على كل سنة والمنتدى طيب ولا ايه بقا ؟؟؟

ههههههههههههه

مش قوى كدا بصى المنتدى موجود والحمد لله

لو واقف على شخص كان المنتدى وقف

لما ناس مميزين مبقوش يدخلوا.

بخصوص كلام طارق الحمد لله

الواحد من يوم مادخل المنتدى وهو مهتم بيه

بغض النظر عن الخلافات حتى والواحد فى مشاكل

كان المنتدى ونشاطه فيه حاجا والخلافات

حاجا تانيه حتى دا ظهر لما اتشلت من

الاشراف من كام شهر وكان بطلب

منى برضو واشتغلت فى القسم اكنى

مشرف لسه ورجوعى كان بطلب منى برضو

لما عرفت ان ( اسيل ) اتصابت

قولت همسك القسم لحد ما ترجع

والادارة وافقت على طول بصراحه

وماتقلقوش ان شاء الله المنتدى موجود

ومش هيقع والا حاجا

محدش قال يقع يامورشو ...اللي بيقع هو إحنا

بتقع الثقة وبتقع حجات كويسة ما بيننا وبين بعض .

وبعدين بالنسبة للسبب اللي على أساسه انت مخنوق

هل لازال الوضع زي ماهو ؟؟ ولا انت محاولتش

تنتظر وتشوف رد الفعل بعد ما تعرفت المشكلة يعني ؟؟

انا مش مخنوق والا حاجا ههههههه

(قول والله)

انا معترض بس

وانا بصراحه مش هستنى لما يحصل تانى

حتى لو اخد وعد بدا او اتقلى انه مش هيحصل تانى لان فى المنتدى

مفيش حد بيقدر يتحكم فى شخص

( لالا ده اسمه تعنت ونشفان دماغ من غير داعي بقا)

هو مش موضوع حد يتحكم في حد والله العظيم يامورشو

اقصد التحكم ان ممكن انا كعضو

اقول مش هعمل بس يحصل موقف

فعمل الى قولت مش هعمله دا

لكن مقصدش تحكم بمعنى انى اتحكم

فى تصرفات فلان او علان

(طب اصبر لما تشوف اللي بعد كده ياعم انت)

الحكاية ان ساعات بتيجي فترة كده تلاقي الكل متحفز

ومحدش طايق للتاني كلمة ولا تصرف

لا مش موضوع كدا بس

موضوع تصرفات خاصه لو حصل معاكى

اكتر من مرة من نفس العضو فاكيد

لا بيكون فى حاجا مش موضوع فترة وخلاص

(هقولك وانت قريت الأحداث يعني؟)

اقولك بصراحة ...انا ملاحظة ان في تغيير ملموس

وده دليل على بداية كويسة ان شاء الله

فخلاص يعني ايه اللي كان حصل لده كله

على فكرة الموضوع مبقاش يخص

مورشو لوحدة بخصوص التدخلات الى بتحصل

مع المشرفين وفى كذا مشرف حصلت معاه

نفس الحكايه

بس عايز اقول حاجا عشان محدش يفتكر

انى بهاجم وخلاص .

ساحر ودمعه انا مقتنع انهم بيشتغلو

بشكل كبير فى المنتدى وبيتعبو ومش مورشو

هو الى بيقول كدا لوحدة بالعكس

اعضاء كتير عارفا الكلام دا

كمان بعض المراقبين شغالين كويس جدا

ويمكن اهمهم ( لوجى ) متواجده دائما

وبتشتغل بغض النظر عن كلام ( رمضان )

فى ( ضمير عضو ) بس دا رئيه

زى ما كلامى دا بيعبر عن رئى الشخصى

وفى الآخر ده منتدى يامورشو

وبصراحة مش هنوافق انك انت ولا غيرك يمشي

ولا ياخد موقف من المكان

تعرفى المشكله والله

انى مش كل شويه ابعت لحد من الادارة

عشان مايقولوش دا عارف اننا رافضين

فبيبعتلنا ودى بجد والله مشكلتى

بس انا فعلا طول مانا مشرف كدا

انا خلاص واخد قرار ومقتنع انى مش هشارك

لكن لو بقيت عضو خارج الطاقم الادارى

انا عارف انى هشارك زى ماكنت

لان هيبقى فى هدف قدامى

انى عايز اثبت ان وجودى كمشرف

مش فارق معايا كوجودى عضو عادى

وعن رأيي ... إصرارك ده لو في صالحك انت

فهو اكيد مش لصالح المنتدى (لويهمك يعني)

هرجع اقولك تانى المنتدى

مش هيقف على عضو حتى لو هو مين

وانا قرارى مش انى اسيب المنتدى

قرارى انى مش عايز اكون مشرف تانى

تاني حاجة مش لصالح الأعضاء برضو

لأن مطلوب صوت يكون من الهيكل الإداري يشجع

على الإعتراض لو في مجال أو على البوح باللي يضايقهم

وكلنا عارفين جراءة مورشو ومواضيعه

حتى لو فيها قلق بس فى الآخر لمصلحة الأعضاء والكل

لا ياستى انا بتاع مشاكل

الى عايز يقول حاجا اكيد بيقولها

الموضوع مش احمد يقول او يوصل حاجا

بالعكس الادارة شوفناها كتير بتتقبل النقد

من كل الاعضاء وفى بيكون على حق

وفى بيكلم وخلاص وفى من الطاقم الادارى

بيعترض وبيكلم والادارة بتتقبل كلامه

متعودين من مورشو أبو الصراحة كلها حتى لو فيها كارثة
وانت وضحت وجهة نظرك فهل من المعقول
انك تحكم ان مفيش تغيير هيحصل ؟؟
تانى هرجع واقولك احنا فى منتدى
ومحدش هيقدر يتحكم فى تصرفات اشخاص
وحاجا كمان طالما الواحد وصل لمكان معين
وهو دا اخره فى المنتدى فخلاص
انا كمشرف بقالى تقريبا ( 3 او 4 ) سنين
مثلا عملت فى القسم حاجات كتير انا راضى عنها
فخلاص مايمكن لو عضو مسك جديد
يقدم حاجا احسن او يكمل الى اتعمل
فى القسم ويديرة بشكل جديد احسن منى .

كلنا عارفين انك تقدر تقول اللي انت شايفه غلط بطريقة دبلوماسية وقدرة كبيرة
على توضيح وجهة نظرك ...
هل شايف ان سياسة الإدارة حاليا محتاجة تعديل ؟؟؟
مفيش حد كامل
سواء ادارة او طاقم مراقبين
او الطاقم الاشرافى .
كلنا اكيد بنحتاج تعديل مع الوقت
ومش كلنا ملايكه يعنى مابنغلطش
بس الى بطلبه من الادارة حاجا بسيطه
لما يكون فى شكوى يبقى فى رد قاطع
مين غلط واتسبب فى الشكوى
يعنى مادخلش اقول الاتنين غلطو مثلا
ما انتا ماتحاسبنيش على رد فعل
ادخل وقول لا انتا غلط وانتا السبب
ودا رد فعل طبيعى للعضو الى قدامك .
يعنى ماجيش اغلط او اعمل حاجا قدام الاعضاء
وادخل اقولك معلش فى توبيك محدش بيشوفه او رساله خاصه بينى وبينك
ولا هو تعليقك على تصرف فردي ؟؟
انا قولتلك بحكم على منصب فى المنتدى
عرفنى انا دورى ايه كمشرف وعرف
المراقب دورة ايه كمراقب لكن لا دا
عارف مطلوب منه ايه والا دا عارف هو بيعمل ايه

اعتقد من ردك اللي فات انه على تصرف فردي فقط
انا بكلم على الى حصل معايا
وحصل مع غيرى وانا متاكد من كلامى
ممكن يكون المشرف غلطان فى مواقف تانيه
بس زى ما قولت وضحلى دور كل منهم ايه
وليه تلغى دور المشرف وهو موجود
عشان مراقب او ادارى موجود
زى ما هتزعل انك قبل ما تتصرف
فى توبيك او تحزف رد الا لما تبعت لمشرف
خلاص المشرف زعلان ان ادارى او مراقب
يدخل يعدل فى حاجا فى القسم الى هو فيه
وعلى فكرة عندى استعداد ابعت لكل
المشرفين سؤال واحد :
موافقين ان المراقبين والاداريين يدخلو ويحزفو ردود او توبيكات فى قسمك دون علمك او الرجوع ليك ؟
وشوفى هيوافقو والا لا
وشوفو لو الاغلبيه رفضت هيتطبق الكلام دا
والا لا .

من غير ما أسأل ولا حاجة طبعا واللي هم مراقبين حاليا
اكيد لما كانوا مشرفين مكنوش يحبوا يكونوا مجرد صورة و لون

بصراحة مش لاقية تفسير غير إنك (بتعااااااااند وبس )
على فكرة انا لو بعاند
مكنتش قولت انى عايز اكون عضو عادى
عشان اشارك فى المنتدى واكون موجود

طيب سؤال ولو انك ممكن تزعل او الإدارة تقول جبل بتولعها
بس لاوالله ويعلم ربنا انه فعلا في بالي من بدري ....

بما انك عارف كل حاجة ع المنتدى صغيرة ولاكبيرة
ولك نظرة فاحصة فعلا لظروف المنتدى ككل
لو النشاط نايم لو فى مشاكل لو فى انتقادات لو ولو ولو
بصراحة بتعرف تقلب المنتدى رأسا على عقب
وده بشهادة (سيلفر) ليه بقا لغاية دلوقت
لازلت مشرف ؟ بمعنى ليه مترقيتش مراقب ؟
بصى انا فى المنتدى من 2009
مجاش فى بالى انى اكون ( مراقب )
والا فكرت فى الموضوع من الاساس
والحمد لله الادارة نفسها كانت عارفا
حاجا زى كدا .
قبل كدا كان طارق قال ان المراقب بيكون
ليه مواصفات خاصه وكان كل تركيزة
على انه يحتوى المشاكل عشان قسم
الشكاوى وانا اعترض قبل كدا على الكلام دا
يعنى مستحيل يكون فى عضو كويس ونشيط
واقوله انتا اخر حاجا ليك فى المنتدى
( مشرف ) وفى نفس الوقت
يكون ( مراقب ) اقل منك مجهود وتواجد
ونشاط ويفضل ( مراقب )
فهنا فى حاجا اكيد غلط وفى ظلم
يعنى هقولك حاجا يمكن سبب ان الادارة
شايفا ان ( مورشو ) مايكنش مراقب يمكن
عشان قسم الشكاوى ان هيكون مفتوح
قدامى مع انى دلوقتى انا لا مراقب
والا حاجا وبعمل استضافات بسبب شكاوى
الاعضاء من قسم الشكاوى .
الى حابب اقوله بس مفيش شكوى بتتعمل
فى الشكاوى بيكون مالهاش مقدمات واضحه
لاعضاء المنتدى .

ولا عشان طريقتك ساعات الحادة فى توبيكاتك ؟؟؟
لأنك بصراحة لما بتنتقد بتدبح يامعلم وتسلخ كمان

تفتكر ايه السبب ؟؟؟؟
لا دبح والا سلخ يا معلمه
خلاص دخلى السنج والمطاوى
هو الفرق بس ان فى توبيك الاعضاء بتثق فيه
وبيكون العضو عارف ان الى هيقوله
هينزل
وبيكلم براحته والتوبيك دا مش انا لوحدى
الى عملته وخليته كدا الادارة نفسها
ليها دور فيه انها بتسمح للاعضاء
تقول وجهة نظرهم وبتدخل توضح
لو دا صح والا غلط ومش بتطلب انى احزف
سؤال ودا محصلش معايا صحيح
ممكن تحزف رد او تقفل التوبيك
بس سؤال فى الحلقه نفسها محصلش
انها دخلت عشان تحزف سؤال
سواء فى تواجد طارق فى الادارة
او فى وجود امجد ومنه

(لا وتقول عليا انا رغاية؟؟) اومال الرغي بتاعك ده كله ايه هاراثوووود


طيب من الآخر كده يامورشو لو حصلت اننا نعمل مظاهرة

بعدم شيلك من الإشراف هنعملها ومعتقدش الإدارة هتشيلك

شوف انا مقدرش اقولك غير روح يابني وتعالى على طول

لابجد ربنا يهدي ويصلح الحال

وبجد اول مرة اشوف محاور متمكن زيك يسيب الحوار كده

ملوش نهاية يعني .......

على فكرة دي أول وآخر حلقة جبل يعملها على التوبيك ده

ده ملكية خاصة بيك يامورشوووو وعيب عليك كده بقا

هتفضل سايب بيتك وبايت فى الشارع كده ؟؟

[jasmean]

حرام عليكم ايه الرغي دا هههههههههه
اكيد مش قراته كله مش فاضيه انا ^^
اقوم اذاكر اي حاجه ارحم ههههه
منور يا احمد
وحلوه الحلقه الي مش قراتها ولا هقراها دي ^^

[phalsteen]

يا نهار اسمر يا جدعان
انا هولد قبل ما اخلص قرايه
بلاش لعب عيال بئه
خلوها سنه حلوة كدة
بص لما تهدي
ابقي شوف
يالا انتشروا بئه
ومتعشموش ان هنا ممكن حاجة تتصلح

[SiLver Spectra]

انا كمان عايز اترقى
يا اترقى يا اقدم استقالتي
مش معقولة خمس سنين يعني من غير ترقية

طب انا راضي بضمير الاعضاء
ينفع حد يكون بيعمل كدا ^ ^ و نخليه مراقب ؟
يعني ترد على المشتكي بكلمتين مستفزين و تحطله دي ^ ^ ؟ هههههههه

[phalsteen]

اقتباس طب انا راضي بضمير الاعضاء ينفع حد يكون بيعمل كدا ^ ^ و نخليه مراقب ؟

السؤال دا بجد ولا تمويه
يعني مفهوش اعتقال ولا مؤبد
ولا هياخد اشارة ارهابي متطرف
اها هي العلامه دي زي اشارة رابعة كدة ولا ايه النظام اصلي بعملها ^_^

[ايمان طلعت]

الواحد مش محتاج يكون مشرف او مراقب عشان يهتم بمكان بيحبه
اللى بيحب مكان هيشتغل فيه كانه صاحبه ولو شاف حاجه مش عجباه اكيد هيقول عليها

والمفروض يكون كل واحد عارف دورة ايه وهى ايه حدودة ومحدش يتعدى على شغل التانى
واذا المشرف معملش شغله يبقى المراقب يتدخل

مش عايزة اطول عليكم بس انا كنت مشتركه فى موقع تانى وكنت مشرفه ونقلت موضوع لادارى
كان من الممكن يرجعه بسهوله لكن دخل وسالنى عليه ومعملش اى حاجه غير لما رجعلى كمشرفه للقسم مع انه ادارى مش مشرف ولا مراقب

المهم من كل دة المفروض الكل يحترم الكل و محدش يتعدى على عمل التانى

واذا كان احمد هيرتاح اذا خرج من الاشراف فواجب تلبيه طلبه و رغبته الى ان يعود مرة اخرى كما حدث قبل ذلك
تحياتى لكِ جبل ولك احمد

[واد حبيب]

عارف يا مروشو علي الرغم انك بتاع مشاكل من زمان
وانا طيب مش بعمل مشاكل خالص
بس انت قولت الكلام المفيد
وانا قولتو قبل
احلي حاجه في المراقبين بتوع المنتدي واسهل حاجه عندهم حزف المشاركات
بيموتو في حاجه زي دي وكمان قفل الموضيع وبتحصل كتير من الاداره كمان علي فكره وانا لحظتها كتير واخر موقف في الموضوع الاخير عن احساسي صحيح
مش عوز اتكلم كتير علشان محدش يزعل من كلامي
كل سنه وانتي طيببن
تسلمي يا جبل علي الاستضافه دي

[SiLver Spectra]

اقتباس المشاركة الأصلية كتبت بواسطة nefertiti السؤال دا بجد ولا تمويه يعني مفهوش اعتقال ولا مؤبد ولا هياخد اشارة ارهابي متطرف اها هي العلامه دي زي اشارة رابعة كدة ولا ايه النظام اصلي بعملها ^_^

لو رافع صورة رابعة عادي
الادارة ماعندهاش مشكلة معاها
لكن دي ^ ^ لأ طبعا

[phalsteen]

اقتباس المشاركة الأصلية كتبت بواسطة silver spectra لو رافع صورة رابعة عادي الادارة ماعندهاش مشكلة معاها لكن دي ^ ^ لأ طبعا

اهااااااااا
دا اضطهاد بئه
بس رد مش مقنع ع فكرة

[العاشق الذى لم يتب]

حرام عليك ياجبل
الوادأحمد يجرجرك وياه
ويخليكى ترغى كل ده رغى
منك لله يامرشو
خطيرأنت ولانافع فيك جواز ولاعزوبية
نعمل فيك ايه يعنى
حوش ياعم طارق الراجل ده هيجننى
تعرف يامرشو
أنت أكترواحد جريئ وحاد فى منقشاتك وخصوصا لماتزعل
زى ياسرصحبى بالضبط
صراحة ياجبل انت تنفعى مذيعة فظيعة
وأسئلة جميلة مغلفة بخفة دمك
والغالى مرشوصراحة ماقصرش ومنورالحلقة
بس ازاى طارق يقول المنتدى هيفل بعد سنتين
طيب أناعاوز طارق يعمل إحصائية على العام المنصرم
بذمتك مش حلوة المنصرم دى
ويشوف هيلاقى كتيرمن الاعضاء
مافيش يوم واحد مادخلوش المنتدى
وعلى سبيل المثال لاالخصر
أخوك رفعت
وإن شاءالله أنت تفضل منورنا دومالحدماابنك يستلم مكانك
وجبل طبعا فيها كل الخير
وجميع الاداريين والمشرفين فيهم كل الخير
وطبعا الخيركله فى الاعضاء
كل سنة وانتوطيبين
وتحياتى